Македонија
Започнуваат засилени вонредни контроли за квалитет на течните горива
Државниоот пазарен инспекторат со државната мобилна лабараторија за испитување на квалитетот на течните горива од денеска започнуваат засилени вонредни контроли на терен. Целта е преку засилени контроли да се избегнат можни манипулации со квалитетот на горивата кои што се користат во земјата.
Министерот за економија Крешник Бектеши заедно со в.д директорот на Државниот пазарен инспекторат Анета Симеска Димеска информираа за резултатите од првичните контроли.
„ Одлучни сме преку засилени контроли да избегнеме можни манипулации со квалитетот на горивата кои што се користат во земјата.На тој начин не само што ќе се заштитат потрошувачите од манипулации со квалитетот на горивата, туку се заштитува животната средина. Како што кажавме и минатата недела, во моментот заедно со вицепремиеорт Николовски ги собираме сите податоци за дистрибуција на сомнителниот мазут. Крајниот рок кој што им го дадовме на сите надлежни институции е следниот вторник кога очекуваме дека ќе ги имаме сите информации за евентуалните злоупотреби со увоз на опасен мазут. За податоците ќе ја информираме јавноста, но ако не се реализирани сите процедури согласно правилникот за квалитет на течни горива и процедурите за увоз на нафтени деривати документите како што и претходно најавив ќе му ги предадеме на Јавното обвинителство“ кажа министерот Бектеши.
Тој информираше дека сите институции, почнувајќи од Царинската управа и Државниот пазарен инспекторат, Министерството за економија, Инспекторатот за животна средина имаат обврска во роковите предвидени согласно заклучоците да ги достават сите информации.
„ Сакам да укажам дека ние како Министерство за економоија, согласно новиот Закон за енергетика сите наши правилници, посебно Правилникот за квалитет на горивата е целосно усогласен со Европската комисија и Енергетската заедница и во делот на количина на сулфур која што треба да ја содржи мазутот кој што се увзеува, но и други параметри кои што треба да ги поседуваат горивата согласно македонскиот стандард MKS X 430. Нема да има компромиси кога е во прашање здравјето на граѓаните и заштитата на животната средина“ потенцираше министерот.
В.д директорката на Државниот пазарен инспекторат Анета Симеска Димоска информираше дека заради потребата за утврдување на состојбата поврзана со квалитетот на горивата кои се пласираат на пазарот, денеска Државниот пазарен инспекторат со користење на мобилната лабараторија на Бирото за метролжогија започна со вондредни контроли на бензинските станици.
„ Денешните први три вондредни надзори се само почеток на вондредните инспекции кои ќе продолжат во наредниот период и ќе бидат дел од нашите приоритети, а ќе бидат спроведени на целата територија на државата. Вршењето на инспекциските надзори од страна на инспекторите на ДПИ се однесува на бензин и дизел гориво за што мобилната лабараторија е акредитирана.Во план е овие контроли со оглед на тоа што лабараторијата е мобилна да се вршат на влез на државата, на граничните премини, во соработка со Царинска управа со цел да не дозволиме да влезат горива со несодветен квалитет да влезат во државата“, кажа Димеска и потенцираше дека како институција максимално ќе бидат посветени за контрола на квалитет на течните горива кои што се користат на пазарот и граѓаните со сигурност ќе можат да сметаат дека квалитетот на горивата ќе биде највисок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ веќе има 35 градоначалници, рече Мицкоски по повлекувањето на опонентите од Могила и Македонски Брод, очекува 59
Премиерот Христијан Мицкоски од денешниот митинг во Неготино изрази увереност дека кандидатката од ВМРО-ДПМНЕ која има предност пред нејзиниот опонент од СДСМ, ќе биде следниот градоначалник на општина Неготино.
Мицкоски нагласи дека граѓаните јасно ја изразиле својата волја и доверба кон ВМРО-ДПМНЕ и Коалицијата, која во првиот круг освоила 33 градоначалници, наспроти тројца од СДСМ, а во вториот круг влегла во 26 општини.
„Веќе во две општини противниците на нашите кандидати се откажаа – Македонски Брод и Могила – така што во овој момент коалицијата има 35 градоначалници и уште во 24 општини е во втор круг. Тоа се 59 потенцијални градоначалници“, рече Мицкоски, додавајќи дека тоа ќе биде историски најголем триумф на македонската политичка сцена.
Тој посочи дека ВМРО-ДПМНЕ е апсолутен победник на овие избори, имајќи мнозинство и во 58 општински совети, а го истакна и водството на кандидатот за градоначалник на Град Скопје, со предност од над три спрема еден во однос на противкандидатот.
Мицкоски ги повика граѓаните масовно да излезат на гласање на 2 ноември и да го заокружат бројот 9, за, како што рече, да се потврди „најголемата победа во историјата на Македонија“.
Македонија
Бесплатно патување за пензионерите, финансиска поддршка за првачиња и новороденчиња, најави кандидатката за градоначалничка на Неготино, Марија Нацева
Кандидатката за градоначалничка на општина Неготино од редовите на ВМРО-ДПМНЕ, Марија Нацева, на денешниот настан во рамки на кампањата за вториот круг од локалните избори, изјави дека нејзината програма нуди конкретни проекти за подобра иднина и развој на општината.
Нацева нагласи дека акцентот е ставен на развојот на патната и комуналната инфраструктура, со најави за реконструкција на градскиот плоштад, изградба на концертна сала, како и кружни текови на влезот и излезот од градот.
„Во програмата што ја нуди ВМРО-ДПМНЕ има голем број капитални проекти – реконструкција на градски плоштад, изградба на концертна сала, кружни текови на влезот и излезот од Неготино, реконструкција на старата социјална зграда и спортскиот комплекс околу салата ‘Младост’“, изјави Нацева.
Таа додаде дека ќе се инвестира и во образованието, преку реконструкција на училишта, доделување стипендии, финансиска поддршка за првачињата и новороденчињата, како и воведување на бесплатно патување за пензионерите и промоција на локалниот туризам.
Нацева посочи дека дел од плановите опфаќаат и урбанизација и развој на нови зони за инвеститори, што ќе придонесе за нови вработувања и задржување на младите во градот. Таа најави и активности за зелена и енергетски ефикасна општина.
Нацева во Неготино ќе се соочи со Петар Мантев од СДСМ. Првиот круг заврши со 656 гласа во корист на Нацева. Вториот круг од локалните избори ќе се одржи на 2 ноември.
Македонија
Наталија е патриот и инспирира со својата работа, рече Мицкоски за кандидатката за градоначалничка на Демир Капија пред вториот круг
Претседателот на ВМРО-ДПМНЕ, Христијан Мицкоски, на денешниот настан во Демир Капија во рамки на кампањата за вториот круг од локалните избори, изјави дека кандидатката за градоначалничка, Наталија Димитриева ќе оствари убедлива победа на 2 ноември.
„Наталија направи исклучително добар резултат во првиот круг и со поддршката од граѓаните Демир Капија ќе ја добие својата жена за градоначалник. Таа е голем патриот, борец за својата Демир Капија и инспирира со својата работа“, рече Мицкоски.
Тој ги повика граѓаните масовно да излезат на 2 ноември и да го заокружат бројот 9, нагласувајќи дека изминатите 16 месеци Владата испорачала повеќе проекти и реформи по седум години стагнација.
Во вториот изборен круг Димитриева ќе се соочи со кандидатот на СДСМ, Лазар Петров. Во првиот таа освои 1.006 гласови, а Петров 974.

