Македонија
Заев од Свети Николе: Од 1 јануари просечната плата ќе биде 500 евра, а минималната 300

Од 1 јануари 2022 година просечната плата ќе биде 500 евра, минималната 300, порача Заев вечерва од Свети Николе.
„Работиме оние што немаат работа – да најдат работа, работиме за да им овозможиме на младите да се вработат и да земаат убави плати, работиме за да овозможиме постојан раст на пензиите, кај кои од први јануари ќе има видливо покачување, големо“, порача Заев.
Тој додаде дека посветено се работи лицата со попреченост да имаат и услови за функционирање, да бидат вградени во општеството и да заработуваат сами, исто така и за семејствата во социјален ризик – да примаат социјална помош со која ќе може да функционираат до моментот кога ќе се извлечат од сиромаштијата.
„Работиме да се отворат нови бизниси, да ги поддржиме постојните да се развијат, работиме да донесеме нови инвестиции, да овозможиме постојните инвестиции да се развијат“, порача Заев додавајќи дека 605 компании, претежно на млади луѓе, се поддржани со ФИТР со 85 милиони евра за развој на сопствени бизниси.
Тој нагласи дека сето ова го овозможуваме како држава, но и на локално ниво, да се грижиме за сите, за најдоброто.
„Наша цел е ‘мојата општина’ да им помага на сите, градоначалникот на Свети Николе, Сашо Велковски, има идеја и има знаење како да го донесе најдоброто во Свети Николе, а тоа е Европа во вашите маала и затоа ве повикувам да му ја дадеме довербата на Сашо Велковски за нов градоначалнички мандат во општина Свети Николе“, повика претседателот на СДСМ, Зоран Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.
Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.