Македонија
Заев ги соопшти носителите на кандидатските листи на СДСМ и порача: „Со ваква понуда, нема дилема“

СДСМ ги избра кандидатите за пратеничките листи за претстојните парламентарни избори закажани за 12 април.
Во првата изборна единица носители ќе бидат актуелниот министер за надворешни работи Никола Димитров и вицепремиерката и поранешна министерка за труд и социјална политика Мила Царовска.
СДСМ најавија дека за овие избори на листите ќе има тандем односно двајца носители и во сите единици ќе бидат маж и жена.
Задржувајќи се до тој принцип носител на листата во втората изборна единица е техничкиот премиер Оливер Спасовски, а второто место е резервирано за Сања Лукаревска, директорката на Управата за јавни приходи (УЈП). Во тројката тандемот на СДСМ го чинат Љупчо Николовски и Јагода Шахпаска, односно Радмила Шекеринска и Јован Митрески во петката.
За лидерот на СДСМ, Зоран Заев резервирана е четвртата изборна единица каде тој ќе настапи во тандем со членката на НСДП, Соња Мираковска, која ќе добие место на пратеничката листа кое е предвидено за коалициските партнери.
Во шестата изборна единица се очекува носител биде лидерот на БЕСА, Биљал Касами, во тандем со Фаница Николовска.
„Со ваква понуда, нема дилема. Обединуваме околу вредностите и визиите за државата за нашите деца. Концептот едно општество да се зацврсти, да продолжиме сите заедно. Им благодарам на коалиционите партнери кои дадоа придонес, и на оние кои не се дел од листите, но се тука да работиме заедно“, посочи Заев на завршницата од 24. партиски Конгрес.
Нагласи дека СДСМ и коалицијата ќе продолжат уште подобро по овие избори.
„Сите ќе продолжиме, со силна посветеност да ги реализираме сите столбови на програмата што вечерва ја усвоивме. Членка сме на НАТО, сега на ред е ЕУ. Градиме фер, еднакво, праведно општество“, додаде партискиот лидер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДСМ: Молкот на Андоновски го потврдува скандалот со новиот тендер, институциите да постапап веднаш

„Скандалите во Министерството за дигитална трансформација водено од Стефан Андоновски не престануваат. По тендерот добиен од сопругот на државната секретарка Клинчарова, сега јавноста дозна за нов тендер вреден 600.000 денари. Според информации од свиркачи кои јавно ги објавивме, сомнежите се дека овој тендер бил доделен на фирма поврзана со родителите на вработен во ИТ-секторот на истото министерство“, соопшти СДСМ.
„ДПМНЕ не го негираше тендерот туку го потврди а Андоновски досега молчи. Оттука, основани се сомнежите за непотизам, судир на интереси и злоупотреба на јавните пари.
Го повикуваме Јавното обвинителство веднаш да отвори истрага за сите тендери во Министерството за дигитална трансформација. Бараме и ДКСК да го прошири предметот и да ја информира јавноста за резултатите од постапката што веќе ја води.
Министерот Андоновски мора да понесе одговорност, а институциите мора да покажат дека функционираат и кога се во прашање функционери од ВМРО-ДПМНЕ.
Дали случајот со тендерските мрежи не е изолиран инцидент, туку дел од поширока шема?
Ова не е партиска тема, ова е прашање на јавен интерес, прашање на правда и борба против системска корупција.
СДСМ нема да престане да ја разобличува вистината. Ќе продолжиме со објавување на сите информации и докази што укажуваат на можни злоупотреби во Министерството, а такви имаме многу“, се наведува во соопштението на СДСМ.
Македонија
„ССМ станала приватна фирма со Трендафилов, за само една година луѓето околу него земаат милиони во вид на плати и додатоци“, велат од ВМРО-ДПМНЕ

„Синдикалците на батерии, на чело со Трендафилов, земаат над милион денари годишно во вид на плати и додатоци. За ова да е уште потрагично, овие пари ги земаат од донациите кои синдикалците со ниски примања ги даваат на ССМ“, велат од ВМРО-ДПМНЕ.
„Лажните синдикалци кои го предводат ССМ, се богатат на маката на работниците. Затоа, работниците кои членуваат во ССМ, се длабоки разочарани од раководството на чело со Трендафилов.
Разочараноста на членовите на ССМ од актуелното раководство е тоа што истите тие го имаат претворено ССМ во приватна фирма и ги користат благодетите на истата.
Додека ги гледаат во очи и ги лажат синдикалците, Трендафилов и останатите синдикалци на батерии, инкасираат милионски суми во нивните џебови на грбот на работниците, синдикалци.
Трендафилов и луѓето со кои што одработува за СДС, земаат плати за 3 или 4 плати поголеми од минималната плата. Затоа тие немаат реална претстава за маката на граѓаните.
Политиканството на Трендафилов и ССМ, мора да престане“, соопшти ВМРО-ДПМНЕ.
Македонија
„Кој му ги дал службените тајни на обезбедувачот на Мицкоски“, прашува СДСМ

„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се поставува прашањето: дали и самиот е лично вклучен и ги диригира криминалните процеси во земјата?“, велат од СДСМ.
„Пред само неколку месеци, шефот на неговото обезбедување претепа полициски службеници и спречи полициска акција за сузбивање на дрога — настан што и тогаш МВР се обидуваше да го прикрие.
Вчера, неговиот личен избор за обезбедување, Ангел Самараков, беше фатен како оддава службени тајни на лица од Грчец. МВР цел ден се обидуваше да го скрие скандалот, но под притисок на медиумите кои ја дознаа вистината, беше принудено да излезе со информација во јавноста.
Ова ли се луѓето што ќе го „ресетираат“ системот?
СДСМ изразува сомнеж за постоење на силна координација и соработка меѓу најблиските луѓе на Мицкоски и криминалното подземје. Не е ни чудо што криминалот и уличните пресметки во државата во последните девет месеци се на историски највисоко ниво.
СДСМ прашува: дали обезбедувањето на Мицкоски самоволно делувало, или било испратено да пренесе информации, бидејќи тој лично, согласно своите надлежности, нема пристап до доверливи податоци? Кој му ги дал тие информации и кој ја диригира целата соработка со нарко-клановите од институциите?
Состојбата со безбедноста е крајно загрижувачка, а очигледно е дека криминланите структури во земјата имаат директен пристап и информации од најблиските луѓе на Мицкоски. Ова значи дека криминлаот во државата ќе ја владее државата и Мицкоски и ДПМНЕ се директни соучесници во тоа“, соопшти СДСМ.