Македонија
„Д-р Пановски“ за обвинувањата од Милошоски: Ова е дневнополитички линч пред избори
За веледрогеријата „Пановски“ вчера изнесените ставови од пратеникот Антонијо Милошоски во рамките на анкетната комисија за скандалот на Онкологија со обвинувања се само дневнополитички линч кон кој политичките партии посегнуваат пред речиси секои избори. Веледрогеријата испрати реакција во писмена форма, која ја пренесуваме во целост.
„Не ни е пријатно што сме принудени да се браниме со реакција од нападите на г. Антонијо Милошоски како претставник на политичка партија, но со оглед на фактот дека е заштитен со пратеничкиот имунитет за искажаното немаме друг избор.
Информациите што некој му ги сервира се погрешни и немаат никаква врска со фактичката состојба. Со оглед на фактот дека АД ‘Д-р Пановски’ е единствен овластен дистрибутер за Северна Македонија на светски реномирана компанија за лекови и медицински материјали, на неоснованите напади со кои се наштетува на нашиот корпоративниот углед должни сме да реагираме. Воедно, нема да дозволиме на каков било начин да се инволвира АД ‘Д-р Пановски’ во причините или мотивите поради кои е формирана анкетната комисија и заради што постапуваат другите надлежни државни органи.
Фаул број 1. (парафразирано) Невенчаната сопруга на сопственикот на АД
‘Д-р Пановски’ е причината поради која оваа веледрогерија продава лекови на Клиниката за онкологија. Ваквите ad hominem напади кон АД ‘Д-р Пановски’ се без основ. Најмалку зависи од стручното мислење на еден професор на Медицинскиот факултет колку лекови една веледрогерија ќе доставува на Клиниката за онкологија и во целото јавно здравство. АД ‘Д-р Пановски’ постои 29 години, учествува во јавните набавки и е единствен овластен дистрибутер на територијата на Северна Македонија за некои од лековите што се аплицираат редовно во протоколарните терапии за лекување на најтешко болните пациенти на Клиниката за онкологија.
Постојат минимум уште пет веледрогерии што се во истата ситуација како АД
‘Д-р Пановски’. И тие се единствени овластени застапници во Северна Македонија на фармацевтски компании што се производители на одредени лекови, кои се дел од терапиите со кои се лечат пациентите во јавното здравство. И тие веледрогерии најчесто се единствени понудувачи на јавните набавки во јавното здравство на кои учествуваат за потребните количини лекови, чии ексклузивни застапници се. Со законските измени во Законот за лековите и медицинските средства од март годинава се овозможува склучување таканаречени посебни договори за лековите што се покриваат од програмите донесени во согласност со прописите од областа на здравствената заштита и за лековите што се покриваат од средствата за задолжително здравствено осигурување. Посебни договори може да склучат Министерството за здравство и носителот на одобрението или веледрогерија овластена од носителот за да се сподели ризикот и/или трошоците за да се ограничи бројот на лицата чии трошоци за лекување се покриваат, односно да се ограничи максималниот износ што ќе се плаќа за лекот. Со посебниот договор се обезбедуваат лекови за кои нема конкуренција од технички причини во промет или лекови за кои постојат ексклузивни права, вклучувајќи ги и правата од интелектуална сопственост. Набавката на лековите со посебен договор е законска измена во согласност со ЕУ-регулативите, кои се однесуваат на иновативните терапии кои имаат еден производител во светот и во согласност со тоа еден дистрибутер во секоја земја за да станат полесно и побргу достапни за оние што имаат најмногу потреба од нив – најтешко болните пациенти.
Фаул број 2. (парафразирано) АД ‘Д-р Пановски’ е привилегиран за време на мандатот на Венко Филипче и СДСМ
Анализите на склучени договори за јавни набавки и остварени профити покажуваат дека АД ‘Д-р Пановски’ во периодот 2006-2017 просечно годишно реализира 40 % повеќе профит од периодот 2017-2023 година. Пратеникот Милошоски може да провери, на пример, колкав е долгот на јавноздравствените установи во овој момент кон АД ‘Д-р Пановски’ – Скопје. Притоа нашата компанија, без разлика на неповолната динамика на плаќање, никогаш не ја довела во прашање дистрибуцијата на лекови за најтешко болните пациенти. Оттука, нападите и критиките дека оваа веледрогерија ѝ е омилена на оваа владејачка гарнитура финансиските параметри ги демантираат.
Фаул број 3. (парафразирано) Поради профитите на АД ‘Д-р Пановски’, укинат е паралелниот увоз
Пратеникот Антонијо Милошоски треба да истражува пред да изнесува вакви констатации. Токму на темата за паралелниот увоз, АД ‘Д-р Пановски’ е поблиску до ставовите на неговиот поранешен партиски шеф, во чиј кабинет беше министер. Да бидеме прецизни, паралелниот увоз беше корисен модел да се обезбедат квалитетни лекови по поевтини цени и со тоа да се обезбедат сериозни заштеди во Фондот за здравство. Обвинувањата дека таквите лекови беа неквалитетни затоа што биле наменети за земји како Турција и Сирија секогаш сме ги отфрлале затоа што не е точно дека се произведувани во подруми или се препакувани. Вистината е дека Турција е многу поголем пазар од Северна Македонија и затоа производителите на лековите имаат интерес да им дадат поконкурентни цени отколку оние што се наменети за нашиот пазар и затоа таму поединечните цени на многу лекови од светски реномирани фармацевтски производители беа поевтини. Во овој период од три децении од основањето на АД ‘Д-р Пановски’ се сменија двоцифрен број министри и директори во ресорот здравство. Секое поврзување на економскиот учинок на АД „Д-р Пановски“ со чие било политичко влијание е несериозно и се пласира со цел да му се наштети на корпоративниот имиџ на компанијата. Жалиме што јавноста, кога ќе добие информација за вредноста на јавната набавка за лековите, веднаш, по автоматизам, тој податок го смета и за остварен профит на веледрогериите. Апсолутно не е така. Цените се регулирани однапред од страна на Министерството за здравство и точно се знае по која цена може да се продаде еден лек“, стои во реакцијата од веледрогеријата.
Пратеникот Милошоски вчера обвини за спрега меѓу МАЛМЕД, Министерството за здравство и веледрогеријата „Пановски“, ги нарече свето тројство и предупреди дека скандали како тој на Онкологија ќе ни се повторуваат сè додека таква спрега постои.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и Секторот за операции, континуирано ја следи состојбата по обилните врнежи од дожд. Од ЦУК апелираат граѓаните, доколку имаат потреба или забележат проблеми, истите да ги пријават на бројот 112.
Според пријавите и интервенциите до 21:00 часот на 7 јануари 2026 година, на терен се евидентирани следните состојби:
На патниот правец Гостивар – Стража има одрони, но сообраќајот се одвива редовно. На правецот Тетово – Бањиче регистрирани се одрони покрај коловозот кои го отежнуваат сообраќајот.
Во селото Балин Дол има излевање на реката Вардар, при што се поплавени 10 земјоделски парцели и неколку дворови, а е забележано и намалено производство на електрична енергија во ХЕЦ Маврово.
Во селата Мало Турчане и Горно Бањице се излеале Лукавичка и Сушичка Река, при што е поплавено земјоделско земјиште. Од ЦУК информираат дека општината нема соодветна механизација.
Во селото Форино е евидентирано паднато дрво во коритото на реката Вардар, што претставува ризик од поплава, а на терен е испратена екипа со моторна пила.
На делницата Тетово – Бањиче (кај Цртаниот ѕид) има свлечишта и одрони, при што патот е расчистен со багер и соодветно обележан.
Битола и околината
Во селото Лера има поплава кај мостот со можност за проширување кон селото. Во селото Породин е поплавена живинарска фарма.
Во Општина Ресен, во селата Перово, Дремени и Долна Бела Црква, поплавени се дворови и земјоделски земјишта, при што реките не се излеани. Одронот кај селото Сирхан е отстранет.
Охрид, Кичево и Струга
Во Охрид се пријавени поплавени подруми, гаражи и дворови, при што интервенирале јавните претпријатија и локалната самоуправа.
Во Кичево се поплавени стамбени објекти на улицата „Прилепска“, а 60 лица се евакуирани и сместени во спортската сала „Христо Узунов“.
На патниот правец Охрид – Пештани, кај хотел „Гранит“, е регистриран одрон. Патот е прооден, а расчистувањето на поголемиот нанос се очекува во наредните еден до два часа.
Во Струга, на правците Татеши – Мислодежда и Дебар – Струга, во тек е расчистување на свлечишта и одрони.
Општина Боговиње
Во Општина Боговиње е евидентирано поплавување на обработливо земјоделско земјиште поради затекнат канал од изградба на автопат. Нема загрозени куќи.
Од ЦУК информираат дека сите надлежни служби се на терен и активно интервенираат за справување со последиците од обилните врнежи. Граѓаните се повикуваат да бидат внимателни и да ги следат официјалните упатства.
Свлечиште на патот кон Бањиче
Дополнително, по нова пријава на бројот 112, информирано е дека поради врнежите повторно има свлечиште на патот кон Бањиче. Се апелира до граѓаните да не патуваат на оваа делница додека не се стабилизира состојбата, а општинските екипи се на терен и ја следат ситуацијата.
Македонија
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни претпријатија започнаа со интервенции за санирање на состојбата.
Најкритична е состојбата кај стариот објект „Прогрес“, каде што се излеа каналот од реката Курделес. Поради тоа, сообраќајот е отежнат на улицата „Македонска фаланга“ (поранешна „Иво Лола Рибар“) на потегот кон Железничката станица, соопшти Општина Битола.
Интервенции се вршат и на улицата „Солунска“ во населбата „Боримечка“, на Лавчански пат, како и во населбата „Стрчин“.
Екипите продолжуваат со работа на терен и ќе останат мобилизирани поради најавите за продолжување на врнежите.
Во акциите се вклучени екипи од „Битолско поле“, „Водовод“ и „Стрежево“, а најавени се интервенции и во селата Кравари, Канино, Лера, Горно Српци, како и долж реката Црна, во потесното и поширокото градско подрачје на општината.
Македонија
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би станало збор и за укинување на техничката влада.
Мицкоски изјави дека не би влегувал во процес на укинување на техничката влада без политички консензус, оценувајќи дека ваквите промени треба да се носат со согласност на сите релевантни политички чинители.
Тој потсети дека пред изборите раководството на СДСМ јавно се залагало за бришење на техничката влада и посочи дека допрва треба да се види дали таа позиција сè уште важи.
„Јас не би сакал да влегувам во такви измени, иако таму нема дополнителни услови, нема Бадентер. Но, не би сакал да влегувам во таков еден процес без да имаме консензус, затоа што мислам дека е тоа политички некултурно“, рече Мицкоски во интервју за „Алфа“.
Според него, доколку постои заедничка оценка дека техничката влада го кочи функционирањето на системот, има проблеми со уставноста и не остава доволно простор за маневрирање, тогаш таквите измени треба да се направат, но исклучиво со политичка согласност.
„Планирам од утре да упатам покана до сите лидери на политички партии или водства на коалиции што имаат пратеничка група во рамките на парламентот, да организираме една лидерска средба“, изјави Мицкоски.
На средбата би станало збор и за изборот на Народен правобранител и реформските закони поврзани со напредокот на државата кон Европската Унија.
„Да покажеме зрелост и да разговараме отворено на теми за кои немаме дијаметрално различни ставови. Сите велиме дека сме за Европската Унија, законите имаат позитивно мислење од Венецијанската комисија и од Канцеларијата на Европската комисија, ајде да седнеме и да разговараме“, порача Мицкоски.
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
МВР ќе утврдува зошто новите службени возила биле осветувани со верски обред
Одделот за внатрешна контрола, криминалистички истраги и професионални стандарди при Министерството за внатрешни работи презема мерки и активности за целосно...
Државниот врв со божиќни честитки: Пораки за мир, семејство и солидарност
Претседателката на државата Гордана Сиљановска-Давкова, претседателот на Владата Христијан Мицкоски и претседателот на Собранието Африм Гаши упатија божиќни честитки до...
Трамп: Постигнавме договор за нафтата од Венецуела, ние ќе ги контролираме приходите
Каракас и Вашингтон постигнаа договор за извоз на венецуелска сурова нафта во САД во вредност до две милијарди долари, изјави...
Денеска е Божик – денот на христовото раѓање
Православните христијани во светот, во Македонија и црквите кои се раководат по Јулијанскиот календар денеска го слават Рождеството Христово –...
Коалицијата на волните договори што по мирот во Украина
Триесет и пет земји од таканаречената Коалиција на волните во вторникот ја поддржаа Париската декларација во која се детално опишани...
Берни Сандерс: Шест причини зошто нападот на Трамп врз Венецуела е погрешен
Нападот на САД врз Венецуела во текот на викендот предизвика остри осуди од целиот свет, а критики беа упатени и...
(Видео) Маж избол до смрт кондуктер во Италија, па избегал со воз: во тек е масовна потрага по Хрват
34-годишниот кондуктер Алесандро Амброзио беше избоден до смрт синоќа на главната железничка станица во Болоња. Полицијата го идентификуваше осомничениот напаѓач...
(Видео) Николоски: 40 километри од автопатот Охрид – Кичево се веќе во функција
Вицепремиерот и министер за транспорт Александар Николоски на својот фејсбук профил објави ноќно видео од автопатот Охрид-Кичево, каде истакнува дека...
(Фото) Мицкоски: Бадник не е само ден, туку порака дека заедништвото, љубовта и солидарноста нe прават посилни
„Во пресрет на Бадник, денеска поделивме пакети помош во Карпош, Гази Баба, Чаир, Аеродром, Ѓорче Петров, Кисела Вода, Бутел и...
Европа под мраз: Откажани летови, затворени патишта и жртви во сообраќајот
Смрзнувачки временски услови денес зафатија делови од Европа, а снегот и мразот предизвикаа откажување на стотици летови во Холандија, а...
Сиљановска-Давкова: Божиќните празници ќе ја зацврстат нашата вера и надеж и ќе нè потсетат на човековата насушна потреба од чинењето добри дела
Претседателката Гордана Сиљановска-Давкова, по повод големиот христијански празник Божиќ, упати честитка до граѓаните кои го прославуваат денот на Христовото раѓање,...
(Фото) Ѓорѓиевски: Овој свет празник да ни донесе мир во душите и слога меѓу луѓето, заедно, со љубов и радост, да го дочекаме светлото Христово раѓање
Градоначалникот Орце Ѓорѓиевски денес присуствуваше на традиционалното одбележување на големиот христијански празник Бадник во Соборниот храм, каде во духот на...
Изгубил контрола врз возилото и удрил во бетонски ѕид: во сообраќајната незгода повредени двајца малолетници од Тетово
Вчера во 19:15 часот во СВР Скопје е пријавено дека на улицата „Емин Бојана“ во село Бојане, скопско, 47-годишниот М.Ш....
(Видео) Барот во Швајцарија никој не го проверувал пет години: прскалките сега се забранети
Ски-барот кој изгоре на новогодишната ноќ не поминал низ безбедносни проверки пет години, открија швајцарските власти на прес-конференција. Во трагедијата...
(Фото) Градоначалникот Георгиевски им подари пакетчиња на коледарите од општина Илинден
По повод големиот христијански празник Бадник, коледарите од општина Илинден со традиционални бадникови и коледарски песни ја најавија радосната вест...
Уапсен возачот што удри пешак на ГП „Долно Блаце“, следува пријава
На 06.01.2026 околу 01:50 часот во СВР Скопје е пријавено дека на меѓупросторот помеѓу Граничен премин „Хани Елези“ и Граничен...
