Македонија
Заканите за бомби во средните училишта во Скопје се дел од хибридна војна, оценува Ковачевски
![](https://makfax.com.mk/wp-content/uploads/2022/04/Kovacevski_vlada.jpg)
Заканите за бомби во средните училишта во Скопје се дел од хибридна војна која има цел да внесе вознемиреност во државата, рече утрово премиерот Димитар Ковачевски.
Тој објасни дека целиот регион е под хибридни напади.
„Ако порано на цела територија на Европа се воделе војни со оружје, сега имаме на дел од територијата на Европа каде што се води војна со оружје, со нападот на Русија врз Украина, меѓутоа во другите делови се води таканаречена хибридна војна каде што преку најразлични методи се прави вознемиреност во државата. Ова што се случува е исто така дел од таа стратегија за хибридни напади. Вие мора да бидете свесни дека Министерството за внатрешни работи при такви дојави мора да интервенира, бидејќи се работи за училишта и не случајно тие таргетираат училишта бидејќи најосетливи се луѓето кога се работи за училишта, бидејќи нашите деца учат во тие училишта и моите деца и вашите деца и на сите други. Министерството нормално дека интервенира. Секторот за економски криминал нормално дека согласно своите надлежности ги испитува сите можни податоци за да се дознае од каде доаѓаат тие лажни дојави коишто беа до денес. Јас се надевам дека тие што го прават тоа ќе сфатат дека Европа треба да живее во мир, а не во страв и неизвесност“, рече Ковачевски.
Дојави за бомби, трета недела по ред, добиваат скопските средни училишта. Утрово четири средни училишта беа евакуирани откако на електронските адреси добиле закани за подметнати бомби.
За хакерските напади на неколку институции изминатиов период Ковачевски вели дека исто така биле дел од таа хибридна војна, а за справувањето со последиците објасни дека нашите тимови работеле заедно со најразвиените тимови во делот за справување со хакерски напади од НАТО-партнерите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Тошковски: Нова полициска станица во oпштина Бутел, подобри услови за полициските службеници за поквалитетни услуги за граѓаните
![](https://makfax.com.mk/wp-content/uploads/2024/07/1.jpg)
Министерот за внатрешни работи Панче Тошковски оствари работна средба со градоначалникот на oпштина Бутел Дарко Костовски.
„Како што ветивме пред граѓаните уште во техничкиот мандат, еден од приоритетите во делот на изградба на нови објекти е полициската станица во oпштина Бутел, објект кој е во најлоша состојба. Oд тие причини веднаш се почнува со средување на проектна документација и пренамена на средства со цел што поскоро да започне изградбата на станицата. Вработените во МВР заслужуваат да работат во нормални услови, што ќе придонесе за зголемување на квалитетот на услугите кои ги даваат кон граѓаните и ултимативно, зголемување на безбедноста на граѓаните, што е наш приоритет“, потенцираше министерот Тошковски на средбата.
На средбата без разгледани и повеќе други аспекти на можна соработка на министерството за внатрешни работи со локалната самоуправа.
Македонија
Приватните специјализанти да добијат решение, а да работат онаму кадешто има дефицит на кадар, предлага Таравари
![](https://makfax.com.mk/wp-content/uploads/2022/12/taravari-1.jpg)
Министерот за здравство, Арбен Таравари вели дека сме единствената држава во светот сме каде што има приватни специјализанти. Најави дека ќе се сретне со нив за да се обидат да изнајдат вин-вин реение.
„На приватните специјализанти да им дадеме решение за работа, а тие да работат некаде каде што има дефицит на кадар, тие места да бидат пополнети. Сепак ќе треба да се договориме“, рече Таравари.
Истовремено, како што додаде, ќе треба и со деканот од медицинскиот факултет да се изнајде стратегија со која одредени специјализации ќе бидат во мирување, а другите ќе бидат фаворизирани.
„Ќе размислиме и начин за мотивација на помладите доктори да одат анестезиологија, радиологија, педијатрија и други специјализации“, рече Таравари.
Во предизборитето, приватните специјализанти во повеќе наврати протестираа незадоволни од својот нерешен статус. Бараа покачување на платите од 26.000 на 44.000 денари и здравствено и пензиско осигурување.
Македонија
Летен времен режим на сообраќај на државните патишта во Македонија
![](https://makfax.com.mk/wp-content/uploads/2023/07/DSC_4886-1.jpg)
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури, извести АМСМ.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.