Македонија
Едмонд Адеми во Ватикан се сретна со монсињор Пол Ричард Галагер

Министерот задолжен за дијаспора, Едмонд Адеми, кој престојува на работна посета на Италија и Ватикан, се сретна со секретарот за односи со државите при Светата столица, монсињор Пол Ричард Галагер.
На средбата беа потврдени пријателските односи помеѓу Република Северна Македонија и Светата столица, кои се базираат врз значајни историски врски, заеднички споделени духови и културни вредности и традиции и беше истакната активната улога на Република Северна Македонија во промовирање на меѓурелигискиот дијалог и почитување на верските слободи.
Министерот Адеми го информира соговорникот за приоритетите и целите на Владата, преспективите на европските и евро-атлантските интеграции, како и за развивањето изразени пријателски врски со соседите.
Адеми, меѓу другото, потенцира дека престојната посета на апостолкото патување на папата Франциско во Република Северна Македонија на 7 мај 2019 е историска за Република Северна Македонија и таа испраќа силна порака за мир, солидарност и дијалог меѓу луѓето и народите.
За време на средбата беа разгледани и можностите за интензивирање на секторската соработка меѓу двете земји, пред сè, во сферата на културата, заштита на културно-историското наследство, образование и здравство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.
Македонија
Посебен сообраќаен режим утре во Скопје

Од утре петок до сабота, во официјална посета на Р.С.Македонија ќе присуствува претседателот на Владата на Република Србија, Ѓуро Мацут.
Од тие причини Едницата за безбедност на патниот сообраќај ќе преземе мерки за посебен режим на сообраќај на подрачјето на град Скопје.
МВР апелира до граѓаните да се почитуваат наредбите што ќе ги даваат униформираните полициски службеници.
Македонија
Судијата за врски на Франција за балканскиот регион во посета на Јавното обвинителство

Јавниот обвинител на Република Северна Македонија Љупчо Коцевски денеска се сретна со францускиот амбасадор Кристоф Ле Риголер, на средба за претставување на новоназначениот судија за врски на Република Франција за регионот Сирил Лакомб.
Тој е еден од вкупно 20 судии за врски на Франција во светот, а од државниот обвинител Коцевски се информираше директно за состојбите во обвинителството. Притоа, судијата за врски Лакомб понуди поддршка со оперативна и техничка помош, но и експертиза преку француските правосудни органи.
Бидејќи и самиот бил јавен обвинител и лице за врски на Република Франција со Европравда, Лакомб се интересираше и за постапката за делегирање на обвинителот за врски на Република Северна Македонија во оваа меѓународна институција.
Јавниот обвинител Коцевски, од своја страна, изрази благодарност за континуираната француска поддршка за работата на Јавното обвинителство.