Македонија
Единствена Македонија се залага за поништување на договорот со Грција и спроведување попис
„Единствена Македонија“ и коалицијата „Никогаш северна, само Македонија“ остварија средби избирачите на оптините Карпош и Центар. Од партијата истакнаа дека нема да отстапат од заветувањето за десетте стратешки определби од платформата, кои се нивниот план и визија за Македонија.
„Сега е најбитно да си ја вратиме државата назад, а потоа лесно се решаваат реалните проблеми на народот“, велат од коалицијата и додаваат дека во Медонија во изминатите 30 години се украдени околу 15 илјади евра.
Во програмата, Единствена Македонија предвидува „ревизија и одземање на украденото во приватизацијата на СДСМ и постприватизацијата на ВМРО-ДПМНЕ од позиција на власт во изминатите 30 години“.
„На 15 јули ќе завршиме со предавствата и бандитизмот на ВМРО-ДПМНЕ и СДСМ, кои 30 години се менуваат на власт, а на државата не ѝ оди добро.
Главата горе Македонци, ова е наша држава. Ние одлучуваме. На 15 јули гласајте за Единствена Македонија и коалицијата ‘Никогас северна, само Македонија’ и бројот 11 за да си ја вратиме државата назад и да ја направиме Македонија со убав економски стандард за живеење, истакна во своето обраќање Билјана Џинго.
Од партијата обвинуваат дека е воведена досега невидена цензура со усвојувањето на уредбата со законска сила со којашто е предвидено на час емитувана програма телевизиите да ги емитуваат ВМРО-ДПМНЕ и СДСМ по 6 минути, а нив само по 10-тина секунди. Од тука, како што велат, принудени се на терен, очи в очи со народот да ги кажат нивните определби.
Партијата се залага за поништување на, како што велат, антимакедонските договори, бараат да се спроведе попис и да се анулира лажниот попис од 2002 година, со кој, како што тврдат, Албанците биле лажно прикажани дека се 25,27 %.
„Ова што го слушате од Заев од Пендаровски, дека договорот со Грција е завршена работа, тоа заборавете го. Тоа е една голема лага, бидејќи договорот е ништовен. Потребно е сега да дојде една храбра, народна влада на власт со желба, со волја, со храброст да го поништи тој договор. Исто така, предвидуваме во нашиот економски пакет 1.066 економски мерки со кои ќе ги решиме економските проблеми на народот“, велат од Единствена Македонија.
Додаваат дека тие би коалицирале со секој кој ќе ги прифати нивните 10 стратешки определби.
„Во нив јасно е кажано поништување на антимакедонските договори со Бугарија, Грција. Македонија национална држава на македонскиот народ, со службен јазик македонскиот и неговото кирилско писмо. Поништување на пописот од 2002 и спроведување реален попис. Ние мора да се преброиме, мора да ја кажеме реална бројка, бидејќи пописот од 2002 беше фалсификуван. Ние како Единствена Македонија уште во 2009 имаме поднесено кривична пријава со докази во ЈО дека тој попис е фалсификуван. Во 2015 или 2016 предметот го префрливме во СЈО , меѓутоа и Катица Јанева молчеше, го стави во фиока така што не мора да ги спроведеме овие стратешки орпеделби и мора најпосле да се направи ревизија изземање на украденото во криминалната приватизација, бидејќи 1990 година се спроведе една криминална приватизација, се подели целото богатство кое 50 години наназад го создаваа сите работни луѓе во социјализмот. За времето на ВМРО-ДПМНЕ, од 2006 до 2016, во таа постприватизација тие ја украдоа другата половина од Македонија. Тоа се две банди на кои народот мора да им порача да си заминат од политичката сцена“, додаваат од партијата.
Понатаму, велат дека најновите аудиобомби ги потврдуваат дволичноста, лицемерието и егоизмот на лидерите на овие политички партии. Според нив, жално е што новиот Закон за Јавно обвинителство овие аудиобомби ќе ги третира како индиции, а не како докази. Велат, да имавме нормална демократска и правна држава учесниците во овие аудиобомби одамна ќе беа сместени во казнено-поправните установи во РМ. Го повикуваат јавниот обвинител по службена должност, врз основа на индициите да отвори претходна истражна постапка за сторени кривични дела по член 358а и 359 од казнениот Закон од РМ. Тоа е давање и примање награда за противзаконито влијание.
„Во првите 30 дена ќе направиме конфискација на системите за преслушкување кои се во сопственост на политичките партии и бизнисмени и истите ќе добијат кривична одговорност а, секако, граѓаните ќе можат да побараат и материјална сатисфакција од сторителите на овие нелегални дејства. И на крајот, сакаме да напоменеме и да го повикаме техничкиот министер Чулев, којшто веќе пет дена молчи на прозивките од сегашниот актуелен директор на Агенцијата за разузнавање за тоа дека во негово време Агенцијата за разузнавање издавала невистинити податоци на Јавното обвинителство. Срамно и жално е да имате министер кој ќе се крие зад сето ова и кој нема да ѝ одговори на јавноста. Министер Наќе, Вие сте на потег да ѝ објасните на јавноста што се криело за случајот ‘Диво Насеље’ во кој загинаа 8-мина македонски полицајци“, истакна Јове Кекеновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски: На 8 мај потребна е масовна референдумска излезност за влада на ВМРО-ДПМНЕ која нема да е уценувана од никого, за СДСМ и ДУИ во опозиција
„Во првиот круг му поставував прашања на Пендаровски, не одговори на ниедно. Наместо да одговара прашања, плаќаше ботови по социјални мрежи лично да ме навредуваат мене и моето семејство, народот му кажа што мисли за тоа. Но, морам да го прашам уште нешто затоа што се работи за злоупотреба на државни пари“, истакна носителот на ВМРО-ДПМНЕ во ИЕ 4 Александар Николоски на денешниот митинг на ВМРО-ДПМНЕ во Општина Кавадарци.
Тој продолжи и додаде: „Пендаровски до денес не одговори дали ќе ги користи или нема да ги користи привилегиите кои ги следуваат поранешните претседатели, еднаш невешто одговори дека за тоа ќе се изјаснел во 2029 година, ама очигледно ќе треба да се изјасни на 12 мај затоа што тогаш и официјално му завршува мандатот, тоа е четири дена после изборите и мислам дека е чесно и кога ќе дојде тука во Кавадарци да каже дали ќе е пензионер со најголема пензија во Македонија и поранешен претседател кој најдолго ќе ги користи народните пари. А во меѓувреме е фер да каже уште вечерва ако може дали е вистина или не од пусти мерак за претседателствувања ама и за користење на привилегии дека побарал да му се отвори вилата во Охрид и ќе седел следни пет дена таму да искористи уште некој ден покрај охридското езеро, дали е вистина ова Стево Пендаровски и дали е вистина дека со цело друштво одиш таму да поседите уште некој ден на државен трошок, одговори пред граѓаните“, истакна Николоски.
Рече дека на 8 мај треба уште помасовно да се излезе, во уште поголем број и разликата во Кавадарци да е уште поголема и додаде дека е потребна масовна референдумска излезност на 8 мај за влада која нема да е уценувана од никого, за СДСМ во опозиција, за ДУИ во опозиција.
„Ве повикувам да ја прочитате нашата програма Платформа 1198, тие не размислуваа на проекти и не реализираа проекти, затоа ние ќе реализираме. Ќе реализираме и експресен пат од Кавадарци до Неготино и спојување на Кавадарци со автопатот. Ќе реализираме и отворање на граничен премин со Грција како би станало многу блиску да се патува помеѓу Кавадарци и Воден и да се спојат овие два дела на географска Македонија. Ќе ги помагаме земјоделците, за лозарите достоинствени цени за виното и рестартирање на Повардарие како би се срушил монополот во откупот на грозје и производството на вино подостоинствен живот за сите, повеќе субвенции и повеќе ред за сите. Затоа на 8 мај масовно да излезете“, дециден е Николоски.
Македонија
Мицкоски од Кавадарци: Мобилизација и масовна излезност, колку повеќе гласаат, толку поголема ќе биде силата за промени
Во првиот круг издвојувавме огромна победа, која покажа дека народот е свесен за тоа што се случува во нашата татковина. Ова е револуција на народот, пред се затоа што преовладува чувството дека во сопствената земја народот стана кираџија. И тоа токму поради дуото СДСМ-ДУИ, рече Христијан Мицкоски, претседател на ВМРО-ДПМНЕ на вечерашниот митинг во Кавадарци.
Мицкоски посочи како ништо не функционира и како институциите не се во корист на граѓаните.
„Институциите повеќе не служат на народот. Се чека за пасоши, лични карти, за документи кои му следуваат на народот. Овој проблем го препуштија да го решава ВМРО-ДПМНЕ и Панче Тошковски, додека во секоја друга сфера има подеднакво назадување. Во здравството докторите и медицинскиот персонал протестираат. Доколку сакате било која здравствена услуга или ќе мора да платите или да побарате врски. Ако не е така ќе мора да чекате по ходници, ќе ве маткаат со процедури, додека не се откажете. Животниот стандард е под секое ниво. Корупција насекаде, правда никаде“, кажа Мицкоски.
Мицкоски укажа дека проблемот е што ДУИ е газдата во државата.
„Нашите, вашите судбини зависат од стотина души на ДУИ кои контролираат се. Артан Груби и компанијата се господари на Македонија, но и одговорни за колективниот грабеж. Велат дека ДУИ никогаш немал подобар партнер за власт како СДС. Што и да им побарале, не добивале сто проценти, туку дупло двеста. И затоа е и сега нервозата во ДУИ, зошто знаат по овие избори ниту ќе имаат власт, ниту пак ќе имаат измеќари како СДС“, изјави Мицкоски.
Мицкоски рече дека овие денови силно се ангажирани на две сценарија кои во суштина се завера против Македонија.
„Првото е сценарио на бојкот. Второто сценарио е пазарџиска делба со ДУИ на ресори и министерства, при што Ковачевски оставил на Ахмети сам да одреди колку министерства ќе му остави на СДСМ. И двете сценарија се губитнички за Македонија и удираат по нејзините основи“, кажа Мицкоски.
Мицкоски заклучи дека решението за сето ова е масовна излезност.
„Мобилизација и масовна излезност. Решението и за бојкотот и за пазарџиската поделба на ресори е само едно масовно гласање на избори. Колку повеќе гласаат, толку поголема ќе биде силата за промени“, рече Мицкоски.
Македонија
Битиќи: На 8-ми мај да се спротивставиме на политиките на поделби, за сплотена и силна Македонија
„Грешките во владеењето можеме да ги поправиме, но поделбите во општеството нема да ги залечиме доколку на 8-ми мај не се спротивставиме на политиките на раздорот, на национализмот, на сеењето страв. Социјалдемократскиот сојуз е единстваната обединувачка политичка партија за силна и сплотена Македонија – земја и европски дом во кој ќе има место за секого, независно од неговата етничка, религиозна, културна, политичка или социјална припадност“, порача на денешните средби со жителите на Топаана и Шуто Оризари, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Тој кажа дека резултатите од првиот круг на претседателските избори не треба да се прифатат со малодушност ниту пак да се обесхрабрувачки, туку треба да се перцепираат како предизвик кој во себе носи можност за сплотување на сите прогресивни сили во државата за двојните избори на 8-ми мај.
„Со нашата предизборна програма нудиме повеќе од економски раст и развој, повеќе од повисоки плати и пензии, многу повеќе од европски животен стандард, ние нудиме иднина во која секој граѓанин ќе биде прифатен, почитуван, градиме земја во која ќе владее дијалогот, меѓусебното разбирање, а не раздорот. Затоа на 8-ми мај, победата на СДСМ и коалицијата ќе значи пораз на стравот од различностите, на поделбите. Ќе зачекориме кон заедничка и споделена европска иднина“, порача Битиќи.
Зборувајќи за концептот на едно општество за сите, како суштинска политичка вредност на СДСМ, тој ја нагласи потребата граѓаните да го отфрлат национализмот како свој политички избор, затоа што тој е наметнат избор.
„Ве повикувам заеднички да го отфрлиме национализмот кој е надвиснат над Македонија, да кажеме НЕ на ксенофобијата, да се ослободиме од стравовите и да го прифатиме единството, единството во различностите бидејќи таму лежи нашата сила. Верувам во вас, во граѓаните, верувам дека тоа ќе го препознаете, дека ќе ги отфрлите политиките кои ви се наметнуваат од елити кои немаат што да ви понудат освен да ве туркаат кон минатото и поделбите“, рече Битиќи и додаде дека Македонија не е само ВМРО-ДПМНЕ, Македонија е многу повеќе, таа е на сите, на Македонци, Албанци, Срби, Турци, Роми, Бошњаци, Власи.
„Нашата сакана земја е на сите нас кои се бориме за европска држава, а кои сме повеќе, многу повеќе од тие што се прикажуваат како победници во првиот круг на претседателските избори. Затоа нема откажување, заеднички, едни покрај други, рамо до рамо, сите различни, продолжуваме и победуваме на 8-ми мај“, порача Битиќи.