Македонија
Единаесет фирми треба да вратат над 34 милиони денари во случајот „Транспортер“
Единаесет правни субјекти треба да вратат над 34 милиони денари во случајот „Транспортер“, пресуди Кривичниот суд. Судијката Добрила Кацарска потенцира дека доколку овие фирми немаат имот, побарувањата ќе се наплатат со конфискување на имотот на осудените во случајот.
Од правните лица, имотната корист, која е прибавена со кривично дело од вкупен износ од 34 милиони, 224 илјади и 179 денари, се конфискува, и тоа:
„Oд друштвото за превоз на патници ‘Боби турс’ увоз-извоз ДООЕЛ Битола износ од 3 милиони, 26 илјади и 242 денара. Од друштвото за транспорт и трговија ‘Гопеш транс Јорго’ увоз-извоз ДООЕЛ Битола износ од 74 илјади и 934 денари, од патничкиот сообраќај ‘Транспорт’ АД Битола износ од 9 милиони, 832 илјади и 175 денари, од друштвото за трговија и услуги ‘Хера турс’ увоз-извоз ДООЕЛ Битола износ од 8 милиони, 61 илјада и 400 денари. Од друштвото за производство, трговија, шпедиција, туризам и услуги ‘Џим турс’ увоз-извоз ДООЕЛ Бистрица износ од 5 милиони, 287 илјади и 499 денари.
Од друштвото за превоз, услуги, производство и трговија ‘Д и А-Хера транс’ ДООЕЛ увоз-извоз Битола износ од 695 илјади и 611 денари. Од друштвото за трговија и услуги ‘Славица Стојчевска ДПТУ Лука експрес’ ДООЕЛ Битола износ од 2 милиона, 832 илјади и 906 денари. Од друштвото за производство, трговија и услуги ‘Марија транс’ увоз-извоз Битола износ од 1 милион, 537 илјади и 774 денари. Од друштвото за туризам, сообраќај и трговија ‘Турист превоз’ ДОО увоз-извоз село Бистрица износ од 628 илјади и 939 денари.
Од друштво за услуги, превоз и трговија ‘Хера превоз Новка’ ДООЕЛ увоз-извоз Битола износ од 697 илјади и 075 денари. И од друштвото за сообраќај и трговија ‘Џими турс’ увоз-извоз Битола износ од 1 милион, 477 илјади и 562 денара“.
Доколку не е можно од правните лица да се конфискува прибавената имотна корист, таа ќе се конфискува од сторителите на кривичните дела, соопшти судот.
Судечкиот совет во случајот „Транспортер“ донесе пресуда со која го осуди ексградоначалникот на Битола, Владимир Талески, на 8 години затвор за проневера на речиси 360.000 евра заедно со уште 20 лица, кои се прогласени за виновни за разни кривични дела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити: Коцкањето во последните години стана рак на општеството
Вицепремиерот на Владата Изет Меџити на прес-конференција за првите 100 од новата Влада се фокусираше на борбата против коцкатањето како една од главните точки што ја ветија како предизборно ветување.
Според него, коцкањето во последните години стана рак на општеството каде илјадници наши сограѓани претрпеле финансиски, семејни, морални и економски штети.
„Илјадници наши луѓе заминаа и побегнаа во странство. Претходната власт го донесе коцкањето на секоја улица, секое маало, пред секое училиште и пред секое игралиште. На крајот, тие сакаа да го донесат на телефоните и компјутерите на нашите деца. Го прекинавме ова. Им ги укинавме незаконските лиценци на три интернет коцкарски компании. Ги отстранивме од веб-страниците кои легално или незаконски организираа коцкање. Исполнивме ветување кое никој не мислеше дека ќе го исполниме“, рече Меџити.
Македонија
Таравари потврди дека била одбиена хоспитализација на починатото бебе
Министерот за здравство Арбен Таравари денеска потврди дека била одбиена хоспитализација на бебето кое вчера почина на Детската клиника. Тој е запознаен со случајот, но детални информации очекува од Комисијата за стручен надзор која утре ќе ги истражува двете клиники каде што било лекувано бебето. Како што напомена Таравари, кој и да е виновен, ќе мора да сноси одговорност.
„Вратено било, за жал. Дали поради лекарска грешка или незнаење треба да се констатира. Дефинитивно треба да има одговорност. Меѓутоа не очекувајте од мене уште денес да судам како било. Дозволете компетентните органи да испитаат се во детали. На крајот некој мора да сноси одговорност кога има вакви трагични случаи. Дојдени биле двајца анестезиолози вечерта кога починало детето, имало обид да се интубира, но со ниска сатурација и аритмија било проблем“, изјави министерот пред почетокот на 2. конференција на Женското собрание на Алијансата за Албанците.
Таравари тврди дека сите што биле на смена кога починало бебето се стручни лица. Истакна и дека наследиле здравствен систем во кој се случуваат вакви работи, како и дека не можат преку ноќ да го средат тоа.
На Клиниката за детски болести вчера почина 14-месечно бебе. Министерството за здравство соопшти дека ќе иницира комисија за стручен надзор на Универзитетската клиника за респираторни заболувања кај децата во Козле и на Клиниката за детски болести за да се утврдат причините за смртта.
Македонија
Тошковски: Лага е дека сум расчистил само еден случај како министер и сум разочаран од некрофилските обиди на СДСМ
„Разочаран сум од некрофилските обиди на СДСМ за манипулација на народот со обвинување за наводната неспособност на МВР во овие 100 дена и сметам дека се само очаен обид да го свртат вниманието од седумгодишниот хаос и уништувањето на безбедносниот систем што тие го оставија зад себе. Тврдењето дека за време на моето раководење со МВР е расчистен само еден случај е целосно лажно и манипулативно, со цел да се дезинформираат граѓаните. Според официјалните бројки на МВР, во 2023 година имало 23 убиства од кои 2 нерасветлени, додека во 2024 година до месец октомври има 16 убиства, од кои исто така само два се нерасветлени“, наведува министерот за внатрешни работи Панче Тошковски на својот фејсбук профил.
Според Тошковски, овие податоци покажуваат дека ситуацијата не само што не е влошена, туку е и подобрена од аспект на намалување на бројот на убиства
-Но, сите знаеме каков хаос се случуваше во изминатите 7 години каде скандалите се редеа еден по друг. Нивните владеачки структури дозволија криминалците да владеат на улиците, да пукаат во трговски центри, да тероризираат граѓани и да ја претворат полицијата во извршител на нивните интереси. Пукањата во “Ист Гејт”, каде криминалци пукаа сред бел ден, мафијашките убиства во “Шиша Бар” и Бутел, двојното убиства во Топанско Поле, бегствата на затвореници – сето тоа не се случи во овие 100 дена. Овие настани чии извршители ден денес се непознати, се резултат на долгогодишното уништување на системот, кој тие го претворија во механизам што им овозможуваше на криминалните структури да дејствуваат слободно. За време на нивната власт, која сега се осмелува да зборува за неспособност, пасоши се делеа на меѓународни криминалци – 215 нарко босови и лица со меѓународни потерници добија македонски документи и се движеа слободно низ Европа, истакнува министерот.
Граѓаните, додава, многу добро знаат кој дозволи бандити да се пресметуваат по улиците на Скопје и кој стоеше зад најголемите скандали со кражба на оружје од полициските депоа и организирани напади врз полициски службеници во станиците.
-Наместо да се справат со организираниот криминал, тие соработуваа со него, оставајќи ги институциите немоќни да ги заштитат граѓаните. Да не заборавиме и дека токму во нивно време се случија корупциските афери како “Рекет”, каде највисоките државни функционери беа замешани во изнуда и злоупотреба на моќ. Пукањата и убиствата што денес ги гледаме се наследство од нивното владеење, кое дозволи полицијата да биде контролирана од криминалци, додека народот беше оставен незаштитен. Ние најавивме бескомпромисна борба со овие криминални структури, почнавме да го обновуваме системот и да ја враќаме контролата врз безбедноста и правдата, но не може веднаш да се реши она што беше систематски уништувано седум години. Воведовме засилени мерки и акциски контроли, но за целосна победа над криминалот е потребна стратешка и долгорочна акција. Ова е процес што нема да се случи преку ноќ, но ние сме решени да ги вратиме безбедноста, правдата и редот во земјата, за разлика од нив, кои дозволија криминалците да го контролираат секој аспект од нашето општество, пишува Тошковски.