Претседателот на СДСМ, Зоран Заев, учествуваше на средба со Здружението на пензионерите од Тетово, на која на отворена дебата се дискутира за спроведените мерки, кои се значајни за пензионерите.

„Со чесни политики покажавме дека пензиите може значително да растат, а истовремено ја намалуваме и дупката во пензискиот фонд, денес пензионерите имаат помирен живот и повисоки пензии“, рече претседателот Заев.

Најави дека веќе од понеделник, со исплатата на јануарската пензија над 320.000 пензионери, ќе земаат дополнително 700 денари на пензијата.

„За три години, просечната пензија ја зголемивме над 1.700 денари, со последното покачување просечната пензија изнесува 15.500 денари, тоа е вистинска грижа, тоа е доказ дека сме чесни и одговорни“, истакна Заев.

Претседателот Заев потенцира и низа други мерки од кои пензионерите имаат најголеми придобивки, меѓу кои една од најважните е укинувањето на квотите за лекови, со што сега пензионерите може секој ден, во која било аптека, да дојдат до соодветниот лек.

„Ние како млади политичири сме тука да учиме од вас поискусните“, рече Заев.
Ги исполнивме најважните стратешки цели, де факто сме 30-та членка на НАТО и сме пред почеток на почнување на преговорите со ЕУ. Имаме безбедна земја во која војни, тензии и уцени се мислени именки. Имаме економски стабилна земја, земја во која младите вреди да останат“, заклучи Заев додавајќи дека за сите пензионери нивните деца и внуци се најголемо богатство.