Македонија
Жерновски: На најголемиот здравствен предизвик дадовме здрав одговор

Под заедничко претседателство на министерите за надворешни работи на Франција и Германија, Жан-Ив Ле Дриан и Хајко Мас, се одржа министерски состанок на Алијансата за мултилатерализмот, на кој учество имаше и заменик министерот за надворешни работи на , Андреј Жерновски. На настанот учествуваше и генералниот директор на Светската здравствена организација, Тедрос Аданом Гебриезус.
Министерскиот состанок беше посветен на зајакнување на мултилатералната здравствена архитектура и механизмите за спречување идни кризи, како и борбата против ширење дезинформации (Infodemics) во контекст на Ковид-19 пандемијата.
„Ние ги поддржуваме сите иницијативи кои повикуваат на колективен одговор кон пандемијата, преку ефективен мултилатерализа и со централна улога на ООН во борбата против кризата и справувањето со нејзините последици”, истакна Жерновски.
Тој посочи дека здравствената и економска криза со која се соочува глобалната заедница, ќе има долгорочни негативни реперкусии врз животите и егзистенцијата на сите луѓе во светот. Затоа, тој повика на почеста и позасилена координација и соработка на сите инволвирани чинители како ООН и здравствени и хуманитарни организации вклучувајќи ги локалните, национални и меѓународни невладини организации за контрола и ублажување на Ковид-19.
СЗО, според него, мора во овој период да биде водечка агенција за здравство на ООН и главен советник за техничка и здравствена политика во светот за ограничување и намалување на СОВИД-19.
На крајот од својот говор, Жерновски акцент стави и кон улогата на секој поединец во ширењето на дезинформациите околу пандемијата Ковид-19.
„За цело време на траење на памдемијата, како институции покажавме зрелост и во рамките на своите надлежности работевме во интерес за секој еден граѓанин. Им застанавме цврсто на патот на лажните вести поврзани со коронавирусот, кои ако не ги превенираме можат да создадат несогледливи последици и консеквенции по здравјето на луѓето. Македонската Влада на овој најголем здравствен предизвик даде здрав одговор“, кажа тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.