По повод Светскиот ден на чистењето – 21 Септември, ЈП „Комунална хигиена“ – Скопје и Град Скопје организираат масовна акција за генерално чистење на сите скопски општини. Во рамките на акцијата ќе бидат отстранети и графитите со навредлива содржина, кои промовираат говор на омраза, верска и етничка нетрпеливост.

Во периодот од 21 до 24 септември 2019 година во секоја општина ќе бидат поставени специјални садови во кои граѓаните ќе може да го одлагаат кабастиот отпад – стариот мебел и отпадот од електронската и електричната опрема.

Садовите за одлагање кабаст отпад ќе бидат поставени на следните локации:

Општина Чаир:
– раскрсницата меѓу булеварот Цветан Димов и улицата Коста Абрашевиќ
– раскрсницата меѓу улиците Џон Кенеди и Дижонска
– улицата Ресенска, до ресторанот „Фа-Фа“

Општина Аеродром:
– булевар Февруарски поход, во близина на супермаркетот „Рамстор“, во близина на автобуската постројка на последна „5“
– булеварот АВНОЈ број 68 – 74 во непосредна близина на маркетот М
– нас. Лисиче, улица Димитар Туриманџоски, по Полициската станица

Општина Шуто Оризари:
– во близина на „Жито лукс“
– спојот меѓу улицата Брсјачка буна и улицата Нов живот, кај Спортската сала
– спојот меѓу улиците Нов живот и Гвадалахара, во близина на автобуската постројка на последна „19“

Општина Гази Баба:
– нас. Автокоманда, ул.Лазар Поп Трајков (пред напуштениот објект на Центро)
– ул. Маџари, кај ресторан Далија
– нас.Железара, кај автобуската постројка на последна 16

Општина Бутел:
– улицата Груица Војвода (зад киното „Бутел“)
– сквер на улицата Хо Ши Мин и улицата Рудо, Бутел 1
– кај спортската сала „Иван Хаџи Николов“ во Радишани

Општина Кисела Вода:
– улицата Ратко Митровиќ, до Спортската сала
– раскрсница на улицата Христо Татарчев и улицата Дебарска, кај Гет-кафе
– Парк „Пушкин“

Општина Центар:
– спроти „Вучко“ на аголот на улиците Костурски херои и Борка Талевски
– кај кружниот тек во Дебар Маало на улицата Наум Наумовски – Борче
– кај Зелен пазар, на паркингот зад „Макпетрол“, до подземните контејнери

Општина Карпош:
– улицата Брадфордска, во близина на ресторанот „Македонска куќа“, во Козле
– улицата Женевска, кај автобуската постројка на последна „24“, во Тафталиџе 2
– улицата Ванчо Мицков бр. 50, кај постојните контејнери на ЈП „Комунална хигиена“ – Скопје

Општина Ѓорче Петров:
– улицата Даме Груев, десно по ромското маало
– нас. Хром, улицата Воин Д., до спортското игралиште
– нас. Дексион, кај автобуската постројка на последна „5“

Општина Сарај:
– на патот за Грчец, кај Халк банка
– с. Кондово, кај фурната