Македонија
Заев: Од НАТО ги прифаќаме најсовремените безбедносни системи, покажувајќи дека ќе бидеме достоинствена членка
Премиерот Зоран Заев се сретна со Антонио Мисироли, помошник-генерален секретар на НАТО за безбедносни предизвици.
Потоа, тие двајца имаа и обраќања на Конференцијата на НАТО во Скопје посветена на дигитализација на Системот за управување со кризи преку имплементацијата на NICS (Следна генерација на Систем за управување со инциденти) во државава.
Како што информираат од владината прес-служба, Мисироли, во обраќањето изразил поддршка за евро-атлантските интеграции на Република Северна Македонија и ги охрабрил властите да продолжат со реформите во областа на безбедноста и владеењето на правото.
За системот NICS нагласил дека има за цел побрза размена на информации меѓу институциите, а со тоа и резултати како во мирот и безбедноста, така и во спасувањето животи на граѓаните.
Премиерот изразил благодарност за целосната поддршка за дигитализација на системот за управување со кризи, којашто се реализира со финансиска поддршка преку Програмата на НАТО „Наука за мир и безбедност“.
„Тоа е посебно ветар во грбот за нас како држава, да одговориме со сериозност во динамиката на реализација на проектот. Сакам да нагласам на самиот почеток, дека како следна 30-та земја членка на алијансата, сме сериозни во намерите да бидеме достоинствена членка, со тоа што, со ваша помош и поддршка одговорно се поставуваме во чекор и со најновите и најсовремените безбедносни системи“, порачал Заев во обраќањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.