Македонија
(Видео) Заев: Го поддржуваме тимот на Јанева, законот треба да се донесе консензуално

,,Дијалогот продолжува, на вечерашната средба се разговараше на две теми – претседателските избори и реформските закони. За сите елементи што се важни за фер избори, ние сме фаворити, и нам ни е важно да бидат изборите кристално чисти”, изјави премиерот Зоран Заев по неколкучасовната средба со лидерот на опозицијата Христијан Мицкоски којашто се одржа вечерва во Владата.
Според Заев, ако бара опозицијата ќе бидат обезбедени и дополнителни набљудувачи за претседателските избори во април.
,,Не сакаме да дадеме ниту еден аргумент за неправилности пред датумот за преговори во јули.Во делот на реформските закони, за законот за разузнавачките служби вклучени се и НАТО експерти и опозицијата е информирана за тоа.Од утре со работни групи ќе разговараме за законот за СЈО.Ние остануваме на ставот дека овој тим треба да остане. Очекувам да се постигнат услови да се донесе законот консензуално.Не треба да робуваме на рокови, но до крајот на март ние мора да ги изгласаме законите”, рече Заев.
Според него, Обвинителството ќе се бори со корупцијата независно што е лимитирана употребата на бомбите.,,Има други материјални докази во процесите, тие не можат да испарат. Се што има почеток има и крај и тоа е не е поврзано со одоброволување на опозицијата”, рече премиерот и додаде: ,,Ние имаме различни ставови, опозицијата беше повеќе пати несериозна по некои прашања, а ние ќе направиме се земјата да продолжи во вистинскиот правец. Секој треба да ја носи својата одговорност. Верувам ако нема консензус, да ги решиме со двотретинско мнозинство”. Заев вели дека со Мицкоски воопшто не разговарале за предвремени избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.