Македонија
Заев во Германија: Нашата земја има европски стандарди за бизнис, со право очекуваме датум за преговори
Премиерот Зоран Заев ја почна дводневната посета на Германија со учество на свечениот годишен прием на Здружението за Источна Европа на германското стопанство.
Како почесен гостин на оваа свеченост Заев имаше свое обраќање на тема „Реформите во стопанството и општеството – Патот на Северна Македонија во ЕУ“ и зеде учество во панел-дискусијата со наслов „20 години од Пактот за стабилност за ЈИЕ – перспективите за регионална соработка“.
Во своето обраќање тој потенцира дека паралелно со политичките реформи, зајакнувањето на институциите и целосната демократизацијата на земјата, таа влегла посветено во создавање услови за економски раст и во создавање поволна клима за привлекување на интересот на странските инвеститори.
„Пред 10 дена добивме уште една, овој пат безусловна препорака за почеток на преговорите по поглавјата со ЕУ. Заедно со процесот за членство во НАТО признанијата се однесуваат и на нашите политички остварувања во добрососедската политика. Северна Македонија нема отворени прашања со соседите, а храбрите одлуки се наградени со признанието дека ние сме блескав пример во регионот“, истакна Заев во својот говор на годишниот прием на Здружението за Источна Европа на германското стопанство во Берлин.
Како што информираат од владината прес-служба, премиерот посочил дека државата сега со право очекува позитивна одлука од Европскиот совет за почеток на преговорите со ЕУ по поглавја.
„Секое друго решение негативно ќе се одрази на политичката ситуација во земјата и во регионот и ќе ги охрабри влијанието и интересот на трети страни во регионот“, нагласил Заев додавајќи дека одлагањето на позитивната одлука ќе ги забави реформите и ќе влијае негативно на економските трендови, кои во последните две години добиле нагорна линија.
„Владата на Северна Македонија ја прогласи 2019 за година на економијата и веќе постигна одлични резултати за да го потврди тоа. Минатата година ја завршивме со рекордни директни странски инвестиции во висина од 624,5 милиони евра. Во првиот квартал земјата постигна раст на БДП од 4,1 отсто за разлика од истиот квартал пред две години кога земјата беше во рецесија. Се отвораат нови работни места, а невработеноста за две години од 23 падна на 17,8 отсто“, ги информира премиерот Заев претставниците на германските компании од Здружението за Источна Европа на германското стопанство“, посочи тој.
Заев додаде дека двесте компании со германски капитал вработуваат 20 илјади граѓани, а тоа е доказ дека нашата земја има европски стандарди за бизнис и дека самите германски компании во земјата се препорака за охрабрување на интересот на другите бизнисмени да инвестираат во Северна Македонија.
Од Владата информираат дека на дискусијата „20 години од Пактот за стабилност за ЈИЕ – перспективите за регионална соработка“ сите соговорници се согласиле дека Северна Македонија како пример на успешни реформи и напредок во евро-атлантските интеграции е инспирација и за другите земји од регионот, кои очекуваат на земјата да ѝ биде определен датумот за почеток на преговорите по поглавја како охрабрување и за регионот.
Инаку, Заев вечерва се сретна и со генералната секретарка на Советот за регионална соработка на земјите од Западен Балкан, Мејлинда Брегу, а при посетата на Германија тој е придружуван од вицепремиерот задолжен за координација со економските ресори, Кочо Анѓушев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Полицијата на Тошковски повторно во служба на сеење страв – се легитимираат новинари!
„СДСМ ги осудува постапките на полицијата на Тошковски во Демир Хисар, каде полициски службеници легитимираа новинари на јавен простор, со видливо истакнати новинарски легитимации. Недозволиво е полицајци на јавен простор да ги третираат новинарите како „непознати лица“ кога на себе имаат легитимации“, велат од СДСМ.
„Знаеме дека Тошковски е уплашен од вистината, од силните реакции на јавноста за сите скандали што ги прави, но не може да ја претвори полицијата во инструмент за сеење страв и замолчување.
Нека ги остави Тошковски новинарите да работат и да известуваат за прашања од јавен интерес. Наместо да ги попречува, полицијата е должна да ги штити нив и новото право за работа без било каков притисок.
Секое друго однесување е директен удар врз слободата на медиумите“, соопшти СДСМ.
Македонија
Средба на градоначалникот Ѓорѓиевски со претседателот на Стопанската комора на Северозападна Македонија, Нухиу Алиу
Градоначалникот на општина Кисела Вода, Орце Ѓорѓиевски, денес оствари конструктивна средба со претседателот на Стопанската комора на Северозападна Македонија, Нухиу Алиу. На средбата се разговараше за можностите за унапредување на бизнис-климата и создавање услови за нови инвестиции.
Двајцата соговорници ја потенцираа важноста на институционалната поддршка за стопанството, како и заедничките заложби за создавање поволна средина за развој на претпријатијата. Беше истакнато дека добрата соработка помеѓу општината и бизнис-заедницата е клучен предуслов за економски раст, отворање нови работни места и задржување на младите во земјата.
„Како локална самоуправа, имаме јасна цел – да обезбедиме стабилна институционална поддршка за стопанството. Соработката со Стопанската комора на Северозападна Македонија може да овозможи побргу да ги препознаеме потребите на бизнисите, да ја намалиме административната бариера и да креираме политики што ќе резултираат со нови инвестиции и економски развој. Верувам дека заедно можеме да направиме значителен исчекор во создавање современа и конкурентна деловна средина“, изјави градоначалникот Ѓорѓиевски по средбата.
Претседателот на Стопанската комора на Северозападна Македонија, Нухиу Алиу, упати честитки до градоначалникот за досегашната успешна работа и му посака успех во неговите понатамошни кариерни чекори.
Македонија
„Влен“: Бујар Османи претставува симбол на дваесетгодишната корупција
„Граѓаните на Чаир добро знаат кој е Бујар Османи. Знаат дека за дваесет години политика никогаш не направил ништо за Чаир, ниту помогнал на некого од Чаир. Се враќа тука само кога му требаат гласови за да ја продолжи својата лична политичка кариера“, велат од „Влен“.
„Бујар Османи е симбол на кариеризмот – човек кој ја користеше секоја функција за сопствен напредок, а не за доброто на граѓаните.
Како министер за здравство доби амнестија во предмет на СЈО за незаконски набавки, а извештаите на Државниот завод за ревизија документираат милионски незаконски трошоци: милиони денари за деривати без покритие, сервисирање возила без докази, незаконски вработувања преку агенции.
Како министер за надворешни работи потроши над 120 милиони денари за Самитот на ОБСЕ, без документи, без фактури, без извештаи. Единствената „победа“ што ја запомнивме е тоа што го пречека рускиот министер Лавров, потег што и нанесе штета на меѓународната репутација на државата.
Како претседавач на ОБСЕ стана познат по тоа што застана на српска страна во спорот со Косово, и наместо да гради стратешко партнерство со Косово, организираше десетици средби и ручеци со српскиот државен врв, отворајќи го пазарот за српски капитал и сомнителни бизниси.
Како дел од Владата на ДУИ беше соучесник во дозволата за влез на МТЕЛ и српските казина во Македонија, од кои две лиценци завршија во рацете на компании со контроверзно српско и црногорско потекло.
Чаир не заслужува човек кој цела кариера ја помина далеку од проблемите на својата општина, кој се појавува само кога му треба поддршка, и кој зад себе остава само долгови, сомнежи и скандали.
Чаир ќе избере човек кој 20 години дише и живее со проблемите на оваа општина, кој ги решава проблемите на граѓаните, а не ги користи за лични договори и лични кариерни причини.
На 19 октомври, граѓаните на Чаир ќе му кажат јасно и гласно: Доста беше, Бујар! Доста абеше од твојот кариеризам!“, се наведува во соопштението на „Влен“.
Уапсени двајца мажи од Росоман, му се заканувале на градоначалникот на Кавадарци
Денеска по полноќ, во 02:20 и 02:50 часот во Росоман, полициски службеници од ОВР Кавадарци ги лишиле од слобода М.Д.(33)...
Скопјанец почина на Клинички откога бил донесен во тешка здравствена состојба: телото дадено на обдукција
Вчера во 17:20 часот во СВР Скопје, од Комплекс клиники „Мајка Тереза“ било пријавено дека во тешка здравствена состојба кај...
Претреси во село Гајре во врска со пукањето во Тетово: уапсени четворица, пронајдени предмети
Вчера во периодот од 12:50 до 15:00 часот во село Гајре, тетовско, согласно судска наредба, а во врска со вооружената...
(Видео) Густ чад го обвива Петровац, сцените од плажата се морничави: Црна Гора сè уште се бори со пожарот
Црна Гора сè уште се бори со пожарот, иако ситуацијата во Чањ и во Буљарица се чинеше дека се смирува,...
(Видео) СДСМ: Нов скандал во Националната агенција „Еразмус“, Ана Михајлов, осомничена од ОЛАФ, назначена за в.д. директорка?
„Денеска објавуваме нов скандал на власта. Како пред очите на целата јавност, Владата на ВМРО-ДПМНЕ и Христијан Мицкоски повторно ја...
(Видео) „Како со лекарска плата Венко стигна до луксузно пловење“, прашува Лефков
„Чија е јахтата на која уживаат Филипче и Заев и со чии пари е платена, како со лекарска плата Венко...
Директорката на гимназијата во Демир Хисар на информативен разговор во полиција
Директорката на Гимназијата во Демир Хисар, Маја Лозановска, денеска се јави на информативен разговор во полициската станица во Демир Хисар....
(Видео) Пожари беснеат во Буљарица и Чањ, пожарникарите се борат со силниот ветер и густиот чад
Црна Гора за кусо време беше погодена од катастрофални пожари, од кои најкритични беа во Чањ, Буљарица и недалеку од...
Патот Брезница – Македонски Брод целосно затворен поради пожар
Поради пожар, утрово целосно е затворен за сообраќај патниот правец од Брезница, преку Националниот парк Јасен, до Македонски Брод. Според...
23,7 отсто од младите во земјата ниту учат ниту работат – „Хера“ со порака до кандидатите за градоначалници
Додека светот денес го слави 12 август – Меѓународниот ден на младите, младите луѓе во државата сè уште живеат во...
Обид за убиство во Виница: маж избоден четирипати пред угостителски објект
Вечерта на 7 август, пред угостителски објект во Виница, мирното место се претвори во сцена на насилство кога Н.В. (32)...
(Видео) Рекорден топлотен бран во Европа – во Италија почина четиригодишно дете
Во топлoтниот бран, кој вчера ја зафати Европа, едно дете почина од топлотен удар во Италија, шумските пожари се му...
Штедачите на Еуростандард банка: Пет години нема ниедно обвинение, ниеден обвинет, ниедно рочиште
Пет години по затворањето на „Еуростандард банка“, оштетените штедачи повторно јавно реагираат дека истрагата на Основното јавно обвинителство за гонење...
Трамп: Ќе се обидам да вратам дел од територијата на Украина, за танго се потребни двајца
Претседателот на САД, Доналд Трамп, изјави во Белата куќа дека неговата средба со Владимир Путин ќе биде „разговор за да...
(Видео) „Јадранскиот Титаник“ потонал пред 111 години: денес е атракција за нуркачите во близина на омиленото место на Тито
Некогаш најубавиот брод на австриската компанија Österreichischer Lloyd – елегантен, брз и луксузен – лежи веќе 111 години на дното...
Сончево и многу топло, максималната температура до 40 степени
Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе...
Се’ уште гори кај Јасен, активни пожари на четири локации низ Македонија
Денес до 18 часот се регистрирани вкупно 10 пожари на отворен простор. Од нив, четири се активни и моментално се...
Најмногу туристи ни дојдоа од Турција во јуни
Според податоците од Државниот завод за статистика, во јуни годинава во земјата биле регистрирани вкупно 126.415 туристи, од кои 20,1...
Стоматолошката комора тврди – нема неправилности, Министерството за здравство ја брани одлуката за преземање на лиценцирањето
Претседателот на Стоматолошката комора, Маријан Денковски, на прес-конференција изјави дека повеќекратните контролни надзори не откриле неправилности во работењето на Комората....
Почувствуван земјотрес во Битола и околината
Телеметриската сеизмолошка мрежа на Република Северна Македонија, на сеизмолошките станици инсталирани на нашата територија, одржувани од Сеизмолошката опсерваторија при Природно-математичкиот...
