Македонија
ДУИ и СДСМ ја уортачија Македонија со бугарската мафија, велат од ВМРО-ДПМНЕ
Молкот нема да ја спаси власта на ДУИ и СДСМ, од одговорноста пред јавноста, за тоа што Македонија ја уортачија, со бугарската мафија, каде овој септември дадоа 3 лиценци за нови онлајн казина во Македонија, на лица кои се познати на законот во Бугарија, велат од партијата ВМРО-ДПМНЕ.
„По одлуката на владата со потпис на Артан Груби, Лотарија, каде директор е шефот на кабинет на Артан Груби, Перпарим Бајрами, веднаш објавува оглас, со кој е практично направен фоторобот, на фирмата која треба да го добие истиот. Васил Бошков, Черепот, е на чело на 8888.бг, позната како онлајн казино, коцкарница на бугарското подземје, а тој според Блумберг, е во домашен притвор во Бугарија и е опишан како коцкарски могул и олигарх поврзан со подземјето. Клон на оваа фирма е онлајн коцкарницата 7777.бг, водена од истите луѓе, истата платформа, истата структура, само друга страница на 8888.бг.“, велат од ВМРО-ДПМНЕ.
Според нив, додека граѓаните во Македонија, секојдневно се борат за да преживеат, додека за болните нема лекови и инфлацијата го јаде стандардот на народот, ДУИ и СДСМ ги користат и последните месеци на власт, за да приграбат што повеќе милиони за себе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Центар, Сопиште и Бутел
Од ЕВН Македонија АД известуваат дека денеска без електрична енергија ќе останат:
· во периодот од 07:30 до 15:00 часот, корисниците на блокот на згради од булеварот Партизански Одреди бр.17 кон улица Максим Горки, општина Центар.
· во периодот од 07:45 до 15:30 часот, корисниците на селата Јаболци, Ново Брезница, Патишка Река, Држилово, Малчиште, Црн Врв, Елово, Осинчани, Карст с.Јаболци Викендици Држилово, Сателитски Центар, Ново Брезница, Рудпроект, Јаболци, Патишка Река, општина Сопиште.
· во периодот од 08:30 до 10:30 часот, корисниците на улицата Тале Христов, Поликлиника ВФВ и Објектите околу ВРВ Поликлиник, општина Бутел.
· во периодот од 09:00 до 12:00 часот, дел од корисниците на улицата Елисие Поповски – Марко бр.21,47 и други корисници во непосредна близина, општина Центар.
Македонија
Делови од Центар и Аеродром денеска без вода
Од ЈП Водовод и Канализација известуваат дека денеска:
– поради изведување на водоводен приклучок ф-80 мм на улицата Франклин Рузвелт бб, прекинато водоснабдување ќе имаат корисниците на дел од истата улица, односно потегот од Орце Николов до Благој Давков, општина Центар.
Водоснабдувањето ќе биде прекинато од 10:00 часот до завршување со работните активности.
– поради промена на вентил во шахта ф-2“ на улицата Венијамин Мачуковски бб, прекинато водоснабдување ќе имаат корисниците од истата улица, општина Аеродром.
Водоснабдувањето ќе биде прекинато од 09:00 часот до завршување со работните активности.
Македонија
Утрото претежно ведро и студено, преку денот сончево со мала до умерена облачност
Утрото претежно ведро и студено, преку денот сончево со мала до умерена облачност. Ќе дува слаб ветер од јужен правец.
Минималната температура ќе биде во интервал од -4 до 4, а максималната ќе достигне од 15 до 20 степени.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе се спушти до 2, а максималната ќе достигне до 16 степени.
Времето во наредните денови
Следува период на стабилно и суво време. Претпладне по одделни котлини ќе има услови за појава на магла или ниска облачност. Поради разведрувањето утринската температура наместа ќе се спушти под нулата, а дневната ќе бележи тенденција на благ пораст.

