Македонија
Засадување на 946 дрвја со поддршка од ЕУ – чекор кон подобрување на квалитетот на воздухот во Тетово
Како значаен чекор кон подобрување на квалитетот на воздухот и промоција на одржливиот урбан развој, Општина Тетово, во партнерство со проектот „ЕУ за чист воздух’, започна иницијатива за засадување на 946 дрвја внимателно избрани дрвја во урбаните делови на Тетово. Оваа активност за зазеленување има за цел да го зголеми зелениот простор, да го подобри квалитетот на воздухот и да го намали јаглеродниот отпечаток на градот. Иницијативата за засадување на дрвја исто така ќе помогне во ублажување на ефектите од индустриското загадување и урбанизацијата и ќе придонесе кон глобалните напори против климатските промени.
“Како дел од проектот на Европската унија за чист воздух, оваа иницијатива е повеќе од програма. Tоа е ветување за нас и за идните генерации. Проектот вклучува широк спектар на активности кои ќе ја трансформираат нашата животна средина и начинот на кој се однесуваме кон неа. Промената на системите за греење ќе помогне во намалување на штетните емисии, носејќи ни почист и посвеж воздух. Садењето на 946 дрвја, почнувајќи од денеска со 146 дрвја од видот Betula pendula (бела бреза), ќе донесе видлива промена во нашиот урбан пејзаж Секое дрво што го садиме е инвестиција во нашето здравје и чекор кон создавање на побогат и повитален екосистем.,“ изјави Билал Касами градоначалник на Тетово.
Со 10 милиони евра ЕУ го финанасира тригодишниот проект „ЕУ за чист воздух“, кој има за цел да ги намали емисиите на загадувачи и честички во Тетово, Скопје, Битола и Куманово—градови најмногу погодени од загадувањето на воздухот во државата. Освен засадувањето на околу 1.000 дрвја, проектот во Тетово ќе ги зајакне капацитетите за мониторинг на квалитетот на воздухот и ќе го поддржи преминот на системите за греење во јавните објекти што го загадуваат воздухот кон почисти извори на енергија.
Претставникот на Делегацијата на ЕУ, Штефен Худолин, раководител на секторот за соработка во Делегацијата на ЕУ во Северна Македонија, ја истакна важноста на иницијативата: „Денешната иницијатива за засадување дрвја во Тетово е витален чекор кон подобрување на квалитетот на воздухот и создавање поздрави услови за живот за заедницата. Оваа активност е во согласност со целта на Европскиот зелен договор за градење одржлива, зелена иднина. Со поддршка на локалните акции како оваа, ЕУ ја потврдува својата заложба за намалување на загадувањето на воздухот, подобрување на јавното здравје и промовирање почиста животна средина. Заедно можеме да создадеме трајни промени кои ќе имаат придобивки и за луѓето и за планетата.“
Проектот се спроведува од Канцеларијата на Обединетите Нации за проекти (УНОПС) во тесна соработка со Министерството за животна средина и просторно планирање и избраните општини. Пред засадувањето на дрвјата, Градот Тетово и УНОПС потпишаа Меморандум за разбирање, со кој се формализира нивната соработка во рамките на проектот ЕУ за чист воздух.
„Денес го означуваме почетокот на партнерството помеѓу УНОПС, ЕУ и Општина Тетово, со кое ќе се засадат речиси 1.000 дрвја оваа есен, ќе инсталираме поеколошки извори на енергија за системите за греење во Клиничкиот центар во Тетово, што ќе придонесе за намалување на штетните емисии на ПМ10 и ПМ2.5 за 98%, и ќе се надгради станицата за мониторинг на квалитетот на воздухот во Тетово со нова опрема за мерење на загадувачи кои досега не беа мерени во земјата,“ изјави Микела Телатин, претставник на УНОПС во Северна Македонија.
Во наредните месеци, соработката преку проектот ЕУ за чист воздух ќе се интензивира, со подготовки за подобрување на системите за греење во јавните објекти кои придонесуваат за загадување на воздухот. Овие системи ќе се префрлат од нафта на компримиран природен гас, што дополнително ќе ги намали штетните емисии во Тетово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дождот ќе се задржи до четврток, стабилизирање дури во петок
Времето утре ќе биде променливо облачно со повремени врнежи од дожд.
Попладне, наместа ќе биде нестабилно со пороен дожд, грмежи и засилен ветер, локално во форма на краткотрајно невреме со пообилен пороен дожд (за кратко време над 15 л/м2). Минималната температура ќе биде во интервал од 4 до 9, а максималната ќе достигне од 11 до 17 степени, јавува УХМР.
Во Скопје, променливо облачно време со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 15 степени.
До четврток ќе се задржи променливо облачно и нестабилно време со повремени врнежи од дожд, особено во попладневните часови. Локално ќе има услови за појава на краткотрајно невреме со пообилен пороен дожд (за кратко време над 15 л/м2), грмежи и засилен ветер. Стабилизирање на времето ќе има во петок.
Македонија
Хуманитарен концерт на Тамара Тодевска – Пееме за Кочани
Со цел поддршка и помош на семејствата на починатите граѓани и повредените во трагедијата во Кочани, Тамара Тодевска организира хуманитарен солистички концерт.
Имено, овој музички настан ќе се одржи на 17. април (четврток), од 20:00 часот, во Младинскиот културен центар (МКЦ).
Средствата од продажбата на билетите ќе бидат наменети за семејствата на починатите граѓани, како и за сите повредени во трагедијата.
Информациите за продажбата на карти ќе бидат објавени претстојните денови, а Тамара ги повикува сите свои фанови и луѓе кои ја почитуваат македонската музика да бидат дел од овој концерт:
– Хуманоста и солидарноста се вредностите кои можат да ја вратат надежта, а се толку потребни за семејствата на починатите и повредените граѓани во трагедијата во Кочани. Во моментите на тага и жалост – да останеме луѓе, да пееме македонска музика, да пееме за Кочани. На 17. април (четврток), во @mkc_skopje, од 20:00 Ве повикувам на хуманитарен концерт за Кочани, посочи Тодевска на своите профили на социјалните мрежи.
Продажните места за картите за овој концерт ќе бидат објавени на офијалните канали на социјалните мрежи на Тамара Тодевска на Instagram и Facebook.
Македонија
Јаневска: Го јакнеме финансиското образование, градиме млади подготвени за управување со финансии и за справување со ризици и измами
Финансиската едукација на младите е исклучително важна бидејќи ги подготвува за управување со финансии и планирање на буџетот, разбирање на економските процеси и препознавање на ризиците и обидите за финансиски измами. Во таа насока, повеќе надлежни институции работат на унапредување на постојниот концепт, процес во кој од клучно значење ќе бидат резултатите од истражувањето за финансиската писменост што го спроведува Бирото за развој на образованието.
Ова го истакна министерката за образование и наука, Весна Јаневска, на денешната панел дискусија на тема „Финансиска писменост во Македонија – состојба, предизвици и решенија“ во рамки на третиот Женски економски форум кој го организираат здруженијата „Јас Сум Жена“ и „Global Shapers Skopje Hub“ заедно со Факултетот за туризам и бизнис логистика при Универзитетот „Гоце Делчев“ – Штип.
Јаневска рече дека финансиската едукација во основното образование кај нас е застапена преку теми во наставните програми по повеќе предмети, а постојат и слободни изборни предмети и воннаставни активности. Станува збор за интегриран пристап воведен по препорака на ОЕЦД. Во средното образование пак, односно во гимназиското и уметничкото има задолжителен предмет, а во стручното – задолжителен и изборни предмети постојат во одредени струки.
„Секој концепт може да биде и подобар и затоа Министерството за образование и наука со Министерството за финансии, Народна Банка, Македонската банкарска асоцијација и други страни тесно соработуваат, разменуваат информации, идеи и искуства за да може постепено финансиската едукација да се надградува –преку проширување на наставната материја, преку повеќе обуки на наставниот кадар и слично. Во оваа насока од особена важност ќе бидат и резултатите од истражувањето за финансиската писменост што го спроведува Бирото за развој на образованието, а кое ќе ни обезбеди податоци за идните политики“, рече министерката.
Осврнувајќи се на подготвеноста на младите да препознаваат финансиски измами, рече дека тоа се глобални предизвици кои бараат постојана адаптација, учење и заедничка регионална и меѓуинституционална соработка.
Покрај панел дискусијата посветена на финансиската писменост на која учествуваше и министерката за финансии, Гордана Димитриеска Кочоска, во рамки на форумот се
одржаа и работилници на тема „Клуч за финансиски успех“ и „Сајбер ризици и заштита на личните податоци“.
Христијан Стојанов е уште едно младо момче што влезе во „Пулс“ за да спасува луѓе: „Обезбедувањето ни помогна многу“
Осумнаесетгодишниот Христијан Стојанов е уште еден херој од трагедијата во дискотеката „Пулс“ во Кочани, кој не размислувајќи за сопствениот живот...
Подобрена е состојбата кај двајца пациенти кои се лекуваат во Солун, од интензивна нега преместени се на пластика
Министерството за здравство информира дека нема промени во бројот на хоспитализирани пациенти од вчера, во Скопје вкупно се лекуваат 16...
Oсмани и Адеми во посета на семејството на Бектеши за Бајрам: „Неправедно е обвинет, ја имате нашата поддршка“
Поранешниот министер за здравство Бујар Османи и портпаролот на ДУИ, Арбер Адеми, за Рамазан Бајрам го посетија семејството на ексминистерот...
„Не пројдоа ни 40 дена од трагедијата“ – Мицкоски смета дека е рано да се размислува за градоначалник на Кочани
Премиерот Христијан Мицкоски смета дека рано е да се размислува за заеднички кандидат за градоначалник на Кочани, по информациите дека...
Планинарката Ивона која загина во пожарот е ќерка на единствената пожарникарка во Кочани, колегите тагуваат
Дваесет и едногодишната Ивона Антова – планинарка која загина во дискотеката „Пулс“ во Кочани, е ќерка на единствената жена пожарникар...
Прво сведоштво на Костадинов за пожарот: Се измокрив со црево и влегов низ прозорецот кај билетите, ги вадевме луѓето еден по еден
Со маса го скршив прозорецот и со цревото прскавме вода внатре. Вака 19 годишниот Јован Костадинов кој спаси 21 живот...
Попладнево пороен дожд, грмежи и ветер, најавија метеоролозите
Времето денес ќе биде променливо облачно со повремени врнежи од дожд. Попладне, наместа ќе биде нестабилно со пороен дожд, појава...
Деца од Битола принудувале врснички сексуално да ги задоволуваат, имале компромитирачки материјали
Деца од Битола принудувале врснички полово да ги задоволуваат, заканувајќи им се со компромитирачки материјали кои ги поседувале. Случајот во...
(Видео) Кочани, Кочани… емоции на првиот фудбалски натпревар во градот по трагедијата
Денеска беше одигран првиот фудбалски натпревар во Кочани по трагедијата со пожарот во дискотеката „Пулс“. Мечот се одигра помеѓу тимот на...
Влошена е состојбата кај двајца критични пациенти кои се лекуваат по пожарот, информира Таравари
Влошена е состојбата кај двајца пациенти кои се лекуваат по пожарот во дискотеката „Пулс“ во Кочани. Вкупно четворица се во...
(Видео) Пиротехниката во затворен простор ќе се најде пред пратениците, се менува Законот
Пратеничката група на ВМРО-ДПМНЕ по скратена постапка го менува Законот за јавен ред и мир, со што се става ред...
Случајот со Фросина Кулакова не’ собра, а причина е системот, велат од „Кој е следен“ по обвинувањата дека ја злоупотребиле трагедијата
Точно е дека движењето „Кој е следен?“ настана по сообраќајната несреќа на Партизанска кога загина Фросина Кулакова. Тоа не’ собра...
(Видео) Шукова: Можеби храната што ја јадеме е под ризик порди излевањето во Крива Река
Се’ што се продава на пазарите во Скопје, Куманово, Паланка, Велес и другите градови, се наводнува од Вардар, Пчиња, Крива...
Филип беше ураган од љубов – во Штип се одржа комеморација за музичарот Стевановски кој загина во пожарот
Во Штип се одржа комеморацијата за директорот на штипскиот центар за култура „Ацо Шопов“, Филип Стевановски, кој тагично го загуби...
Утре еден час помалку спиење – во два по полноќ почнува летното сметање на времето
Вечерва, сабота кон недела, почнува летното сметање на времето. Тоа значи дека стрелките на часовникот во два часот наутро на...
Зеленски: Американците целосно го сменија договорот, чекаме правна анализа
Украинскиот претседател, Володимир Зеленски, рече дека Украина нема да прифати никаков договор за минералните суровини што ќе ја загрози нејзината...
OJO: Поднесено обвинение за тешката сообраќајна несреќа со смртни последици на „Партизанска“
По целосно спроведена истражна постапка, Основното јавно обвинителство Скопје поднесе обвинителен акт против едно лице што се товари за тешки...
Четворицата лидери на „Влен“ вечерва ќе одат на ифтарска вечера кај Аљбин Курти, Таравари вели дека ќе разговараат и за локалните избори
За претстојните локални избори, како и за сите актуелни теми во земјата и во регионот, вечерва, на ифтарска вечера кај...
Денес, осум пациенти од Скопје се пуштаат дома, од странство се враќаат уште девет
Министерот за здравство, Арбен Таравари, информира дека во моментот во установите во Скопје се хоспитализирани 22 пациенти, сите стабилни и...
Измамници оштетија струшко семејство: им понудиле донации за болниот син, па подигале брзи кредити
Двајца измамници излажале сопружници од Струга дека ќе собираат пари за лекување на нивниот болен син и им ги зеле...
