Македонија
Заев: Ја добивме првата блокада од Бугарија

Ја имаме првата блокада од Бугарија. Денеска е испратена не толку пријателска порака од соседна Бугарија, првиот чекор е блокиран, изјави премиерот Зоран Заев одговарајќи на новинарско прашање за време на увидот на магистралниот гасовод Скопје – Тетово – Гостивар.
Заев рече дека Бугарија го прекршила членот 2 од договорот за добрососедство, кој вели дека Бугарија треба да нè поддржува кон патот за интеграцијата, дека бугарската страна ќе го сподели своето искуство за да ѝ помогне на Република Северна Македонија да ги исполни неопходните критериуми за членство во Европската Унија (ЕУ) и ќе ја поддржи Република Северна Македонија за добивање покана за членство во НАТО во согласност со соодветните одлуки од средбите на врвот на НАТО.
Заев, сепак, истакна дека е среќен што Северна Македонија во овој случај има поддршка од Германија. Премиерот е оптимист дека на следните два состанока на работните групи може да се приближат ставовите. Тој се надева и на позитивен исход од средбата со Борисов в понеделник.
Во Брисел денеска се одржува дискусија на амбасадорско ниво за преговарачката рамка за Северна Македонија, како и за Албанија, а министерскиот совет, на кој треба да се носи одлуката, е одложен за една недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Одрон на патниот правец Живалево – Туралево, сообраќајот се одвива по една коловозна лента

Од 05:00 часот на патниот правец село Живалево – село Туралево има одрон, сообраќајот се одвива наизменично по една коловозна лента.
Во 03:40 часот се укинува забраната за тешки товарни возила према превој Стража, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Променливо облачно и студено со повремени врнежи од дожд, на некои од повисоките места дожд и снег

Променливо облачно и студено со повремени врнежи од дожд, на некои од повисоките места од дожд и снег, а на планините повремен снег. Ќе дува умерен до засилен северен ветер. Минималната температура ќе се движи во интервал од 2 до 7 степени, а максималната ќе биде во интервал од 4 до 11 степен.
Во Скопје, облачно и студено со врнежи од дожд, а на повисоките места од котлината со повремени врнежи од дожд и снег. Ќе дува засилен ветер од северен правец. Минималната температура ќе се спушти со 3, а максималната ќе достигне 7 степени.
Времето во наредните денови
Под влијание на циклонска активност нашата држава е зафатена од студен бран кој доаѓа од северните делови на континентот. Вкупно од овој бран се очекува на повеќе места да наврнат над 50 l/m² дожд. Денес на планините врнежите ќе преминуваат во снег, при што ќе се формира значителна снежна покривка. Поради натамошно спуштање на студен воздух, ќе има услови врнежите од дожд да преминуваат во снег и на некои од повисоките населени места. За време на викендот времето ќе биде стабилно со ниска утринска температура, а дневната ќе биде во благ пораст.
Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.