Македонија
Жерновски за одлуката на ЕУ: Ова е победа над сите кои правеа сè за да не успееме
Во овие исклучително тешки околности за сите нас, за Европа, за целиот свет, исправени пред здравствениот предизвик и економските последици од него, лидерите на ЕУ одлучија да почнеме преговори за членство во нивното семејство, вели заменик-министерот за надворешни работи, Андреј Жерновски, откако европските лидери синоќа ја потврдија одлуката на министрите на ЕУ за отворање пристапни преговори со Северна Македонија.
„Ова е победа над сите оние внатре и оние надвор кои правеа сè за да не успееме. Ова се историски мигови за нас и за нашата татковина. Март 2020 година ќе остане длабоко и засекогаш врежан во меморијатата на македонскиот граѓанин. Поради сонот на многуте генерации пред нас, кој стана јаве – да биде нашата држава полноправна членка на НАТО и да биде пред портите на ЕУ, но и поради вонредната состојба предизвикана од пандемија со глобални размери и битката за победа над истата“, рече тој.
Како што од Втората светска војна научивме корисни лекции, додаде Жерновски, каде потребата од создавање на една унија во Европа е една од нив, така и од битката против коронавирусот ќе научиме нова лекција – дека наместо изолација, неопходна ни е интеграција за заеднички да ги совладаме предизвиците на новиот век, се разбира, не само здравствените.
„Затоа е многу важно да знаеме дека утре, кога повторно ќе го слушнеме детскиот џагор во градинките и училиштата, кога студентите ќе продолжат на своите факултети, кога пак ќе ги наполниме театрите и кината, кога рестораните ќе почнат одново да ги примат старите и нови гости и кога на синото небо повторно ќе летаат белите авиони, нашата држава ќе биде веќе членка на НАТО и посветен преговарач за членство во ЕУ. Тоа значи само едно – напредок за државата, напредок во образованието и науката, значи поквалитетно здравството и постабилни економски текови, но и поефикасно судство. Со еден збор, подобар живот за нашите граѓани“, вели Жерновски.
Тој исто така наведе дека германската канцеларка, Ангела Меркел, претседателот на Франција, Емануел Макрон, и останатите 25 лидери на земјите членки од европското семејство ѝ оддале признание на нашата земја за постигнатиот напредок, ја истакнале посветеноста и визионерското лидерство на Владата и ги поздравиле забележителните реформи.
„Ова не е подарок, туку валоризација за нашата посветеност и потврда за постигнатиот успех на државата“, вели Жерновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Зимзоленд: Продолжуваме со работа, шпекулација е дека настанот ќе биде затворен
Од Зимзоленд велат дека продолжуваат со работа и дека информациите за неговото затворање се шпекулации.
„Во последните часови на одредени медиуми се појавија неточни информации и шпекулации дека Зимзоленд ќе биде затворен. Ве информираме дека ова не е точно. Зимзоленд продолжува да работи со редовно работно време“, се наведува во јавното соопштението.
Во него се додава дека е точно дека во претходните денови имало инспекциски надзори, но велат дека до надлежните служби била доставена целосната и потребна документација.
Македонија
Ѓорѓиевски најавува враќање на празничниот дух, на 15 декември почнуваат настаните на плоштад „Македонија“
На 15 декември почнуваат предновогодишните настани на плоштад „Македонија“.
„Градот Скопје со радост најавува дека годинава празничниот дух повторно се враќа на плоштадот „Македонија“. Со посебна атмосфера, богата програма и многу изненадувања за сите генерации, претстојниот настан го означува почетокот на новогодишните и божиќните празнувања во главниот град“, велат од Градот.
„ Ајде заедно да го осветлиме градот. 15.12.2025 во 18:00 часот. Почитувани скопјани, драги родители, најдраги дечиња, нашиот град е најубав тогаш кога свети од радост, насмевки и празнична магија. А сите ние – и младите, и возрасните ја заслужуваме таа топлина што ја носат Новогодишните и Божиќните празници. Затоа, со огромна радост ве поканувам заедно да го означиме почетокот на едно ново празнично поглавје исполнето со забава, музика, многу подароци и вашите омилени херои кои ќе ги израдуваат најмалите. На 15 декември, во 18 часот, на плоштадот „Македонија“, заедно со вас ќе го осветлиме градот и после неколку години ќе ја почувствуваме првата искра на празничниот дух. Веќе од наредниот ден, па сѐ до самата Нова година, ќе следуваат секојдневни настани и забави за сите генерации. А дочекот, ви ветуваме, ќе биде спектакуларен и незаборавен“, објави градоначалникот Орце Ѓорѓиевски.
Македонија
Притвор за скопјанецот кој насилно упадна во студиото на „Инфомакс“
Судот му определи притвор на 43-годишниот скопјанец кој вчера насилно упадна во студиото на „Инфомакс“.
Според информациите од МВР, полицијата поднесе кривична пријава по брза постапка против Г.С.(43) од Скопје поради постоење основи на сомнение за сторени кривични дела насилство и спречување на службено лице при вршење службено дејствие.
„Имено по претходна пријава од страна на А.М. водител на емисијата ‘Инфомакс’ и по преземени мерки од страна на полициските службеници извршен е разговор со оштетениот и сведоците на настанот, обезбедени се видео записи од безбедносни камери, извршен е службен разговор со пријавениот и документирани се заканувачки пораки од пријавениот кон оштетениот. Тој е изведен пред судија на претходна постапка при што му е изречена мерка притвор“, соопшти МВР.

