Македонија
Епидемија на морбили има, вакцини во Кичево нема
Речиси цел месец во Здравствениот дом во Кичево нема вакцини против морбили. Родителите реагираат бидејќи иако сакале да ги вакцинираат своите деца, процесот секојдневно се одложува, а во меѓувреме, според препораките на Министерството за здравство, тие не можат да ги носат ниту во градинка.
„Минатиот месец донесоа многу мал број вакцини, кои веднаш се потрошија. Имаме мали деца, а во градот има заболени од вирусот. Постојано ни кажуваат дека ќе пристигнат вакцини, но не знаеме од кои причини тоа не се случува“, ни изјави родител од Кичево.
Од почетокот на епидемијата во декември 2018 заклучно со 12 април годинава во Кичево се регистрирани 30 случаи на заболени од морбили.
Кога се јавивме во Здравствениот дом во Кичево ни одговорија дека вакцини нема и не знаат кога ќе има.
„Најдобро е вие вака да се јавувате секој ден, па кога ќе пристигнат ќе ви кажеме за веднаш да дојдете, бидејќи и тогаш не знаеме дали ќе има доволно“, ни рекоа од Здравствениот дом.
Од Министерството за здравство, пак, тврдат дека „дистрибуцијата на вакцини по здравствените домови се спороведува согласно доставени барања од нивна страна до министерството“.
„Во одредени случаи, како епидемијата со мали сипаници, сите установи каде има потреба од дополнителни количини доставуваат барање за дополнителна достава на потребните количини вакцини. На барањето од ЗД Кичево, од страна на Министерството за здравство веднаш е направено дополнување на потребите за првиот квартал од 2019 година, поради прогласување на епидемија на мали сипаници и зголемен број на вакцинирања со MRP вакцина. Дистрибуцијата на овие количини е спроведена“, велат од Министерството за „Макфакс“.
Оттаму, неизвесно останува како во Здравствениот дом во Кичево тврдат дека вакцини нема, а од Министерството се децидни дека е извршена достава.
Тендерот за вакцини за континуирана имунизација и вакцини по епидемиолошки индикации на населението за период јуни 2018-јуни 2020 година беше склучен минатиот месец. Министерот за здравство, Венко Филипче, денеска изјави дека веќе има и нови количини од новата набавка.
„До петок ќе бидат дистрибуирани во сите центри за јавно здравје во вакциналните пунктови во здравствените домови, и во овој момент нема некој центар што нема. Залихите од претходната набавка се при крај и вакцини ќе има за сите возрасни групи за кои е препорачано вакцинирањето“, рече Филипче.
Од Институтот за јавно здравје вчера соопштија дека има над 1.000 заболени од вирусот на морбили во повеќе градови, прогласена е епидемија во целата земја и сите деца кои не се вакцинирани ќе им се забрани одење во градинка. Освен овие мерка се намалува и старосната граница за вакцинирање на децата од 12 на 6 месеци. Нема дополнителни мерки за основците и средношколците.
Во моментов на Инфективната клиника се хоспитализирани 55 пациенти, од кои 26 деца. Во потешка здравствена состојба се 7 од заразените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Кузеска: Не може да има 6 милијарди евра Буџет а да нема пари за поголеми плати на работниците
Власта има рекорден Буџет од 6 милијарди евра за оваа година, а вели дека нема пари за зголемување на платите на работниците, изјави на прес-конференција портпаролката на СДСМ, Богданк Кузеска.
Како што рече, уште кога беше во фаза на предлог Буџетот за 2025 година, СДСМ предупреди дека ова ќе биде најгломазниот и најраспинички буџет во историјата во кој ќе нема пари за работниците и поголеми плати за граѓаните. И тоа се покажало како точно.
„Ова е недопустливо и покажува целосно непочитување на трудот македонските работници и неспособност на власта да одговори на економските потреби на граѓаните. Дополнително, власта товари нови долгови на грбот на граѓаните и граба пари за себе воопшто не водејќи сметка за потребите на граѓаните и на работниците. Покрај задолжувањето од 500 милиони евра од Унгарија, власта во изминатите 3 месеци се задолжи со 128 милиони евра преку државни записи и обврзници, и 73,7 милиони евра кај домашните кредитори. Тоа се нови, над 200 милиони евра долгови врз грбот на граѓаните кои ќе ги плаќаат идните генерации. А платите стагнираат, животниот стандард и куповната моќ на народот опаѓа. Последните податоци од Државниот завод за статистика покажуваат зголемени трошоци за живот за 4,4 отсто и зголемени цените на основните производи за 4,3 проценти“, реч Кузеска.
Додаде дека со власта на Мицкоски и ДПМНЕ граѓаните имаат помалку пари во џебовите а работниците живеат се потешко.
Според Кузеска, власта целосно го напуштила системот за зголемување на платите воспоставен од СДСМ што резултирало со влошување на животниот стандард на работниците. Упорно го игнорираат и нивниот предлог за минимална плата од 500 евра, која, како што додаде Кузеска, е неопходна за да се одговори на растот на трошоците за живот.
Македонија
Муртезани во Киев потпиша Меморандум за соработка со Украина
Министерот за европски прашања, Орхан Муртезани, денеска во Киев оствари средба со заменик претседателката на Владата на Украина, задолжена за европски и евроатлантски интеграции, министерка за правда и главен преговарач за членство на Украина во ЕУ, Олга Стефанишина. Во фокусот на средбата беше потпишувањето на Меморандум за соработка меѓу Северна Македонија и Украина за прашања поврзани со интеграцијата во Европската Унија, за што назначени како потписници во името на Владите на двете земји се нивните главни преговарачи со ЕУ, Муртезани и Стефанишина.
На средбата беше потенцирана важноста на европската интеграција како стратешки приоритет за двете земји. Министерот Муртезани потенцираше дека процесот на проширување мора да остане кредибилен и базиран на заслуги, за да обезбеди стабилност и напредок.
„Северна Македонија ја поддржува Украина на нејзиниот пат кон Европската Унија, а оваа посета го потврдува нашиот заеднички стремеж кон европските вредности. Процесот на пристапување кон Европската Унија не треба да биде исклучив, туку инклузивен и базиран на заслуги, овозможувајќи и на Украина и на земјите од Западен Балкан правична шанса за напредок. Единството и солидарноста меѓу нашите народи се клучни за градење силна и обединета Европа,“ – истакна МЕП Муртезани.
Соговорниците констатираа дека Меморандумот за разбирање е значаен чекор во градењето на поблиска соработка меѓу двете земји, со цел размена на знаење и искуства кои ќе придонесат за поуспешно остварување на заедничките цели за членство во Европската Унија. Министерот Муртезани изрази подготвеност Северна Македонија да го сподели своето искуство од пристапниот процес со Украина, нагласувајќи дека размената на добри практики ќе биде од исклучително значење. Меморандумот опфаќа размена на искуства и знаења во различни области, вклучувајќи законодавство, судски реформи, борба против корупција и организиран криминал, како и промоција на европските вредности. Страните се обврзуваат да соработуваат во унапредување на институционалните капацитети, како и да разменуваат експертиза за исполнување на критериумите за членство во ЕУ. Меморандумот исто така предвидува организирање на заеднички настани, обуки и иницијативи за поддршка на европската интеграција на Украина и Северна Македонија.
Заменик-претседателката на Владата на Украина, Стефанишина, изрази благодарност за континуираната поддршка од Северна Македонија, посочувајќи дека заемната соработка е од суштинска важност за европската перспектива на двете земји. Таа истакна дека Украина гледа на Северна Македонија како партнер и пријател во евроинтегративниот процес.
На средбата се разгледаа и можностите за продлабочување на регионалната соработка преку заеднички проекти и иницијативи, особено во области каде преку тесна соработка би можеле да се зајакнат напорите на двете земји за пристапување во Унијата. Муртезани и Стефанишина се согласија дека унисониот пристап во решавањето на заедничките предизвици и искористувањето на можностите што ги нуди процесот на интеграција во ЕУ, се од круцијална вредност како за Украина, така и за Северна Македонија. Тие ја подвлекоа заемната посветеност за координирано делување во унапредувањето на стабилноста, растот и европските вредности во регионот.
Македонија
(Видео) СДСM останаа последното упориште на Артан Груби, вели Петрушевски
Само СДСМ не се отргна од Груби и еден месец молчи за него, изјави пратеникот од ВМРО-ДПМНЕ, Бране Петрушевски.
Како што рече, Груби направил милионски криминал во време кога МВР го водеше Оливер Спасовски, премиери беа Заев и Ковачевски, а судството и обвинителството беа под целосен притисок од нив, а во таква ситуација Социјалдемократскиоит сојуз не може да каже дека не знаеле што прави Артан Груби.
„Дополнително за Груби и неговото криминално однесување гласно зборуваше и ВМРО-ДПМНЕ и медиумите. СДС мора да собере храброст и да се извини за Артан Груби. Се додека не се извинат за криминалите на Груби се дотогаш не можат да кажат дека се отргнале од него и од ДУИ. Само целосно соочување со реалноста и извинување за Груби ќе значат за СДС нов лист. Се додека не го направат тоа, тие покажуваат дека се истата партија која беше коалиција со Груби додека тој крадеше“, додаде Петрушевски.