Македонија
Записниците за спорниот избор на обвинители на увид на „Транспаренси интернешанал“

На 1 ноември „Транспаренси интернешнл – Македонија“ ќе направи увид во записниците од спорниот избор на обвинители во Советот на јавни обвинители на седницата одржана во јануари годинава, потврдуваат оттаму за „Макфакс“.
Ова следува откако Комисијата за заштита на правото за слободен пристап до информации од јавен карактер му наложила на Советот на јавните обвинители да им овозможи увид во записниците од седницата од 31 јануари.
Претходно, ова тело кое го води Коле Штерјев, не ѝ ги даде записниците од седницата на невладината организација. По ова, „Транспаренси интернешнл – Македонија“ поднесе жалба до Комисијата, која се произнела позитивно и му наложила на Советот во согласност со Законот да овозможи увид.
Оваа граѓанска организација поднесе и претставка до Здружението на обвинителите и до Етичкиот совет. Од нив се бараше да го проверат работењето, но и постапувањето на претседателот на Советот на јавните обвинители, Коле Штерјев, како и на членката на Советот, Фиданка Рајевска.
Претседателот на Советот, Коле Штерјов, гласаше при изборот на својата внука Марија Ѓорѓева, но и поради тоа што членката на Советот, Фиданкна Рајевска гласала при изборот на обвинителката Лидија Раичевиќ, која пак, го нејзиниот сопруг за банкарски криминал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.