Македонија
Емисиите на цврсти честички од „Макстил“ на најниско ниво

Минимални емисиони вредности на цврсти честички покажуваат мерењата на оџаците на Макстил во последното тримесечје од 2023 година. Вредностите измерени на двете мерни точки или се на нула или до шест пати пониски од пропишаните дозволени вредности. Мерењата во текот на целата години ги покажуваат ниските вредности, а истото се потврдува и во последниот квартал од годината.
Во текот на октомври, ноември и декември на мерната точка „Оџак од филтер постројка“ каде граничната емисиона вредност е 20 mg/Nm3, најниска вредност е измерена во декември и изнесува 0,06 mg/Nm3. Највисоката вредност измерена е во октомври 0,31 mg/Nm3. На втората контролна точка „Оџак на пескара“ најниската вредност е измерена во октомври и изнесува 3,95 mg/Nm3, а највисоката во декември со 4,44 mg/Nm3 што е една шестина од граничната емисиона вредност, на оваа мерна точка пропишана на 30 mg/Nm3.
Емисиите со вакви вредности измерени од двата оџаци на Макстил се далеку пониски и од пропишаните европски дозволени вредности.
Во мерењата на Макстил, вредностите на емисиите на цврсти честички покажуваат тенденција на намалување како резултат на имплементацијата на нови современи технолошки процеси во производствениот процес на Макстил и обемните инвестиции во современа опрема.
Во продолжение на ова соопштение е пресекот на емисионите вредности на цврсти честички во периодот од јануари до декември, 2023 година.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Целосно изгаснат пожарот во општина Желино кој се прошири кон месноста Карпалак

Пожарот кој вчера изби на територијата на општина Желино во атарот на село Церово, а подоцна во вечерните часови се прошири во насока на месноста Карпалак покрај автопатот Скопје – Тетово, е целосно изгаснат, извести директорот на ДЗС, Стојанче Ангелов.
Врз него од тетовската страна дејствуваше ТППЕ Тетово, а од скопската страна БППЗ Скопје.
Ангелов упати голема благодарност до тетовските и скопските пожарникари кои во ноќни услови успеаја да го изгаснат овој голем пожар кој во делови се одвиваше на тешко пристапен терен.
Во текот на вчерашниот ден целосно се изгаснати 29 пожари на отворен простор. Во овој момент 4-те активни пожари на отворен простор се под целосна или делумна контрола, додаваат од ДЗС.
Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.