Македонија
Засега не треба да се прават дополнителни рестрикции, рече министерот Филипче

Засега не треба да се прават дополнителни рестрикции, истакна министерот за здравство, Венко Филипче.
Тој на денешната прес-конференција моментната ситуација ја оцени како крајно сериозна, но изрази уверување дека здравствениот систем е максимално мобилизиран да одговори на предизвикот. Апелира да се почитуваат сегашните рестриктивни мерки и да не се излегува од дома ако нема потреба, освен во маркет, на работното место или во училиште.
„Вирусот е широкораспостранет и најмало невнимание или отстапка може да значи инфекција“, рече Филипче.
Министерот нагласи дека во овој момент се целосно исполнети капацитетите на Инфективната клиника и во модуларната болница, а целата зграда на Интерните клиники ќе биде наменета за пациенти со Ковид-19. Во моментот Центарот за белодробни болести сè уште има слободни капацитети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Забрана за камиони на регионалниот пат Дебар – Маврово

Од 06:50 часот поради врнежи од снег, воведена е забрана за сообраќај на товарни моторни возила на регионалниот пат Дебар – Маврово, извести АМСМ.
Од 06:45 часот сообраќајот на патниот правец село Живалево – село Туралево е нормализиран.
Македонија
Нормализиран сообраќајот на патниот правец Живалево – Туралево

Од 06:45 часот сообраќајот на патниот правец село Живалево – село Туралево е нормализиран, извести АМСМ.
Од 05:00 часот, поради одрон, сообраќајот на тој патен правец беше во прекин и се одвиваше наизменично, по една коловозна лента.
Македонија
Одрон на патниот правец Живалево – Туралево, сообраќајот се одвива по една коловозна лента

Од 05:00 часот на патниот правец село Живалево – село Туралево има одрон, сообраќајот се одвива наизменично по една коловозна лента.
Во 03:40 часот се укинува забраната за тешки товарни возила према превој Стража, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.