Македонија
(Видео) Заев: При коалирањето ќе се држиме до принципите на одговорно работење, не може да прави кој што сака

Лидерот на СДСМ, Зоран Заев, на денешната прес-конференција рече дека очекува чист мандат од 61 пратеник, при што не одговори конкретно дали доколу ДУИ го освои мнозинството пратеници од албанскиот блок, ќе биде партнер во идната влада. Тој порача дека без оглед на тоа кои партии ќе бидат дел од коалцијата, идната влада и идниот парламент мора да бидат стабилни бидејќи во периодот што следува ќе мора одговорно и посветено да се работи на патот кон евроинтеграциите и подобрување на економскиот развој.
„Мора да се запазат принципите на одговорно работење и при коалирањето ќе се држиме до тоа. Не може да дозволиме дивоградби среде Охрид или среде Матка, не може тоа да помине тукутака. Народот знае и гледа сè, мора да има одговорност за сите, не може да прави кој што сака. Затоа што во еден дел граѓаните ни кажаа ‘ок’ за ЕУ, НАТО, преспанскиот договор, договорот со Бугарија, се решаваат битни работи, сега нема да ни прогледаат низ прсти во периодот што ни претстои. Затоа, партиите мора да работат на своите грешки да се менуваат кон подобро. Ние како партија сакаме да се подобриме, знаеме дека имавме пропусти и тоа мора да го надминеме. Ако ги менуваме партиите, ќе ја подобриме и државата на подобро. Ќе споменам уште еднаш, затоа ние формиравме комисија која ќе ги избере и понуди најдобрите кадровски решенија за претстојните избори“, рече Заев одговарајќи на новинарско прашање дали СДСМ ќе коалира со ДУИ доколку оваа партија пак го освои мнзинството кај албанските гласачи.
Заев рече дека очекува победа со 61 пратеник, при што рече дека новата влада ќе биде разнолика и во неа ќе има застапеност на сите етнички заедници, не само на албанската.
„Ние сме сигурни дека ќе имаме чист мандат и со повеќе од 61 пратеник. Но, ние не бараме толкав број на пратеници да владеме апсолутно и сами да носиме одлуки и опозцијата треба да е дел од тие одлуки. Мора да се запази мултиетничкиот состав на владата затоа што живееме во такво општество. Во идниот состав на владата треба да има еднаков простор и за партиите од етничките заедници не само за партиите од албанскиот блок. Но, без оглед кој ќе го освои мнозинството пратеници од албанскиот блок, ќе мора сериозно и посветено да се постави за да формираме стабилна влада“, рече лидерот на СДСМ.
Што се однесува до кампањата, Заев рече дека СДСМ ќе се фокусира на позитивно водење на кампањата, при што ќе изнесе контра аргументи на, како што рече, лажните вести што ги пласира опозициската ВМРО-ДПМНЕ.
„Не сакаме да имаме негативна кампања. Свесни сме на лажните вести што ги шири опозицикста ВМРО-ДПМНЕ. Но, еве камапњата почнува набргу и ние имаме аргументи со кои ќе ги разобличиме овие лажни вести што се шират. Слушнав дека ние сме ја испразниле хидроцентралата ‘Калиманци’. Не знам како може да се пуштаат вакви информации кога тоа не е наша одговорност, за тоа си постои ЕВН. И не ми е јасно како нивниот лидер Мицкоски, кој е експерт од оваа област, да премиене преку ова. Но, ќе повторам, ние ќе се бориме против сето ова затоа што на лагата ѝ се кратки нозете и вистината секогаш излегува на виделина“, додаде Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица се чека еден час за влез во државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
ВМРО-ДПМНЕ реагира: СДС е последната партија што може да зборува за правда и култура

„Кога СДС зборува за правда, тоа звучи исто како крадец да држи предавање за чесност. Кога СДС зборува за култура, тоа звучи како пироман да се фали дека го изгаснал пожарот. СДС, како и секогаш, кога институциите конечно почнуваат да работат професионално, после хаосот што го оставија зад себе, се обидува да шири лажни вести, страв и дезинформации. Тоа не е ништо ново, тоа е нивна стара стратегија – кога немаат аргументи, измислуваат афери“, реагира ВМРО-ДПМНЕ на соопштението на СДСМ.
„Меѓутоа, јавноста добро памети.
Во време на СДС:
– се гасеа истраги и се уценуваа обвинители;
– криминалци од врвот на власта беа заштитени како свети крави;
– граѓаните беа сведоци на политички прогон на неистомисленици;
– Врховниот суд беше партиски штаб, а Советот на јавни обвинители нем набљудувач на криминалот.
Министерството за култура, во нивно време, беше претворено во каса за партиски трансакции и награди за блиски личности. Грантови се делеа без критериуми, по телефон, по пријателски врски и по заслуги кон партијата. Уметниците кои не беа лојални, беа игнорирани или санкционирани. Установите беа блокирани, а културата сведена на приватен бизнис за избрани поединци.
Културните работници, вистинските уметници и институциите денес конечно здивнаа. Заврши времето кога маички XXL и авионски карти за егзотични дестинации се купуваа од државни пари, додека проекти од национална важност беа одбивани.
ВМРО-ДПМНЕ нема да дозволи притисоци врз обвинителството, но ниту ќе дозволи заштита за било којшто се огрешил пред законот – без разлика на партиска, етничка или друга припадност.
Тоа е разликата меѓу нас и нив!
Ние се бориме за држава на еднакви, не на привилегирани!
Тие се борат да се вратат на власт за повторно да ја контролираат правдата и да продолжат со грабежот.
Но времето на криминалците заврши.
Македонија е во рацете на чесните граѓани“, се наведува во соопштението на ВМРО-ДПМНЕ.
Македонија
Струмичко-скопскиот епарх монсињор д-р Киро Стојанов упати писмо по повод упокојувањето на папата

Скопскиот бискуп и Струмичко-скопски епарх монсињор д-р Киро Стојанов, на Светол Понеделник, 21 април 2025 година упати писмо до сите парохии и монашки заедници во Македонија по повод упокојувањето на папата Фрањо.
„Драги браќа свештеници, чесни сестри и верници,
Со голема тага, но и со вера во воскресението и животот вечен, денес во утринските часови на Светол Понеделник, 21 април 2025 година, Господ го повика кај Себе Својот слуга, и наш возљубен пастир, Петровиот наследник, папата Фрањо.
Благодарни сме на Бога за неговиот понтификат, кој на негов својствен начин го покажуваше постојано милосрдното лице на Отецот, а посебно беше глас на сиромашните и маргинализираните. Благодарни сме на неговата Апостолска посета на Македонија во мај 2019 година, која ќе остане во нашите сеќавања и запишана во историјата на Република Македонија. Неговото заземање за мир во светот, за дијалог и братство меѓу народите ќе останат негов завет за идните генерации.
Во овие денови на жалост, како Црква сме повикани на единство и благодарност за дарот што Господ ни го даде преку папата Фрањо. Со вера и надеж да молиме од Воскреснатиот Христос, да ги слушне евангелските зборови: Добар и верен слуго, влези во радоста на својот господар! (сп. Матеј 25,21) и да го прими во Неговото царство.
Ги повикувам сите свештеници и монашки заедници, како и сите верници да се обединат во лична молитва за покојниот папа Фрањо и одредувам денес од сите цркви во 15.00 часот да се огласат камбаните, пропратени со молитви на верниците. Одредувам ден пред неговиот погреб во сите цркви да се служи света Литургија задушница за папата Фрањо“, се наведува во писмото.