Македонија
Европскиот суд ја прифати жалбата на разрешената судијка Лидија Неделкова

Европскиот суд за човекови права, смета дека поранешната судијка и претседателка на Врховниот суд, Лидија Неделкова, оправдано се жали за разрешувањето од судиската функција.
Оформен е предмет, по кој, ќе се преиспитува законитоста на нејзиното разрешување од страна на Судскиот совет, кој ваква одлука донесе минатата година. За ова, известување добила и самата Неделкова, која е поучена дека и натаму може да доставува поднесоци кои би биле докази, во врска со нејзиното разрешување. Таа смета дека се повредени нејзините права и е незаконски разрешена, а откако во Македонија немаше каде да се пожали за да се преиспита одлуката, Европскиот суд за човекови права и беше единствена можност.
Жалбата, Неделкова ја поднесе девет месеци откако беше разрешена од судиската функција. Инаку, постапката против Неделкова се водеше по претставка од сега веќе разрешениот врховен судија Јово Вангеловски. Таа обвинуваше дека пријавите од Вангеловски поради кои таа не работи како судијка, биле поради нетрпеливост бидејќи му поднела кривична пријава за направени злоупотреби. Неделкова поднесе и кривична пријава против поранешниот претседател на Судскиот совет Киро Здравев и двајца членови, која беше отфрлена. Здравев, пак, за разрешувањето велеше дека е направено поради ненавремено, немарно, несовесно извршување на работните обврски, повреда на Судскиот деловник односно Кодекс за судиска етика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.