Државниот санитарен и здравствен инспекторат (ДСЗИ) денес е во вонредна контрола на работењето на Клиниката за детски болести во Скопје откако во неделата почина седуммесечно бебе. Директорот на ДСЗИ, Кирил Лазов финален резултат од вонредниот надзор најави за утре.

„Во текот на денешниот ден од моја страна беше издаден налог за вонреден инспекциски надзор на Клиниката за детски болести со сознанија за починато седуммесечно бебе кое, по искажување на директорот, било донесено со тешки оштетувања на повеќе органи. По утврдување на фактичката состојба во делот на приемот, во делот на пружање на здравствена заштита како и евидентирање, ние претпоставувам дека во текот на утрешниот ден ќе излеземе со поконкретни финални податоци“, рече директорот Лазов.

Родителите на седуммесечното бебе за медиумите кажаа дека првиот пат  кога побарале помош оти бебето имало црвенило по лицето и нозете, откако им направиле лабораторија и ги прошетале клиниките во „Мајка Тереза“ завршиле на Детската клиника од каде ги одбиле за хоспитализација. Но по два дена се влошила состојбата на бебето, се вратиле на Детската клиника и бебето било хоспитализирано, но за пет дена починало.

Министерството за здравство извести дека бебето починало од сериозен синдром кој зафатил повеќе органи. Телото на бебето е дадено на обдукција.

Ова е последен од низата смртни случаи на Детската клиника за кои ДСЗИ прави вонредни инспекциски надзори. Директорот Лазов вели дека за смртта на петгодишното девојче кое на почетокот на минатиот месец почина на Детска клиника откако беше примено со силна главоболка, Клиниката не ги испочитувала целосно мерките дадени од Инспекторатот.

„Ние по наложените мерки направивме контролен инспекциски надзор. Утврдивме дека делумно е постапено во делот на организацијата како и во делот на времените лиценци и факсимили за специјализантите. Издаден беше платен прекршочен налог, роковите течат, меѓутоа она што можам да го кажам е дека во периодот што следи ние ќе направиме повторно контролен и инспекциски надзор, вонреден, не само на Клиниката за детски болести туку и во моментов се вршат вонредни инспекциски надзори на останатите клиники во кампусот ‘Мајка Тереза’.

Петгодишното девојче почина од мозочен удар по две недели лекување на Детската клиника.

Министерот за јавна администрација, Горан Минчев, ја истакна важноста на реформите во јавната администрација на состанокот на специјалната група за реформа на јавната администрација посветен на европските интеграции и административните реформи.

Министерот Минчев упати благодарност до Европската Унија, СИГМА, РеСПА, и останатите партнери за нивната континуирана поддршка и посветеност, нагласувајќи ја клучната улога на јавната администрација како столб на модерното општество и важен фактор за подготовката на Република Македонија за членство во Европската Унија.

„Реформата на јавната администрација е еден од главните приоритети во пристапното партнерство со Европската Унија, дел од првиот кластер – Основи, во согласност со новата Методологија за пристапни преговори. Но, овие реформи не се само обврска кон ЕУ, туку и обврска кон нашите граѓани. Наша цел е да изградиме модерна, транспарентна и ефикасна јавна администрација што нуди брзи и квалитетни услуги за сите,“ – истакна Минчев.

Минчев информираше за клучните активности на Министерството за јавна администрација, кои се насочени кон реализација на Стратегијата за реформа на јавната администрација 2023–2030, Планот за раст и Патоказот за реформи.

Во тек е изработка на нова законска рамка која ги опфаќа законите за вработените во јавниот сектор, административните службеници, и стручното усовршување, со цел воспоставување институционални механизми за континуирана едукација и професионализација на службениците.

„Извештаите на Европската комисија и оценските мисии на СИГМА ги гледаме како компас за насочување на реформите. Тие ни покажуваат не само каде треба да бидеме подобри, туку и колку е значајна соработката со ЕУ и сите останати партнери,“ – додаде министерот, повикувајќи на заеднички напори за исполнување на приоритетите.

Минчев ја истакна потребата од зајакнување на меѓуинституционалната соработка и партнерствата со граѓанскиот сектор, како и меѓународните организации.

„Нашата посветеност на реформите е недвосмислена, но успехот е возможен само преку заеднички труд. Уверен сум дека со стратешка соработка ќе постигнеме значајни резултати кои ќе ја потврдат нашата подготвеност за полноправно членство во европското семејство,“ – заклучи тој.

Министерството за јавна администрација останува посветено на исполнувањето на своите реформски цели во партнерство со Европската Унија и меѓународните организации.

Чистиот како солза Груби, кој првин се најде на црната листа на САД, а потоа и во центарот на кривична постапка за милионски криминал во Лотарија ја напуштил државата по ставањето на црната листа на САД, а пред отпочнување на кривичната постапка против него. Дали е чист како солза или матен нека си докаже пред суд, ако има храброст да се соочи со доказите. Ова го истакна пратеникот од ВМРО-ДПМНЕ, Миле Лефков.

„Осум милиони евра е криминалот во АД Лотарија на Македонија во кој главни актери се Артан Груби како вицепремиер и Пeрпарим Бајрами како директор на Лотарија. И Груби и Бајрами се кадар на ДУИ, кои додека ја краделе државата по потреба еднаш беа зелени, па европејци, па сееја раздор за етнички тензии. Во принцип само менуваа маски за да крадат. Пукна како меур од сапуница наративот на ДУИ дека се борат за зелени агенди или за ЕУ. Тие се бореле и се борат за да прават криминал и да ги ограбуваат граѓаните, соучесници во тој криминал им беа СДС“, изјави Лефков.

Порача дека мора да има одговорност за милионскиот криминал кој го направил Груби, ДУИ и СДСМ.