Македонија
Ексклузивна презентација и тест-возење на ZAR-FORMENTI и ZAR МINI во Охрид

На 03 и 04 Август на Градскиот Плоштад во Охрид ќе имате можност да јапогледнете презентацијата на моторни пловила од реномираните светски брендови ZAR-FORMENTI и ZAR MINI во организација на компанијата Кадис Боатс.
Како овластен застапник на ZAR Formenti Italy, нашиот тим е составен од професионалци со приврзан пристап кон секој клиент, а доколку и самите сте љубители на вода и наутика, контактирајте нѐ, ние ќе се погрижиме купувањето на пловило да открие нова димензија на животот кој може да биде полн со авантури.
Искористете ја можноста за консултација, тест возење и специјални цени со попуст на изложените модели.
Дознајте повеќе за Кадис Боатс на следниот линк: https://kadisboats.mk/ како и нателефонскиот број + 389 78 249 260.
За ZAR-FORMENTI…
Основан во 1979 година, бродоградилиштето Форменти има долга традиција и прецизна изработка во производството на гумени RIB чамци. Денес, чамците ZAR се продаваат во 35 земји низ светот. Растот на компанијата и успехот на нејзиниот производ се резултат на прецизна стратегија фокусирана на квалитет, инвестиции во истражување и развој, употреба на најдобри материјали, напредна технологија и модерен, добро организиран капацитет.
Развиен и подобрен со текот на годините, системот за квалитет на компанијата беше награден со Сертификат ISO 9002 од Италијанскиот трговски регистар. Целиот асортиман на прототипови, калапи, модели со целосна големина и размер се произведуваат со помош на машините со CNC технологија (компјутерска нумеричка контрола), кои гарантираат најостра прецизност. Иднината веќе е во ZAR-FORMENTI благодарение на истражувањето и развојот на врвни, еколошки материјали и производствени практики.
За ZAR МINI…
ZAR МINI е германска компанија специјализирана за изградба на алуминиумски RIB чамци и чамци на преклопување. Како еден од светските лидери во оваа област, ние се концентрираме на квалитетот и подобрување на работите.
Задоволството на клиентите е нашата главна цел. Сакаме среќни клиенти и совршенство во нашите производи. Сите наши чамци се дизајнирани во Италија и тестирани во Германија пред да се постават кон сериско производство.
Германската прецизност, италијанската страст и дизајнот ги прават нашите чамци посакувани од нашите клиенти ширум светот. Продолжувајќи ја филозофијата на ZAR Formenti од 1979 година, ние се развиваме секој ден иникогаш не престануваме да стануваме се подобри и подобри.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филипче: ВМРО-ДПМНЕ ја носи државата во економска и општествена бездна! СДСМ ќе се бори за враќање на довербата

Претседателот на СДСМ, Венко Филипче, во гостувањето во „Тема на денот“ на Сител Телевизија порача дека судот за тоа дали тој ќе успее да ја направи СДСМ повторно победничка партија ќе го дадат граѓаните. Тој нагласи дека неговата задача е да ја консолидира партијата и да продолжи по започнатиот пат на обнова.
„Сè уште има многу простор за работа, а ние сме решени да продолжиме, не само во пресрет на локалните избори, туку и во следните години“, истакна Филипче.
Тој потенцира дека СДСМ никогаш не се борела за власт по секоја цена, туку за доверба што ќе им овозможи да работат во интерес на граѓаните.
Филипче упати сериозни критики кон актуелната власт предводена од ВМРО-ДПМНЕ, укажувајќи на неконтролираниот раст на цените, стагнацијата на платите, намалениот животен стандард и доцнењата во исплатата на плати и ДДВ за компаниите.
„Живееме во време на тешка економска и општествена криза. Владата е неспособна да ги реши проблемите што граѓаните секојдневно ги чувствуваат. Платите не се зголемуваат, а во многу институции дури и не се исплаќаат навреме“, рече Филипче.
Дополнително, тој ја обвини власта за груба партизација на институциите, каде, како што тврди, неподобните кадри се казнуваат со прераспоредување на работни места далеку од своите домови.
„Ако не сте член на ВМРО-ДПМНЕ или партија од владејачката коалиција, бидете сигурни дека ќе ве преместат да работите 100 километри подалеку“, предупреди лидерот на СДСМ.
Според него, владата ја прикрива тешката состојба преку силна пропаганда, но реалноста на граѓаните е сурова.
„Од плата до плата се живее максимум до 10–15-ти во месецот, потоа почнува вистинската борба за опстанок“, подвлече Филипче.
Тој порача дека токму поради оваа состојба, СДСМ има уште поголема обврска да работи, да ја зацврсти својата структура и да ја врати довербата на граѓаните.
Како што истакна Филипче во интервјуто, општините под раководство на СДСМ се запоседнати од инспекции.
„Ние имаме 17 градоначалници и сите можни инспекции се во општините во пресрет на локалните избори. Од Управата за јавни приходи, организиран криминал, различни други институции коишто се под Министерството за внатрешни работи”, потенцира Филипче.
Како што додаде тој, тоа се случува исклучиво во општините кои се раководени од луѓе од СДСМ, а не и во другите општини каде што има градоначалници на ВМРО-ДПМНЕ.
Македонија
УХМР предупредува на пороен дожд, грмежи и можна појава на град

Попладневниот развој на нестабилна облачност донесе пороен дожд, грмежи и засилен ветер во западните планински предели, Охридско-Преспанскиот регион и Пелагонија. Локално имаше и услови за појава на град, информираат од Управата за хидрометеоролошки работи (УХМР).
До крајот на денот, нестабилното време ќе продолжи со променлива облачност, пороен дожд и грмежи на повеќе места низ државата, а ќе дува и засилен ветер.
Според прогнозите на УХМР, и утре времето ќе биде слично – променливо облачно со повремени врнежи од дожд и грмежи. На одредени места се очекуваат и поинтензивни процеси во форма на невреме, со обилен дожд, силен ветер и можност за изолирана појава на град. Минималните утрински температури ќе се движат меѓу 4 и 10 степени, а максималните дневни ќе достигнат од 15 до 23 степени.
Во Скопје, попладнето ќе донесе нестабилност со локални поројни врнежи и грмежи, проследени со засилен ветер и услови за појава на град. Температурите во главниот град ќе се движат од 9 до 23 степени.
Од УХМР најавуваат дека променливото и посвежо време ќе продолжи и во следните денови, со повремен локален дожд. Сепак, од вторник се очекува стабилизирање на временските услови, претежно сончево време со пониски утрински температури, а дневните ќе бидат во постепен пораст.
Македонија
(Видео) Родителите на настраданите во „Пулс“: Сакаме правда, нема да молчиме пред криминалот

Со силни емоции и гнев, родителите на младите кои го загубија животот во пожарот во дискотеката „Пулс“ одржаа уште еден протестен марш под мотото „Задоцнета реакција“ во Кочани. На четвртиот собир по трагедијата, тие порачаа дека ќе ја продолжат битката за правда и нема да дозволат виновниците да останат неказнети.
Од Паркот на Револуцијата, низ улиците на градот, учесниците носеа пораки против корупцијата и ја повикаа државата конечно да го пресече синџирот на криминал и да застане на страната на правдата.
„И врапчињата знаат за криминалот што се шири кај нас. Ние нема да застанеме додека не излезе вистината на виделина“, изјавија родителите.
На протестот, пред зградата на Општина Кочани, каде се сместени повеќе инспекциски служби, родителите и граѓаните поставија директни прашања:
„Дали ви треба дополнителна обука за да знаете што е ваша работа? Децата ни загинаа затоа што институциите заспаа!“, порачаа гневно.
Пред Полициската станица во Кочани, присутните упатија остри критики кон Министерството за внатрешни работи, обвинувајќи ги дека не презеле ништо за да спречат криминални активности во дискотеката „Пулс“.
„После трагедијата дознавме дека таму се продавала дрога. Дали свесно гледавте настрана? Дали нечии профити беа поважни од животите на нашите деца?“, прашаа родителите.
Маршот продолжи кон Основниот суд и Обвинителството, каде родителите побараа брза и вистинска правда.
„Дали животите на нашите деца вредеа толку малку што дозволувате виновните да шетаат слободни? Дали нивната слобода се купува со пари?“, прашаа емотивно родителите.
Протестниот марш заврши таму каде што и почна – во Паркот на Револуцијата. Родителите порачаа дека нема да престанат со борбата за своите деца:
„Ова е само почеток. Ќе не гледате повторно, посилни, погласни и побројни. За нашите деца, за нивната украдена младост, за нивните соништа!“, порачаа организаторите.