Македонија
Заев на самитот за Западен Балкан во Трст

Премиерот Зоран Заев на 12 јули ќе учествува на самитот на ЕУ за Западен Балкан, што по Берлин, Виена и Париз ќе се одржи во Трст. Самитот е дел од т.н. Берлински процес, кој беше инициран за да се држи регионот блиску до ЕУ, откако претседателот на Европската комисија Жан Клод Јункер директно порача дека во мандатот на оваа Европска комисија проширување во регионот нема да има.
И за овој самит се најавува дека тема ќе бидат регионалната соработка и инфраструктурните проекти, а политички лајтмотив е обидот на германскиот шеф на дипломатијата Зигмар Габриел да внесе нова енергија во процесот, со обезбедување дополнителни сретства за развој на регионот, што го нарече „Берлин плус“.
На овие самити вообичаено присуствуваат и лидерите на земјите предводнички на процесот покрај високите преставници на ЕУ, т.е. лидерите на Германија, Франција, Италија и Австрија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од скопски Карпош и Ѓорче Петров

Регионалниот центар за управување со кризи на Град Скопје, по добиеното известување од ЕВН Македонија АД, соопшти дека дека поради технички зафати во електродистрибутивната мрежа денеска (петок ), без електрична енергија ќе останат:
· од 09:00 до 11:30 часот, корисниците од дел од улица Алжирска. (Општина Карпош)
· од 11:00 до 14:00 часот, дел корисниците од Новоселски Пат во околината на ОУ Тихомир Милошевски. (Општина Ѓорче Петров).
Македонија
Прекинато водоснабдување во дел од Гази Баба

Од ЈП Водовод и Канализација известуваат дека денеска ( петок ) поради водоводен приклучок од Ф -80мм на ул.30 Трубарево, прекинато водоснабдување ќе има за корисниците од нас.Трубарево од 09:00 часот до завршување на приклучокот (општина Гази Баба)
Македонија
Сончево и многу топло со температура до 40 степени, попладне краткотрајно невреме

Времето денеска, сончево и многу топло со мала до умерена локална облачност. Попладне и во вечерните часови наместа ќе има појава на нестабилност со пороен дожд и грмежи, локално во форма на невреме со интензивен пороен дожд, силен ветер, грмежи и појава на град.
Минималната температура ќе биде во интервал од 12 до 22, а максималната ќе достигне од 32 до 40 степени.
Во Скопје, сончево и многу топло со слаб ветер од северен правец. Попладне и во вечерните часови во делови од котлината ќе биде нестабилно со пороен дожд, грмежи и засилен ветер, краткотрајно во форма на невреме. Минималната температура ќе се спушти до 22, а максималната ќе достигне до 39 степени.
Во деновите од викендот ќе дува умерен до засилен северен ветер кој ќе предизвика опаѓање на дневните температури за 5-7 степени во споредба со денешните. Од понеделник дневните температури повторно ќе бидат во постепен пораст.