Македонија
Европскиот сојуз за промена: ДУИ е главната пречка за ЕУ-интеграциите

„Европската Унија преку холандскиот амбасадор информира дека ДУИ стана главна кочница за интеграцијата на земјата во Европската Унија. Забелешките од меѓународните партнери доаѓаат една по една. Реагира амбасадорот на ЕУ дека се злоупотребува европското знаме за да се задуши дебатата“, вели Изет Меџити од Европскиот сојуз за промена.
„Реагира силно амбасадорката на САД, почитуваната госпоѓа Анџела Агелер, заклучувајќи дека во Република Северна Македонија постои епидемија на корупција и никој од власта не се загржи дека толку важен партнер, како што се САД, го кажува ова.
Понатаму, со емпириски и графички податоци, излезе извештајот на Европската комисија, кој воопшто нема да се двоумиме да го наречеме скандалозен и најлош досега, каде што на секоја страница од овој извештај ја гледате констатацијата no porgress was made и повторно никој не го сфаќаше ова сериозно. Напротив, за своите неспособности се обидоа да ја обвинат опозицијата.
Вчерашниот состанок на амбасадорот на Холандија, неговата екселенција Дирк Јан Коп, и Али Ахмети, како и пораката пренесена на овој состанок од страна на амбасадорот, уште еднаш даде до знаење пред пошироката јавност дека ДУИ е вистинската пречка за интеграцијата на земјата во ЕУ, со сите нивни антиевропски и антидемократски дејства и нивните секојдневни коруптивни скандали. Овој состанок беше најтешкиот удар на последната лага на ДУИ за таканаречениот европски фронт.
Јасно се гледа дека и меѓународните партнери веќе сфатија дека зборовите на ДУИ не се совпаѓаат со нивните постапки и нивната манипулација е она што ги држи заложници граѓаните на Северна Македонија за да бидат дел од европското семејство.
Доброто во оваа работа е што деновите им се изброени и на граѓаните им е јасно дека на следните избори ќе се одлучи помеѓу Европскиот сојуз за промена, од една страна, кои се стремат кон вистинска борба против криминалот и корупцијата, да ја вратат демократијата и да го вратат владеењето на правото, а од друга, на овие другите, кои го гледаат единствениот спас во враќањето на Никола Груевски, затоа и целиот овој притисок за разрешување и линчување беше концентриран токму кај претседателката на Врховниот суд, г-ѓа Беса Адеми, бидејќи таа се спротивстави на овој притисок.
Европскиот сојуз за промена ветува дека ќе ја донесе промената што граѓаните ја заслужуваат, и тоа еднаш и засекогаш. По 8 мај, ќе дојде влада што ќе спроведе непристрасна правда и правна држава, каде што криминалот и корупцијата нема да имаат место“, соопшти Изет Меџити од Европскиот сојуз за промена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09:00 до 13:00 часот, дел од корисниците на улицата Мице Козар, општина Ѓорче Петров;
– во периодот од 10:00 до 12:00 часот, корисниците од ул.4 во Горно Соње, општина Сопиште.
Македонија
Променливо облачно со сончеви периоди, максималната температура до 24 степени

Времето денеска ќе биде променливо облачно со сончеви периоди. Ќе дува слаб до умерен ветер од северен правец. Минималната температура ќе биде во интервал од 5 до 14, а максималната ќе достигне од 17 до 24 степени.
Во Скопје, променливо облачно со сончеви периоди. Ќе дува слаб ветер од северен правец. Минималната температура ќе се спушти до 12, а максималната ќе достигне до 22 степена.
Времето во наредните деново
Од среда попладне до петок под влијание на нов влажен бран ќе има врнежи од дожд, локално пообилни (над 30 l/m²). Поради продор на постудена воздушна маса од север и засилен северен ветер во четврток и петок на повисоките планини ќе има услови врнежите од дожд да преминуваат во повремен снег. Температурата значително ќе опадне. Во деновите од викендот ќе има стабилизирање на времето и постепен пораст на дневната температура.
Македонија
Мицкоски: Левица е на услуга на ДУИ, сега си направиле пазар од кој ќе профитира или ќе се обиде да профитира ДУИ

Претседателот на ВМРО-ДПМНЕ, Христијан Мицкоски, имаше свое обраќање на денешниот митинг, со кој се започна кампањата за претстојните локални избори, и кој се одржа во Скопје во Спортскиот центар ,,Јане Сандански“ на кој се осврна и на коалицијата ДУИ и Левица, односно на Али Ахмети и Димитар Апасиев.
Мицкоски објасни дека сега јасно се гледа дека Левица игра во корист на ДУИ, како што претходно играла во корист на СЈО и Зоран Заев.
„Постојат две коалиции, две коалиции надвор од видливото. Првата е онаа меѓу Али и Димче, помеѓу ДУИ и Левица. Левица само го покажа своето вистинско лице кое што сите ние го знаеме. Тие се на отворен пазар, на услуга на Али и ДУИ. Сетете се, да не заборавиме, прво го помагаа СЈО за добри хонорари, потоа самиот Заев отворено кажа дека правеле тајни коалиции за наводно да ја спаселе Македонија од ВМРО-ДПМНЕ и од Христијан. А сега си направиле пазар од кој ќе профитира или ќе се обиде да профитира ДУИ. А тие пак од ДУИ, со истите трикови се децении наназад. Како стара закачица, провоцираат и едвај чекаат да им одговорам“, кажа Мицкоски.
Мицкоски укажа „сигурно пресметале дека ќе им вратам, па така ќе им го подобрам уништениот рејтинг“.
„Таа нивна игра мора и Албанците и Македонците и сите останати да ја знаат и разберат. Така ДУИ си го крева рејтингот. А тезите им се стари и излитени – те. „крвови“, те „јастреби, те орлите, те зајаци“, истото тоа, истиот фолклор го споменуваат 20 години, тоа со години е истиот филм. Албанците му се иселија. Парам-парчe направија од крадење Албанците – дури и од неговото Зајас – се иселија; исто како во Дебар, Струга, Тетово, Гостивар, Кичево и насекаде што живеат.. Дваесет години беа на власт. Видовме се што можат, но и што не можат. И тие метафори на митинзите повеќе не им поминуваат – добри се, ако одлучиле да се занимаваат и да глумат хумористични филмови за да може да насмеат некого. Но, не и да влеат надеж каква им е потребна на сите граѓани во Македонија“, посочи Мицкоски.