Македонија
Почна уредувањето на речното корито на Брегалница

Министерот за локална самоуправа, Горан Милевски, и градоначалникот на Берово, Звонко Пеќевски, денеска во Берово го означија почетокот на реализацијата на проектот за уредување на речното корито на Брегалница, во вкупен износ од 20 милиони денари.
Министерот за локална самоуправа, Горан Милевски, истакна дека средствата за реализација на проектот се обезбедени од повеќе извори. Шест милиони денари се од буџетот на Министерството, од програмата за рамномерен регионален развој, и еден милион денари се обезбедени од Општината, а другите средства се од ИПА Програмата за прекугранична соработка на Европската Унија и 15 насто кофинансирање од буџетот на Министерството.
–
,,Седум милиони денари ќе бидат искористени за уредување на кејот со комплетна урбана опрема за пешачка и велосипедска патека, со што граѓаните на Берово, но и туристите коишто престојуваат овде ќе добијат нов, уреден и опремен простор за рекреација. Паралелно ќе се работи и на уредување на речното корито, со средства од ИПА Програмата за прекугранична соработка на Северна Македонија со Бугарија, во износ од 12,3 милиони денари”, рече Милевски.
Министерот за локална самоуправа, Милевски, истакна дека владата ги има дуплирано буџетските средства за рамномерен регионален развој од 3,5 милиони евра во 2017 на 7 милиони евра во 2019 година, а Министерството за локална самоуправа во наредниот период ќе работи со зголемена динамика на нормативната рамка и на нова стратегија.
„Овој проект е пример дека ако се има идеја и ако си подготвен, средства ќе се обезбедат. Во наредниот период ќе напаравам максимални напори центрите за развој и општините подготвено да можат да аплицираат и максимално да ги искористиме средствата од претпристапните фондови на Европската Унија. Средствата во буџетот се значаен извор за финансирање на проектите за рамномерен регионален развој, но не треба да бидат и единствен. Нашите амбиции за побрза интеграција во Европската Унија ќе ги оправдаме и на овој начин”, рече Милевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Привремена промена во сообраќајот на делот од државнот пат А2 – делница Желино – Тетово

Од денес (24.04.2025) ќе има привремена промена во сообраќајот на делот од државнот пат А2 – делница Желино – Тетово, помеѓу бензинската станица Макпетрол и северниот влез на Тетово. На овој дел од патот ќе се врши геодетско снимање и една сообраќајна лента ќе биде затворена во неколку фази. Работите ќе траат до нивно завршување, извести АМСМ.
Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Променливо облачно и нестабилно со повремени локални врнежи од дожд и грмежи

Времето денеска ќе биде променливо облачно и нестабилно со повремени локални врнежи од дожд и грмежи. Наместа процесите ќе бидат поинтензивни во форма на невреме со пообилен пороен дожд, грмежи, силен ветер и услови за изолирана појава на град. Минималната температура ќе биде во интервал од 8 до 12, а максималната ќе достигне од 18 до 25 степени.
Во Скопје, променливо облачно со повремен дожд. Попладне ќе биде нестабилно со пороен дожд, грмежи и засилен ветер. Минималната температура ќе се спушти до 10, а максималната ќе достигне до 25 степени.
Времето во наредните денови
До крајот на оваа седмица ќе се задржи променливо облачно и нестабилно време со повремени врнежи од дожд и појава на грмежи. Локално ќе има поинтензивни процеси во форма на невреме со пообилен пороен дожд, грмежи, силен ветер и изолирана појава на град.
Македонија
Горан Минчев со граѓаните на Тетово: „Локалната промена почнува со Вас“

Генералниот секретар на Движењето ЗНАМ – За Наша Македонија, Горан Минчев, во рамки на кампањата „Заедно повеќе знаеме“, одржа средба со граѓаните, членовите и симпатизерите во Тетово.
Минчев порача дека Тетово заслужува транспарентно и ефикасно управување, развој на инфраструктурата и враќање на довербата во локалната власт.
„Граѓаните се нашите партнери – заедно ќе изградиме програма што одговара на вистинските потреби на Тетово. Време е општините да престанат да бидат партиски плен и конечно да почнат да работат за граѓаните“, изјави Минчев.
Тој истакна дека ЗНАМ нуди луѓе со знаење и интегритет, а не политички експерименти, и најави дека дијалогот со граѓаните ќе продолжи низ цела Македонија.