Македонија
Заев на отворањето на првиот младински центар во Куманово: Со овие центри се обезбедува системска поддршка за младите

Премиерот Зоран Заев учествуваше на настан по повод отворањето на првиот младински центар во државата согласно Законот за младинско учество и младински политики во Општина Куманово.
Заев на свеченоста, на која учествуваа и директорот на Агенцијата за млади и спорт (АМС) Наумче Мојсоски, заменикот-директор на АМС Авни Рустеми, градоначалникот на Куманово, Максим Димитриевски, пратениците Мартин Костовски и Лидија Тасевска, претседателката на Советот на Општина Куманово, Атина Мургашанска, и претставници на младински организации и организации за млади, средношколци, студенти од општината, истакна дека со отворањето на овие центри пред сѐ се обезбедува соодветен и безбеден простор каде ќе се спроведува системска поддршка за интересот и личниот развој на младите луѓе.
„Ова ќе го постигнеме преку неформално образование, менторство, информирање, неформално искуствено учење кое се случува во слободно време низ учество во забавни и волонтерски активности, кои ќе им бидат достапни на сите млади од општината. Едновремено, овој проект претставува и широк инклузивен процес со кој сакаме да креираме простор за младите и нивниот глас кој ќе допре до институциите и ќе се преточи во конкретна мерка, активност и реформа која ќе ја унапреди положбата на младиот човек во Република Северна Македонија“, нагласи премиерот.
Заев потенцираше дека конечната цел со младинските центри е да се креира поволен амбиент за сите, во кој заедно, на иста маса, младите и институциите носат одлуки од корист на младиот човек.
„Општина Куманово е позната како симбол на шареноликоста и пријател на младите луѓе и отворањето на овој младински центар само го потврдува тоа. Со неговото отворање како и со формирањето на локалните младински совети, гарантираниот буџет за млади, не постои можност градоначалникот и локалната власт да ги слушнат младите а да не креираат политики и активности по нивна мерка“, потенцираше Заев.
Градоначалникот на Општина Куманово Максим Димитриевски во своето обраќање рече дека одлуката за првиот младински центар во државата, според Законот за младинско учество и младински политики, да се отвори во Општина Куманово е признание за сите остварувања што општината ги направиле за младите.
Директорот на АМС Наумче Мојсовски во своето обраќање нагласи дека верува дека овој младински центар ќе биде место каде ќе се родат големи идеи, каде креативноста ќе биде на највисоко ниво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.