Македонија
Заев – Брајовиќ: Црна Гора меѓу првите ќе го потпише протоколот за пристапување на Македонија во НАТО

Претседателот на Владата, Зоран Заев, оствари средба со претседателот на Собранието на Црна Гора, Иван Брајовиќ, кој е во официјална посета на нашата земја. Во придружба на високи претставници на двете земји, премиерот Заев и претседателот на црногорското собрание, Брајовиќ, разговараа за актуелните прашања од интерес за двете земји и за идната соработка и меѓусебна поддршка која меѓу Република Македонија и Република Црна Гора е традиционално на високо ниво.
„Црна Гора, нејзините политички лидери и народот на земјата беа и останаа постојано со нас, со поддршка за процесите на затворање на последните отворени прашања со соседите, што ги отпочнавме заради откочување на евро-атлантските аспирации на нашата земја. Убедени сме дека Црна Гора и понатаму ќе биде наш пријател и сојузник во процесот на пристапување на нашата земја во НАТО и земја партнер од која ќе се инспирираме од нивното искуство од преговорите со ЕУ“, рече премиерот Заев на средбата и додаде дека и двете земји остануваат посветени на продлабочување на билатералните односи пред кои стои широк спектар на можности, особено во делот на економијата.
Претседателот на Собранието на Република Црна Гора, Иван Брајовиќ, истакна дека неговата земја и народот се радуваат на успесите и напредокот на Република Македонија и нагласи дека собранието што го претставува ќе биде меѓу првите што ќе го потпише протоколот за пристапување на нашата земја во НАТО.
Двајцата соговорници се согласија дека и двете земји остануваат доследни на својата посветеност да ги поддржат позитивните процеси во регионот за да се затворат на задоволство на сите преостанати отворени прашања меѓу одделни соседи на Западен Балкан, и на Европа и на светот да му понудат регион подготвен да биде прифатен во европските и атлантските интеграции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Венко Филипче на отворена сцена денес го фалеше Зоран Заев, се покажа дека е чувар на фотелја, велат од ВМРО-ДПМНЕ

Венко Филипче на отворена сцена денес го фалеше Зоран Заев. Со други зборови тој кажа дека народот треба да му биде благодарен што Заев ја водеше државата, што го смени името, ја упропасти економијата, што СДС стана безгласна буква преку ДУИ, Артан и Ахмети, истакнуваат од владејачката ВМРО-ДПМНЕ.
„Венко Филипче не чувствувал одговорност за модуларната болница, и кажа дека понудил оставка, а не кажа дека заеднички со Заев одлучија да продолжи да биде министер за здравство и оставката беше само блеф кој народот не ја проголта.
Венко Филипче е продолжение на црнилата, криминалот, предавствата и поразите на Зоран Заев“, додаваат од ВМРО-ДПМНЕ.
Според нив, тој нема никаков кредибилитет. Тој, како што потенцираат е само чувар на фотелјата и продолжена рака на Зоран Заев.
Македонија
Мицкоски по средбата со Филипче: „Државата мора да биде во служба на граѓаните, и да се случат коренити реформи на системот

Претседателот на Владата Христијан Мицкоски оствари средба со претседателот на СДСМ Венко Филипче.
Беше истакната потребата да се работи на заедничката иднина за граѓаните, како и да се работи на консензус меѓу различните страни за клучните прашања за државата и добробит на сите граѓани.
Во тој контекст неопходно е да се мобилизираат сите напредни поединци и структури кој можат да дадат придонес на патот за развој на земјата.
Македонските државни интереси треба да бидат појдовната точка во разговорите за секое прашање, при што Мицкоски побара од Филипче да се потруди да биде конструктивен фактор во определбата за промени, реформи и напредок.
„Државата мора да биде во служба на граѓаните, и да се случат коренити реформи на системот од кој граѓаните се незадоволни“, истакна Мицкоски на средбата.
Соговорниците се договорија да се формираат работни групи кои ќе разговараат за реформските законски решенија кои треба да ги гарантираат заложбите за напредок.
Македонија
Средба Муцунски-Рубио: нагласена важноста од интензивирање на политичкиот дијалог на високо ниво

Министерот за надворешни работи, Тимчо Муцунски, денеска во Брисел, на маргините на состанокот на министрите за надворешни работи на НАТО, оствари кратка, но продуктивна средба со американскиот државен секретар, Марко Рубио. Станува збор за нивна прва средба по неодамнешното именување на Рубио на оваа функција.
На средбата беа разменети мислења за актуелни прашања од заеднички интерес, како и за соработката на билатерално ниво и во рамките на НАТО Алијансата.
„Се согласивме за важноста од натамошно интензивирање на политичкиот дијалог на високо ниво. Следуваат многу заеднички иницијативи“, напиша министерот Муцунски во своите објави на социјалните мрежи.