Македонија
Заев легализира во Лагадин, Беџети на Матка, законите само на хартија
Градоначалникот на општина Сарај, Блерим Беџети, најави дека ќе се залага за изнаоѓање начин за легализирање на платформите на Матка безмалку исто како што премиерот Зоран Заев на трибина во Охрид вети дека лично ќе се заложи за легализацијата на дивиот хотел во Лагадин. И платформите и хотелот за архитектите се школски пример за дивоградби изградени, меѓу другото, во заштитени подрачја во кои не постои начин да бидат легализирани во согласност со важечките закони.
Хотелот во Лагадин за кој премиерот Зоран Заев најави дека ќе помогне да се догради
Хотелот во Лагадин почна да се гради 2016 година и покрај предупредувањата дека прекршува 12 закони, еден подзаконски акт и не е во согалсност со Уставот, на што постојано укажуваа граѓанските здруженија. Истата година, по барање на граѓаните, на терен излезе Инспекторатот за животна средина, кој утврди дека хотелот е во заштитените 50 метри од езерото во кои не се дозволени градби, а Државниот инспекторат за градежништво и урбанизам му наложи на тогашниот градоначалник на Охрид, Никола Бакрачески, да го урне. Сопственикот на хотелот двапати се жалеше кај Второстепената комисија, а истовремено и си градеше. Поддршка на граѓаните и барање да се стопира градбата тогаш имаше и СДСМ, но тоа не го спречи премиерот Зоран Заев минатиот месец на сопственикот да му вети дека лично ќе се заложи хотелот да може да се догради.
Сопственикот на хотелот, Никола Толески, на трибината „Силна економија – шанса за сите“ му објасни на премиерот дека фамозниот хотелски комплекс е, всушност, „обично објектче со 8 соби и 9 апартмани“ и рече дека само сакал да го догради за ако може, да ја фати претстојната сезона.
„Чичко Никола за хотелот во Лагадин неколкупати насоки давал и на министерот и го знам проблемот. Ако треба, ќе ја земам под раце Второстепената комисија и ќе дојдат тука и ќе решиме до крај“, му вети премиерот Заев на сопственикот на хотелот.
Од Владата, еден месец по ветувањето на премиерот, најавуваат средба со граѓанските организации.
„За објектот во населбата Лагадин премиерот Зоран Заев во текот на наредните денови ќе одржи средба со претставници на здружението за заштита на интегритетот на селото Лагадин – ‘Стар Лагадин – Скопје’“, изјавија од Владата за „Макфакс“.
За дивите платформи на Матка од Владата потенцираат дека Министерството за транспорт и врски има мандат да ги одземе ингеренциите од инспекторите од Сарај, во чија надлежност е уривањето на бесправните објекти.
„Според член 145 од Законот за градењето, Министерството за транспорт врски има можност да одзема надлежност на овластен градежен инспектор во општината доколку не постапува по конкретен предмет, но само по предлог на Државниот инспекторат за градежништво и урбанизам доколку се утврди неизвршување на работите по конкретниот предмет. Министерството за транспорт и врски во рамките на своите надлежности веќе испрати барање до Државниот инспекторат за градежништво и урбанизам да ја провери фактичката состојба со дивограбите во општина Сарај“, велат од Владата и покрај тоа што Инспекторатот вчера се прогласи за ненадлежен за платформите оти не биле градби од прва категорија.
Од Владата најавуваат дека и Државниот инспекторат за животна средина ќе излезе на терен да направи увид во однос на дивоградбите во кањонот Матка. Ќе направи проверка на нивната техничка документација и усогласеноста на неа со Законот за природата, според кој кањонот Матка е прогласен за заштитено подрачје во категоријата споменик на природата.
Од Владата најавуваат дека и Државниот инспекторат за животна средина ќе излезе на терен да направи увид во однос на дивоградбите во кањонот Матка
Сите платформи изградени на Матка се бесправни градби. Луѓето што работат таму велат дека ниту една не е сосема нова, вклучително и онаа во првиот залив до браната. Таа до минатата сезона била далеку помала и изградена ниско над водата, а за оваа сезона сопственикот решил да ја крене, да ја надгради и да ја прошири.
И покрај тоа што на Матка со години функционираат дивите платформи, Законот за градењето децидно пропишува дека секоја градба, привремен објект или урбана опрема, поставени без одобрение, треба да бидат отстранети, а сопственикот казнет. Одредбите од Законот за градењето и за платформите на Матка и за хотелот во Лагадин остануваат само на хартија, дивоградбите се нечепнати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Димитријевиќ: Власта носи мигранти за пари
„Во буџетот нема пари. За првпат во историјата, утре – 15 декември – се затвора Трезорот. Државата доцни со сите исплати: нема пари за плати, пензии, социјална помош, породилно, нема ни за поврат на ДДВ. Дупката изнесува најмалку 1 милијарда евра“, кажа денеска на прес-конференција, Александар Саша Димитријевиќ, генерален секретар на СДСМ.
Како што истакна Димитријевиќ, „власта не се грижи за граѓаните, се грижи само за себе, за бизнисите со наместени тендери, за криминалот и за пумпањето пари од буџетот очајно им треба свеж кеш“.
„Затоа ја продаваат Македонија. Затоа прифатиле мигранти во пакет со кредити од 6 милијарди евра. Паралелно, ВМРО-ДПМНЕ спроведува намерна изолација и ја држи Македонија надвор од ЕУ. Не за заштита на националните интереси, туку за свесно оддалечување од Европа. Изолацијата е стратегија. Без ЕУ, без европски контроли и без европско правосудство – полесно се краде и нема одговорност за никојМакедонија сакаат да ја претворат во црна точка на Европа“, вели тој.
Димитријевиќ рече дека „27 земји членки на Советот на Европа јавно бараат ревизија на Европската конвенција за да се олесни депортацијата на мигранти“.
„Каде ќе одат тие луѓе? Во земји надвор од ЕУ – како Македонија. Доколку во Македонија се донесат мигранти осудени за сериозни кривични дела, тоа ќе значи директна закана по безбедноста на државата. Во исто време, тоа целосно ќе го закочи европскиот пат, затоа што со евентуален влез во ЕУ повторно би се отвориле вратите кон Унијата – нешто што европските земји сакаат да го спречат. Затоа на ВМРО-ДПМНЕ ѝ одговара Македонија да остане изолирана. Ова е нивниот „win-win“ :Британија депортира мигранти за пари, а ДПМНЕ добива изолирана држава во која непречено продолжува кражбата. Губитници се само граѓаните и иднината на Македонија“, потенцира генералниот секретар на СДСМ.
Македонија
АХВ: Спречен увоз на над 26 тони замрзнато пилешко месо од Бразил
Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил на граничниот премин Ќафасан.
Пратката, составена од 2.167 пакувања по 12 килограми, е вратена во земјата извозник поради неисполнување на условите за увоз.
Од АХВ соопштија дека забраната е донесена врз основа на претходно решение за забрана на увоз на живи животни, производи и нуспроизводи од животинско потекло од Бразил, со цел да се спречи внесување на вирусот на високо патогена авијарна инфлуенса (птичји грип).
Според правилата, забранет е увозот на пратки добиени од животни кои се заклани, натоварени и сертифицирани пред 1 август 2025 година.
Македонија
ВМРО-ДПМНЕ: Пукна меурот од конструкции на СДС, документи и докази ги рушат мигрантските лаги на СДС, Филипче е разоткриен
„Хистеријата на СДС и Филипче за лажните вести што ги создаваат и пласираат се распукнаа како меур од сапуница“, велат од ВМРО-ДПМНЕ.
„Лицемерието на СДС и Филипче излезе на виделина пред очите на целокупната јавност.
За разлика од глумата на Филипче во улогата на патриот, менувањето ставови и ширењето лаги за непостоечки теми од страна на СДС, ВМРО-ДПМНЕ има јасна државотворна позиција против политиките што ја загрозуваат безбедноста и интересите на граѓаните на Македонија. ВМРО-ДПМНЕ и тогаш, и сега води антиемигрантска политика.
Фактите се јасни и документирани, СДС на чело со Заев и Филипче отворено нудеа Македонија да стане паркинг на мигрантски кампови. Вистина е дека постоеја планови, постојат изјави и постоела волја кај СДС, Заев и Филипче да се вдомат мигранти.
Филипче и Заев биле спремни за населување на мигрантите во Скопје, во 2018 година усвоиле План за изградба на мигрантски камп во Бардовци.
Филипче туркал камп во Бардовци и гласал да се доселат мигранти во Македонија, а за сето тоа има и доказ во Службениот весник од 2018 година, каде што е објавена одлуката на владата за изградба на мигрантски камп, со Имотен лист бр. 2140 за КО Бардовци.
Филипче растура пердуви со лажни теми и игра криенка по партиските штабови додека бега од новинари и новинарски прашања.
Додека Филипче бега, вистината ги стигна и излезе на виделина. Наместо спинови и паника СДС нека одговори колку мигранти беа спремни да примат во 2018 година?
Кој ги договараше камповите?
Зошто тогаш Филипче молчеше во знак на одобрение а денес глуми патриот и принципиелност?
Време е СДС и Филипче да се посветат на мигрантите од сопствените редови кои им бегаат во други партии и да си ја реформираат партијата. На Македонија и е потребна зрела и конструктивна опозиција“, пишува во соопштението на ВМРО-ДПМНЕ.
(Видео) Димитријевиќ: Власта носи мигранти за пари
„Во буџетот нема пари. За првпат во историјата, утре – 15 декември – се затвора Трезорот. Државата доцни со сите...
Oбвинителство: За насилство во училиште во Сарај, побарана судска постапка спрема пет деца
Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка за...
АХВ: Спречен увоз на над 26 тони замрзнато пилешко месо од Бразил
Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил...
(Видео) Пукање на универзитет во САД – има загинати и повредени, напаѓачот е во бегство
Најмалку две лица се убиени, а девет се повредени во вооружен напад што се случи во саботата попладне на кампусот...
(Видео) Нела Манческа ѝ донесе седмо место на Македонија на „Јуниор Евросонг“
Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место,...
Ахмети од протестот на плоштадот „Скендербег“: Процесот во Хаг треба да заврши со ослободителна пресуда
Лидерот на ДУИ, Али Ахмети, денеска се обрати на протестот што се одржа на плоштадот „Скендербег“ во Скопје, организиран во...
Рената Дескоска избрана за потпретседателка на Венецијанската комисија
Професорката по уставно право и поранешна министерка за правда, Рената Дескоска, е избрана за потпретседателка на Венецијанската комисија. Како што...
(Видео) Жената во Гостиварско била застрелана пред да биде закопана во дупка, покажа обдукцијата
Завршена е обдукцијата на 53-годишната жена која беше пронајдена почината во атарот на гостиварското село Неготино. Според првичниот наод, таа...
Македонија воздржана за резолуцијата на ОН за обврските на Израел
Македонија гласаше воздржано на седницата на Генералното собрание на Обединетите нации за резолуцијата што се однесува на обврските на Израел...
ВМРО-ДПМНЕ: Филипче се претставува како противник на мигрантите, а во 2018 туркал камп во Бардовци
ВМРО-ДПМНЕ денеска го обвини претседателот на СДСМ, Венко Филипче, дека јавно настапува како противник на мигрантите, додека за време на...
СДСМ: За мигрантите мора да одлучува Собранието, а не општините
Собранието, а не општините, мора да одлучува за прашањето со мигрантите, соопшти денеска СДСМ, оценувајќи дека премиерот Христијан Мицкоски со...
Трамп, Бил Клинтон, Бил Гејтс се појавија на новите фотографии со Епштајн, претседателот се оградува: „Не знам ништо за тоа“
Претседателот на САД, Доналд Трамп, рече дека не знае ништо за најновите фотографии поврзани со Џефри Епштајн, одговарајќи на новинарско...
ЕУ ја потврди одлуката за замрзнување на руските средства на неопределено време
Денес, Европската унија ја потврди одлуката за замрзнување на средствата на руските централни банки лоцирани во Европа на неопределено време....
Ѓорѓиевски: Скопје конечно добива Луна Парк
Градоначалникот на Град Скопје, Орце Ѓорѓиевски, денес ја најави долгоочекуваната реализација на проектот за новиот Луна Парк, значајна инвестиција што...
Советниците на ВМРО-ДПМНЕ со иницијатива до советите за документ дека ќе нема мигрантски кампови
Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во...
Двајца млади скопјани најдени починати – едниот во напуштена куќа во Центар, другиот во дом на пријател во Кисела Вода
Двајца скопјани на возраст од 25 и 36 години биле пронајдени починати во текот на изминатото деноноќие. Според информациите од...
Мал авион се урна во Мавровското Езеро, едно лице повредено
Мал авион денес се урна во Мавровското Езеро. Во авионот имало две лица, од кои едното е повредено, потврдија од...
(Видео) „Наместо студен камен, никнуваат дрвја што ќе растат“ – засадени 63 јавори во спомен на починатите во „Пулс“
Во Кочани се засадени 63 јавори, по еден за секој млад живот згаснат во пожарот во дискотеката „Пулс“. „Овој чин...
84-годишник се обидел да убие жена во хотел во Куманово, поведена истрага
Основното јавно обвинителство Куманово донесе Наредба за спроведување истражна постапка против едно лице поради обид да изврши кривично дело –...
Над 40 автошколи под сомнение дека договарале цени за обука
Постојат индиции дека 40 авто – школи во земјава договарале цените за обука на возачи. Комисијата за заштита на конкуренцијата...
