Македонија
ЕУ очекува промена на Уставот во следните 16 месеци додека трае скринингот
![](https://makfax.com.mk/wp-content/uploads/2022/07/makedonija-eu-3.png)
Ниту Владата не знае која ќе биде динамиката за промена на Уставот и внесување на Бугарите и другите заедници. Скринингот ќе трае 16 месеци, а Европската Унија очекува во овој период да се случи процесот на уставни промени.
Прво пратениците ќе одат на летен одмор, па потоа, ќе се отвори дијалог за овие прашања. Вицепремиерот за европски прашања, Бојан Маричиќ, смета дека е најважно процесот на промена на Уставот да има позитивен исход.
„Немаме утврдено календар и динамика за уставните измени. Треба тоа да го завршиме најдоцна до крајот на скринингот. Треба да видиме како би го отвориле дијалогот. Уставните измени треба да завршат успешно, а не неуспешно. Кога ќе тргне дијалогот во Собранието, ќе го утврдиме ова прашање. Тоа ќе биде по летниот одмор на Собранието, тогаш ќе имаме точен календар. Најважно е тој процес да има позитивен исход“, кажа Маричиќ.
Прашан колку ќе трае скринингот, тој рече: „За Србија и Црна Гора траеше 24 месеци, за нас пократко, бидејќи година и половина поминаа. Би очекувал дека за не повеќе од 16 месеци ќе го завршиме скринингот“.
За уставните измени, власта очекува сериозна расправа и бара да има позитивна атмосфера. Ова е спротивно на ставот на опозицијата која најави дека нема теоретски шанси да се случи промената на Уставот, а дека доказ за тоа се нивните пратеници.
„Најважно е да има позитивна атмосфера, а не онаа слика од минатата недела, кога немаше услови за дијалог и нормална расправа. Сакаме сериозна и јавна расправа. Сметам дека во содржинска смисла, овие уставни измени би биле најлесни од сите до сега. Велам во содржинска смисла, имаме седум заедници во Уставот и треба да додадеме најмалку три. И не гледам зошто некој би имал нешто против тоа“, рече Маричиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Без вода, делови од Општина Ѓорче Петров
![](https://makfax.com.mk/wp-content/uploads/2024/05/voda-chesma.jpg)
ЈП Водовод и канализација известува дека денеска поради уличен дефект од Ф-400мм на ул.1670 во Ново Село, прекинато водоснабдување од 09,00 часот ќе имаат корисниците од ул.Лука Геров, Ново Село, Стопански двор, Кисела Јабука, Волково, Орман, Никиштани Општина Ѓорче Петров.
Македонија
(Видео) Со два хеликоптера на МВР изгаснат пожарот во Крушевско
![](https://makfax.com.mk/wp-content/uploads/2024/07/Screenshot-2024-07-01-215151.jpg)
Денеска, два хеликоптера од Одделот за воздухопловни единици го изгаснаа шумскиот пожар кој попладнево изби во атарот на крушевското село Пуста Река.
„По добиено барање од ЦУК, на пожарот двата хеликоптера исфрлија над 40 тона вода и во координација со пожарникарите, пожарот е целосно изгаснат“, соопшти МВР..
Македонија
Времена забрана за движење на тешки товарни возила на патиштата во државата
![](https://makfax.com.mk/wp-content/uploads/2018/11/kamiondzija.jpg)
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен.
На ГП Табановце се бележи зголемена фреквенција на возила, времето на чекање за влез во Македонија е околу 20 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево