Контакт

Македонија

(Видео) Заев на свечена академија по повод 12 години Универзитет „Гоце Делчев“ во Штип

Објавено пред

Премиерот Зоран Заев присуствуваше и се обрати на свечената академија по повод 12 години од основањето на Универзитетот „Гоце Делчев“, што се одржа во Центарот за култура „Ацо Шопов“ во Штип.

dobivaj vesti na viber

Пред своето обраќање кон присутните студенти, академици, ректори, проректори, декани, професори од другите приватни и државни универзитети, претставници на државни институции и граѓанскиот сектор, премиерот Заев ги разгледа штандовите на факултетите на УГД Штип, поставени пред Центарот за култура, заедно со ректорот Блажо Боев и градоначалникот на Општина Штип, Благој Бочварски. Во своето обраќање, премиерот Заев ги истакна определбата и заложбите на Владата за јакнење на квалитетот и подобрување на материјалната поддршка на високото образование и науката.

Во продолжение, ви го пренесуваме во целост обраќањето на премиерот Заев:
„Посебно е чувството да се биде на ова место и да се прослави денот 27 март, кога во 2007 година е донесена одлуката за основање на државниот Универзитет ’Гоце Делчев’.
Од повеќе причини, од кои најважната е дека со оваа свечена академија му оддаваме почит на знаењето што е собрано на овој универзитет и кое секоја година се пренесува на нова генерација запишани студенти. Другата, емотивната причина што сакам тука да ја нагласам е што универзитетот во Штип не само што го носи името на Гоце Делчев, туку и што ректоратот на оваа високообразовна институција е во зградата каде што своевремено учителствуваше токму Гоце Делчев, апостолот на нашето национално движење.

Тоа е посебна чест и инспирација за академската заедница и студентите на универзитетот, како и за граѓаните на Штип и целиот овој источен наш регион. Она што е интересно е што и тогаш, како и денес зборуваме за време на динамични промени. Токму тие, брзи – а понекогаш и изненадувачки промени што се случуваат во светот, ја нагласуваат важноста на висококвалитетното високо образование во нашата земја. Tоа по ништо не се разликува и од улогата на универзитетите во целиот свет.

Во услови на постојани и динамични промени, од универзитетите се очекува да бидат активни, креативни, отворени, непристрасни и да ја преземаат улогата на вистински пионери за разбирање и создавање  знаење и вештини за генерациите што доаѓаат и што треба да го заземат своето место во светот на интензивни промени и во општества засновани на знаење.
На тој начин, автентичните универзитети го остваруваат нивниот придонес во она што значи јавен интерес, а продукцијата на знаење и вештини што студентите и општеството го добиваат од овие врутоци на знаење е – јавното добро.Во современа смисла на концептот за универзитетите во општества засновани на знаење, знаењето, се разбира, е многу повеќе од акумулација на факти. Во таа насока знаењето е секогаш рака под рака со способноста да се промислува и анализира, да се собираат нови информации соодветни на конкретни прашања, да се утврди колку се сигурни изворите на знаењето и потоа тоа знаење да се комуницира ефикасно со оние кои од него ќе ги добијат неопходните придобивки.

Оттаму произлегува и важноста да се покаже соодветен одговор и на барањата на бизнис-заедницата кога се нагласува важноста на образовните стратегии да ги препознаат потребите од различни перспективи. Затоа денес знаењето е отворено и затоа дипломираните студенти учат и во текот дури и на нивните работни кариери. Успехот во кариерата зависи од креативната адаптација на променливите услови и од стекнатите знаења. Ова упатува на тоа дека студентите за време на универзитетското образование се стекнале со вештина да размислуваат критички и ефективно и да ги изразат своите мисли, соодветно на духот на времето во коешто живееме и опстојуваме. Во таа насока, почетокот на универзитетските студии, во извесна смисла, за сите нови студенти е патување низ светот на знаењата. Почнуваат да учат нови работи, да ги отвораат умовите за нови идеи, да стануваат независни и да се развиваат како личности.

Се отвораат нови хоризонти, студентите откриваат нови области и информации, а образованието достигнува нови длабочини.Не е занемарлив ниту фактот дека тоа патување може и треба да биде и забавно. И тоа е дел од животот на универзитетот. На универзитетските кампуси се создаваат нови пријателства. Некои од нив остануваат трајни. Се нудат можности за вклучување во различни активности. Само на Универзитетот „Гоце Делчев“ во изминатите 12 години студирале нешто повеќе од 30 илјади студенти.

Студентските години може да бидат најдобрите времиња од животот кога стекнатото знаење и вештини се поврзани со нови пријателства и со спомени на кои со задоволство се навраќаме низ целиот наш живот.Кога нашите студенти дипломираат, освен со лични придобивки, тие стануваат и архитекти на иднината, претходници на промените за добро на заедницата.
На Универзитетот „Гоце Делчев“ во Штип се едуцираат студенти за да учествуваат во промените на нашата земја и светот во општо. За промени на подобро, за промени подобри за сите нас.

Иако зборуваме за сообразување на универзитетите со динамичните општествени промени во земјата и во светот, она што е константа е Автономниот статус на универзитетите и слободата на истражување како клучни принципи кои мора да се поддржуваат. Високата доверба во подготвеноста и способноста на универзитетите да постигнат најдобри можни истражувања и образовни програми соодветни на времето, е очекувано и многу важно.

Во таа насока, Владата останува на определбите за јакнење на квалитетот на високото образование преку дополнително подобрување на акредитацијата и евалуацијата на високото образование, како и со заложбите за подобрување на материјалната поддршка на високото образование и науката.Како една од клучните насоки за сообразеност на универзитетското образование е внимателното слушање на пулсот на промените за развивање на соработката помеѓу институциите за високо образование, приватниот сектор и релевантните јавни институции.Посебно место има охрабрувањето на вмрежувањето со странските универзитети за трансфер на знаења, особено во делот на европскиот образовен и научен простор.

Живееме во време кога знаењата се исклучително важни за нашите општества и економии, во свет на брзорастечки капитал и во ера на револуционерни комуникациски технологии, сериозен технолошки развој, но и време на четвртата индустриска револуција.Знаењето сè почесто ги заменува другите ресурси како главен двигател на економскиот раст, а образованието станува основа за индивидуален просперитет и социјална мобилност. Оттаму, со овие констатации за универзитетот како средишен центар на знаењето и на вештините за управување со знаењето, ви ја честитам годишнината и ви посакувам на сите, на професорите и на студентите, и на сите вработени во Универзитетот ’Гоце Делчев’ успешни идни години како академска средина која секогаш ќе се стреми да ги проширува академските хоризонти”, рече Заев.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Тошковски – Брунер: Европската интеграција, борбата против организираниот криминал и зајакнатото гранично управување во фокусот на средбата

Објавено пред

Министерот за внатрешни работи Панче Тошковски оствари работна средба со комесарот за внатрешни работи и миграција на Европската унија, Магнус Брунер, на која беше потврдена силната посветеност на Република Северна Македонија кон евроинтегративниот процес и понатамошното усогласување со европските стандарди во областите правда, слобода и безбедност.

dobivaj vesti na viber

На средбата министерот Тошковски изрази благодарност за континуираната експертска и финансиска поддршка од Европската унија, нагласувајќи дека Министерството за внатрешни работи останува кредибилен партнер кој активно придонесува за безбедноста на Унијата преку спроведување на проектите, реформите, усогласување на националното законодавство со правото на ЕУ и имплементација на мерките од Реформската агенда.

На средбата беше констатирано дека партнерството со институциите на Европската унија има клучна улога во унапредувањето на националната и европската безбедност, при што беше изразена заедничка подготвеност за продлабочување на соработката во наредниот период.

Прикажи повеќе...

Македонија

Општина Илинден: Засилени активности за чистење и редовно одржување на каналската мрежа и речните корита

Објавено пред

Општина Илинден продолжува со засилени активности за чистење и редовно одржување на каналската мрежа и речните корита на својата територија, со цел зголемување на проточноста и намалување на ризикот од поплави, информираат од општината.

dobivaj vesti na viber

Во изминатиот период беше реализирано чистење на коритото на Сува Река, на потегот од вливот на „Бучинско езеро“ до излезот од населеното место Бучинци, во должина од 850 метри. Дополнително, извршено е чистење на сисавецот на главниот канал „Млака“, на потегот од пречистителната станица во населеното место Илинден до вливот во главниот канал, во должина од 800 метри.

Градоначалникот на Општина Илинден, Александар Георгиевски изврши увид на каналот „Шамак“, во н.м Кадино каде во моментов се спроведува чистење во вкупна должина од 1.200 метри. Како што истакна градоначалникот Георгиевски, по обилните врнежи овој канал беше утврден како критична точка, а неговото расчистување е од особено значење за безбедноста на жителите од овој дел на општината.

Имајќи предвид дека каналската мрежа на Општина Илинден е под нивото на реката Вардар, одводнувањето се реализира со пумпни уреди преку кои се испумпуваат до 2.800 литри вода во секунда, што дополнително ја потенцира потребата од редовно и навремено одржување на системот. Благодарение на континуираното чистење и одржување на каналите и речните корита, изминатиот период со обилни врнежи беше надминат без потешкотии и несакани последици.

Согласно Годишната програма на Општината, Годишната програма на Водостопанство и Акциониот план за чистење на каналската мрежа, во текот на 2026 година предвидено е чистење на вкупно 24.250 метри канали и речни корита на територијата на сите населени места во Општина Илинден.

„Општина Илинден и годинава ја презема обврската за покривање на водниот надомест за редовно одржување, чистење и нивелирање на отворените канали, со што јасно ја демонстрира својата континуирана заложба за подобрување на инфраструктурата и обезбедување побезбедна, почиста и поквалитетна животна средина за сите граѓан“, се истакнува во соопштението.

Прикажи повеќе...

Македонија

МЗШВ: Засилени контроли на АХВ во Липково, поради појава на сипаници кај овците и козите

Објавено пред

Денеска, во просториите на Министерството за земјоделство, шумарство и водостопанство, министерот Цветан Трипуновски, заедно со директорот на Агенцијата за храна и ветеринарство, Оливер Миланов остварија средба со одгледувачите на овци.

dobivaj vesti na viber

На средбата се разговараше за актуелната епидемиолошка состојба со болеста сипаници кај овците и козите во о. Липково, Кумановско.

Со цел да се спречат нови жаришта на територијата на државата, неопходно е одгледувачите на овци да се придржуваат кон пропишаните контролни и заштитни мерки за спречување на ширењето на болеста, донесено од страна на Агенцијата и движењето на животните да биде со издаден ветеринарно – здравствен сертификат од надлежното ветеринарно друштво. Доколку сточарите забележат некои симптоми или нагли промени кај животните, вклучително и зголемена смртност, да ги известат ветеринарните друштва и Агенцијата за храна и ветеринарство.

Надлежните институции спроведуваат контролни и заштитни мерки во заштитната зона во радиус од 3 километри и во зоната под надзор во радиус од 10 километри околу одгледувалиштата каде што е потврдена болеста, со цел навремено информирање на сточарите за појавата и ширењето на болеста.

Дополнително, на средбата беше истакнато дека извозот на јагнешко месо, производи од јагнешко месо и производи од млеко добиено од овчо млеко кои биле подложни на пастеризација не е доведен во прашање, движењето на животните од одгледувалиштата кон кланичните капацитети не е забрането, додека во сила остануваат рестрикциите за движење на живи животни и за работа на добиточните пазари. Во зависност од развојот на епидемиолошката состојба на терен се очекува кон средината на идниот месец да бидат донесени нови заштитни и контролни мерки за справување со болеста.

Прикажи повеќе...

Најново

Македонија1 час

(Видео) 73,2% ученици пушачи не биле спречени да купат цигари поради возраста, ИЈЗ спроведе истражување на 7,8 и 9-одделенци  

Од 2002 година, откога се прават истражувања за пушење меѓу учениците, во 2024 година е забележан највисок процент на ученици...

Македонија2 часа

Откриен обид за криумчарење на 4.800 пакувања никотински ќесички вредни 1,2 милиони денари

Царинската управа откри и спречи обид за криумчарење на 4.800 пакувања со никотински ќесички со вредност од 1,2 милиони денари....

Топ3 часа

Уапсена лихварка од Струмица: дала 2.700 евра, а барала да се вратат 15 илјади евра, фатена кога ја примала каматата

Вчера во 12:00 часот во Струмица, полициски службеници од СВР Струмица ја лишија од слобода 53-годишната Ј.Т. од Струмица. Според...

Македонија3 часа

10.000 денари субвенција за млади возачи за првпат во Ѓорче Петров

Општина Ѓорче Петров воведува субвенција од 10.000 денари за дел од трошоците за полагање возачки испит – Б категорија, наменета...

Свет4 часа

(Фото) Епстин сакал да купи вила во земја без договор за екстрадиција со САД еден ден пред апсењето

Само еден ден пред апсењето во 2019 година, Џефри Епстин се обидел да купи вила вредна повеќе милиони долари во...

Економија5 часа

Од 1 март 2026 година – побезбедни онлајн плаќања, известува Народната банка

Народната банка ја информира јавноста дека од 1 март 2026 година стапува во сила законската обврска за банките за вршење...

Македонија5 часа

(Видео) Крмов: Премиере, ќе ја раскинете ли нелегалната концесија за Блатешница по 13 продолжени рокови

Пратеникот Борислав Крмов од Левица на седница на пратенички прашања ја повика Владата да ја раскине концесијата за изградба на...

Регион6 часа

Тешка пневмонија комплицирана од хроничните болести на Дачиќ: „Шеќерот му беше 20“

Српскиот вицепремиер и министер за внатрешни работи Ивица Дачиќ (60) е во тешка состојба на Клиниката за пулмологија при Клиничкиот...

Свет6 часа

Пакистанскиот премиер: Нема да има компромис во одбраната на нашата сакана татковина

Пакистанскиот премиер Шехбаз Шариф изјави дека вооружените сили на земјата „се целосно способни да ја скршат секоја агресивна намера“. „Нема...

Свет7 часа

(Видео) Експлозии во Кабул, Пакистан: Во отворена војна сме со Авганистан

Пакистан го бомбардираше авганистанскиот главен град Кабул и две други провинции преку ноќ, неколку часа откако Авганистанците го започнаа својот...

Свет7 часа

Гислен Максвел: Клинтон и Епстин се запознаа преку мене

Една фотографија го прикажува Бил Клинтон како плива ноќе со Гислен Максвел, британска личност од високото општество подоцна осудена за...

Европа7 часа

Зеленски: Не сум најдобриот татко поради војната, мојот избор е должност

Украинскиот претседател Володимир Зеленски проговори за личните предизвици со кои се соочува по годините војна, признавајќи дека неговите должности го...

Македонија18 часа

Сиљановска-Давкова: „Извозот на мозоци“ остава длабоки лузни, најдобрите си заминуваат поради недостиг на правдата при вработувањето и напредувањето

Претседателката на државата, Гордана Сиљановска -Давкова денеска присуствуваше на презентацијата на проектот „Партнерства за вештини за одржливи и праведни модели...

Македонија23 часа

Таравари поднесе тужба за клевета против Изет Меџити

Претседателот на поделената Алијанса за Албанците, Арбен Таравари, преку својот адвокат, Aбидин Абдули, вчера поднесе тужба за клевета во Основниот...

Македонија1 ден

Мицкоски: Јас бев најнапаѓан човек од Артан Груби, на Прочка се креваа дронови над куќата на мојата сестра

На денешната седница за пратенички прашања претседателот на Владата, Христијан Мицкоски беше прашан за актуелната тема во јавноста со апсењето...

Македонија1 ден

Цвеќе во помен на Борис Трајковски – 22 години од авионската несреќа

Делегација предводена од претседателката Гордана Сиљановска-Давкова, членови на политички партии, семејството денес оддадоа почит во помен на трагично загубените животи...

Македонија1 ден

Мицкоски до Филипче: Со тоа што ги напаѓате пензионерите, само потврдувате дека сте мекото ткиво на политичката сцена

Мене ми е жал што не ја научивте лекцијата, и удирате повторно по група на луѓе кои што за време...

Македонија1 ден

„Блокадафест“ пред влезот на Усје, целодневен протест со музичка програма

Утре со почеток од 15 до 23 часот ќе се одржи целодневен протест пред влезот на фабриката Усје. „Со нас...

Европа1 ден

Орбан му пиша на Зеленски: Четири години нè туркате во војната меѓу Украина и Русија

Унгарскиот премиер Виктор Орбан објави „отворено писмо“ до украинскиот претседател Володимир Зеленски на Икс, обвинувајќи го дека четири години се...

Македонија1 ден

ВЛЕН: Кој од ДУИ му се заканува на Артан Груби?

„Ништо повеќе не е исто како порано. Почнува внатрешната пресметка во Мала Речица. Од една страна се Али Ахмети со...