Македонија
Замрзнување на цените на училишните продукти за одреден временски период, одлучи Владата

На 17-та седница на Владата, на предлог на министерот за економија и труд, Бесар Дурмиши, денеска беше усвоена одлуката која се однесува на замрзнување
на цените на училишните продукти во период од 03.09.2024 до 20.10.2024 година.
Највисоката трговска маржа (добивка) за стоки за сите трговски друштва и трговци поединци кои учествуваат во трговскиот синџир во трговијата на големо е
определена на вкупен износ до 5%, додека во трговијата на мало е определена на вкупен износ до 10%.
„Со оваа мерка ќе се намалат и цените на училишните средства, со што ќе се намалат и трошоците за живот на граѓаните. Оваа одлука е донесена со цел да се даде поддршка на граѓаните. Министерството за економија и труд секогаш ќе биде покрај граѓаните за да се грижи за нив во тешките моменти.
Ова е мал, но многу важен чекор за граѓаните. Посветени сме да го дадеме најдоброто за нашите граѓани и за нашата земја. Тоа се постигнува со конкретна
работа и делувања“, велат од Владата.
Целосната листа: Ранци и ташни; Тетратки, блокови, нотеси, колажи; Средства за пишување (моливи и пенкала); Дрвени боици; Пластелин, теста за моделирање, подлоги; Фломастери и маркери; Мрсни боици; Темперни, акрилни, водени бои и четки; Линијари и дидактички материјали; Острилки и гуми за бришење; Детски ножици; Футроли, етуи и училишни додатоци; Лепак; Шестари, дигитрони, компаси и лупи; Чаши за прибор и држачи; Украсна хартија; Папки и картонски ташни; Материјали за изработки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја две улици во Илинден и Волково

ЕВН Македонија АД известуваат дека на денес без електрична енергија ќе останат:
· од 08.30 до 12.30 часот, корисниците на улица бр. 27 во нас. Илинден. (Општина Илинден)
· од 09.00 до 11.00 часот, корисниците на улица бр. 33 во нас. Волково. (Општина Ѓорче Петров)
Македонија
Сончево и многу топло, максималната температура до 40 степени

Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе биде во интервал од 12 до 21, а максималната ќе достигне од 32 до 40 степени.
Во Скопје сончево и многу топло со слаб до умерен ветер од југоисточен правец. Минималната температура ќе се спушти до 17, а максималната ќе достигне до 39 степени.
Времето во наредните денови
Под влијание на многу топла воздушна маса во текот на оваа седмица ќе се задржи сончево и топло време со умерена облачност во текот на денот. Ќе дува слаб до умерен ветер од југоистоичен правец.
Македонија
Се’ уште гори кај Јасен, активни пожари на четири локации низ Македонија

Денес до 18 часот се регистрирани вкупно 10 пожари на отворен простор. Од нив, четири се активни и моментално се гаснат, додека шест се целосно изгаснати.
Активните пожари се лоцирани во различни делови на земјата. Еден од нив е во Националниот Парк Јасен во општина Македонски Брод, каде што гори мешана шума. Друг пожар е пријавен во село Теарце, општина Теарце, каде што се гори ниска вегетација. Во општина Сарај, во село Радуша, исто така се активни пожари кои зафаќаат сува трева и мешана шума. Четвртиот активен пожар е во општина Кичево, на потегот помеѓу селата Челопејци и Миокази, каде исто така гори мешана шума, соопшти Центарот за управување со кризи.
Надлежните служби постојано апелираат до граѓаните да ги почитуваат сите препораки и забрани за палење оган на отворен простор, со цел да се спречи ширење на пожарите и да се заштитат природните ресурси.