Македонија
Еврокомесарот за проширување одржа видеоконференција со министрите од Западен Балкан
Министерот за надворешни работи, Никола Димитров, учествуваше на видеоконференција со еврокомесарот за проширување, Оливер Вархеи, заедно со министрите за надворешни работи од земјите во регионот.
Конференцијата се одржа во функција на подготовка на самитот ЕУ-Западен Балкан во рамките на хрватското претседателство на ЕУ, кој исто така, поради настанатите околности наметнати поради пандемијата на Ковид-19, ќе се одржи во форма на видеоконференција на 6 мај оваа година.
На конференцијата се потврди важноста на блиската соработката меѓу ЕУ и регионот во досегашното справување со кризата. Особено внимание во дискусиите на министрите се посвети во планирањето на идните механизми и активности со цел ублажување на сериозните економско-социјални последици од пандемијата на Ковид-19.
Министерот Димитров во своето излагање се заблагодари на досегашната добиена помош од ЕУ насочена кон ургентно справување со здравствените и економските предизвици на земјата. Тој ги истакна и одличната регионална соработка и координацијата во воспоставувањето на т.н. зелени коридори за непречено движење на примарните производи во регионот.
Притоа Димитров истакна:
„Кризата предизвикана од пандемијата на Ковид-19 е тест за европската солидарност и меѓусебната соработка. Од особена важност е координирано и заедничко планирање на сите натамошни активности и пообемна финансиска подршка од страна ЕУ за економско закрепнување и справување со последиците. Притоа исто така важно е што побргу да се продолжи со европската агенда и динамиката на ЕУ-пристапниот процес, кој претставува клучна влечна сила за регионот“.
Од страна на еврокомесарот Вархеи беше реафимирирана подготвеноста за натамошна поддршка и беа претставени двата планирани инструмента: комуникацијата на ЕК за поддршка на Западен Балкан во справувањето со Ковид-19 и постпандемското закрепнување, како и поамбициозниот план, кој ќе биде претставен наесен во форма на поробустен социо-економски пакет, односно т.н. економски и инвестициски план за Западен Балкан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.