Македонија
Заев на Економски форум во Делфи: Интеграцијата во ЕУ е основа за развој, сигурност и иднина на регионот

Претседателот на СДСМ Зоран Заев денеска преку видео-конференциска врска учествуваше на панел дискусија на престижниот Економски форум во Делфи, Грција на тема „Пристапување кон ЕУ – Кредибилитет, предвидливост и политичко водство“, заедно со еврокомесарот за проширување Оливер Вархеји, премиерот на Албанија Еди Рама, премиерката на Србија Ана Брнабиќ и претседателот на Србија Александар Вучиќ.
На дискусијата беше потенцирана важноста на кредибилен процес за пристапување кон ЕУ како мотивација за реформи и регионална соработка.
Заев ги повтори приоритетите на Северна Македонија да се заштити здравјето, да заживее економијата и да се зајакне демократијата. Овие приоритети најдобро ќе се остварат преку брзи избори кои ќе доведат до легитимни и стабилни институции и отворен простор за решавање на сите предизвици, рече Заев.
На дискусијата беше изразена согласноста дека интеграција во ЕУ на сите држави од Западен Балкан, како и интензивната регионална соработка поставуваат основа за развој, сигурност и иднината на регионот. Продлабочувањето на економската интеграција и соработка помеѓу државите од Западен Балкан преку сите постоечки иницијативи е приоритет на сите народи од нашиот регион. КОВИД-19 кризата покажа дека само заедно ЕУ и Западниот Балкан можат да ги решаваат заедничките проблеми и да обезбедат место за нас во европското семејство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).