„Со еден збор наследивме катастрофа, ова не е моја лична констатација, туку ова е констатација низ бројките кои што ги наследивме според сите статистики кои што говорат за вашето владеење“, истакна министерот за земјоделство, шумарство и водостопанство, Цветан Трипуновски при одговарање на пратеничкото прашање на Љупчо Николовски.

„Да потсетам наследивме Програма за субвенционирање и директни плаќања каде што огромен број на средства реално не беа исплатени кон земјоделците. Наследивме претпријатија кои што не можеа плата да поделат. Вработените во тие претпријатија немаа ниту здравствено и пензиско осигурување. Да потсетам дека во АД Водостопанство вработените немаа земено 4 месеци плата. Системите за наводнување ги наследивме во една таква катастрофална состојба што не можеме во наредните три години да ги вратиме во нормала“, појасни министерот.

Трипуновски посочи дека вработените во ЈП Национални шуми немаа плата земено додека Љупчо Николовски шеташе по светот.

„Во делот на субвенционирањето и моделот на субвенционирање велите дека сте направиле реформа, сте направиле авансна исплата. Почитуван пратеник, само во Македонија формулацијата авансна се однесува на тековната исплата, тешка манипулација“, истакна министерот Трипуновски потсетувајќи го пратеникот Николовски.

„Кажете ми еден сегмент, една земјоделска култура која што во вашето време бележи раст, каде што има добра цена, каде што има загарантиран откуп, каде што има задоволни земјоделци“, го запраша Николовски.

Трипуновски додаде дека Николовски водеше само успешна политика во трошење на државни пари на шетање.

„Изминативе 11 месеци по основ на заостанати субвенции, по основ на исплатени дополнителни интервентни мерки и тековни плаќања на субвенции исплативме преку 8 милијарди денари кон земјоделците“, нагласи тој.

Коалицијата „Влен“ ја претстави пратеничката група, која брои девет пратеници, по оставката на пратеникот Салим Сулејмани, кој викендов се повлече од пратеничката функција.

Координаторот на групата Беким Коќу најави дека во следните денови ќе им се приклучи и десетти член, а се надеваат дека можеби во наредниот период ќе стигнат и до четиринаесет.

Со тоа, во моментот, пратеници од пратеничката група на „Влен“ се Африм Гаши, кој е и претседател на Собранието, Беким Ќоку, координатор на групата, Аднан Азизи, Мерита Колчи-Коџаџику, Имерлије Салиу-Фетаи, Саранда Имери-Стафаи, Беким Сали, Калтрина Беќири и Фериде Хаџиу.

„Го информиравме претседателот на Собранието за членовите на оваа група и побаравме ова реконфигурирање на пратеничката група да се одрази во соодветните работни тела на Собранието. Очекуваме оваа обврска да се исполни во наредните денови“, изјави Коќу.

Тој им се обрати на гласачите, кои ги поддржаа на парламентарните избори, порачувајќи им дека остануваат лојални, доследни и непоколебливи кон програмските определби и изборните ветувања.

Еднонеделната прошетка во Дубаи на Филипче заедно со неговиот ментор Заев, вчера заврши. Филипче се врати од песочните плажи во Дубаи на коишто уживаше со Заев и тераше бизниси и се јави на прес-конференција, но не одговори на прашањата кои му ги поставивме. Денес повторно го прашуваме Филипче. Каде беше тој изминатава недела? Од каде му е златната виза за Дубаи? Дали има бизнис со Заев во Дубаи? Дали има нострифицирана диплома или можеби над 500 илјади долари“, праша Валентин Манасиевски, член на ЦК на ВМРО-ДПМНЕ.

„Во однос на модуларната болница, дали Филипче е задоволен од пресудата? Како ги коментира смешните пресуди од 1,5 година на екс директорите? Дали судиите кои ја донесоа пресудата, станале судии со негов амин? Дали Филипче е изземен од случајот? Дали Филипче е заштитен? Дали тоа што Филипче беше министер го штити и ги пушти низ вода двајцата екс директори? Дали Филипче имал влијаено на пресудата“.

Филипче, додава тој, е обичен лажго и манипулатор.

„Него не го интересираат граѓаните, туку бизнисот и профитите. Филипче молчи и се крие кога ќе биде повикан во јавност.

Филипче доста е молк. Време е за одговори“, истакнува Манасиевски.