Македонија
Заев од Хераклеа: Денеска имаме татковина со сите аршини

На последниот ден од кампањата, претседателот на СДСМ и носител на кандидатска листа на пратеници во ИЕ4, Зоран Заев вечерва се обрати на граѓанска трибина и коалицијата „Можеме“ којашто се одржа на археолошкиот локалитет Хераклеа во Битола.
„Дојдов во Битола на 3 дена до изборите, да ви донесам една убава вест. За 3 дена победува број 3. Обединети во трите свети нешта, Вера, надеж за подобра иднина, љубов кон татковината, кон нашиот народ, кон младите. Ако ме прашате зошто ја одбравме Битола во последниот ден од кампањата, би рекол дека крајот го краси делото, затоа што Битола отсекогаш била и останала многу важна, инспиративна и голем предизвик за мене и мојата партија.
Пред граѓаните тој се осврна на постигнатите меѓународни успеси на државата овие три години.
„Денеска имаме целосно признаен македонски јазик од целиот свет, денеска имаме целосно признат македонски идентитет. Денеска имаме татковина со сите аршини. Веќе не броиме колку држави не имаат признаено. Не признаваат сите“, рече Заев.
Претседателот на СДСМ ги повика битолчани да излезат масовно во среда на 15 јули, на изборите кои ќе бидат целосно безбедни по здравјето, да ги почитуваат мерките на заштита и да изберат сигурност со заокружување на бројот 3 и глас за СДСМ и коалицијата „Можеме“.
„Гласањето на 15 јули ќе биде безбедно! Се носи голема одлука, одлучуваме дали ќе одиме напред или ќе се враќаме назад?“, истакна Заев пред битолчани.
„Да гласате Битола, Северна Македонија отвори прекрасен коридор пред себе, да не се враќаме назад кон мрачното минато, во изолацијата и безизлезноста“, повика Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Одрон на патниот правец Живалево – Туралево, сообраќајот се одвива по една коловозна лента

Од 05:00 часот на патниот правец село Живалево – село Туралево има одрон, сообраќајот се одвива наизменично по една коловозна лента.
Во 03:40 часот се укинува забраната за тешки товарни возила према превој Стража, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Променливо облачно и студено со повремени врнежи од дожд, на некои од повисоките места дожд и снег

Променливо облачно и студено со повремени врнежи од дожд, на некои од повисоките места од дожд и снег, а на планините повремен снег. Ќе дува умерен до засилен северен ветер. Минималната температура ќе се движи во интервал од 2 до 7 степени, а максималната ќе биде во интервал од 4 до 11 степен.
Во Скопје, облачно и студено со врнежи од дожд, а на повисоките места од котлината со повремени врнежи од дожд и снег. Ќе дува засилен ветер од северен правец. Минималната температура ќе се спушти со 3, а максималната ќе достигне 7 степени.
Времето во наредните денови
Под влијание на циклонска активност нашата држава е зафатена од студен бран кој доаѓа од северните делови на континентот. Вкупно од овој бран се очекува на повеќе места да наврнат над 50 l/m² дожд. Денес на планините врнежите ќе преминуваат во снег, при што ќе се формира значителна снежна покривка. Поради натамошно спуштање на студен воздух, ќе има услови врнежите од дожд да преминуваат во снег и на некои од повисоките населени места. За време на викендот времето ќе биде стабилно со ниска утринска температура, а дневната ќе биде во благ пораст.
Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.