Македонија
За бегството на терористот Рамадани виновни се Владата и правосудниот систем, обвинува Левица

„Нема сомнеж дека бегството на Блерим Рамадани, обвинет за тероризам е целосно реализирано, а припадникот на терористичката УЧК, баран со потерница на Интерпол, наместо пред истражните органи, ужива во своето ‘херојство’ на Косово и Метохија. Информацијата веќе е потврдена од повеќе извори и се случува непосредно откако Премиерот најави тајни заговори за дестабилизација на државата“, реагира Левица.
„Бегството на Рамадани е проследено со низа јасни укажувања на политичко вмешување во негова реализација (што ги овозможува предусловите за реализација на бегство) и низа ‘пропусти’ кои следуваат како резултат на истата. Најпрвин, коалицискиот партнер на Мицкоски, министерот за здравство – Таравари, пуштањето на Рамадани во куќен притвор го претстави како ‘добиена битка’, за подоцна, буквално, да се фали за ослободување на терорист и дека тоа сите ги прави среќни, што како чин направен од министер, во најмала рака е надвор од здрав разум“, велат од партијата.
Додаваат дека целиот случај бил симптоматичен од самиот почеток.
„Судот донесе одлука наместо мерка притвор, странски државјанин да биде во домашен притвор кај роднини (што ги овозможува предусловите за реализација на бегството) за што треба да се понесе сериозна одговорност.
Потоа, полицијата на Тошковски, свесно не поставила обезбедување на притворот на осомничен за тероризам, (што ги овозможува условите за реализација на бегството) и ги изнесува целосно на површина индикациите дека станува за политички договор.
На крај, лицето успешно е пренесено преку граница (што е целосна реализација на бегството), а можноста за истата да се реализира без знаење на државата (власта) е само наивна приказна.
Целиот парадокс го комплетира формирањето ‘Специјална комисија’ за расчистување на случајот! Фактот што Владата не бара одговорност во сопствените редови за пропустите направени од МВР, туку во останатите институции само укажува дека коалицијата на власт има намера да го заташка случајот. Потсетете се на тоа како собраниската комисијата за Онкологија го ‘расчисти’ тој случај. За жал, наместо државен апарат кој ќе го заштити јавниот интерес, продолжува да функционира државниот апарат кој ги штити само интересите на криминалните моќници блиски на владејачката елита! Македонија останува држава во која се оди во затвор за украдени ќебапи, а на слобода – за тероризам. Одговорноста за бегството на осомничен за тероризам мора да сносат и извршната, и судската власт“, се вели во реакцијата на Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: За народот минималец, за синдикалците на батерии максималец

За народот минималец, за синдикалците на батерии максималец кои работниците ги користат за свои интереси и дебело профитерство. Раководството на ССМ, синдикатот го претворија во алатка за дебело профитерство и лагоден живот со високи примања, велат од ВМРО-ДПМНЕ.
„Синдикалната активност, од активност за работничките права ја претворија во профитабилна активност која на раководствата им носи дебели плати. И сето ова додека зборуваат за минимална плата, без да имаат никакво чувство на грижа или пак трошка чувство на емпатија. Додека Слободан Трендафилов и луѓето околу него ги лажат и манипулираат работниците за минимална плата, тие имаат примања и неколкукратно поголеми од минималната плата. Ова е лицемерието на синдикалците на батерии како Трендафилов и луѓето околу него, за народот минималец, за синдикалците максималец. За ова не молчат и веќе го пријавуваат луѓето на кои им е преку глава од ваквото искористување и злоупотреба на работниците за свои цели и профитерства, и од односот на Трендафилов и луѓето околу него со Синдикатот како со своја фирма“, се наведува во соопштението.
Според партијата, тоа го потврдуваат и последните информации кои што ги доставиле револтирани свиркачи, од кои, како што велат, произлегува дека претседателката на Синдикатот на поштенски и телекомуникациски работници, Васе Депонова има годишни примања од 794.000 денари.
„И оваа исто како и Трендафилов со огромни примања, репрезентации и бенефиции зборуваат за минимална плата. Со примања кои надминуваат 1.6 милиони денари годишно, Трендафилов не може да биде синдикалец. Тој само го злоупотребува синдикатот и за таа цел користи неколку луѓе околу него, кои исто така ги врзал со големи примања. Слободан Трендафилов и луѓето околу него се разоткриени. Народот и работниците ги прочитаа и веќе никој не им верува. Знаат дека синдикалната активност им е за нивни лични интереси и профитерство и дека СДС се крие зад ССМ“, велат од ВМРО-ДПМНЕ.
Македонија
„Предупредувањата на Демократската Унија за Интеграција, денес во 14 часот ќе добијат облик“, велат од ДУИ

„На јавна сцена денес ќе ни биде демонстрирана моноетничката коалиција чија основна цел е да го преобликува политичкиот модел на државата од мултиетничка, во моноетничка демократија“, велат од ДУИ.
„Иако на јавноста ќе ѝ бидат презентирани поинакви точки, дозволете да ви го презентираме дневниот ред на денешната средба кој нема да го видите во јавноста:
Точка 1: Неказнивоста. Како да не одговарамат. Каков правосуден систем им треба за да можат да продолжат да се напаѓаат во јавноста, но суштински меѓусебно да се заштитат дури и кога во прашање ќе дојдат трагедии како онаа во Кочани
Точка 2: Како да се отстранат Албанците од сите нивоа на власт во државата, и потоа да се држат на периферијата на општествените текови
Овој план не е нов, туку е скорен пред три години преку ноторниот договор Мицкоски-Заев пред сѐ како заштитен чадор за транзициската олигархија во земјава.
Планот веќе се реализира преку укинувањето на Балансерот, моноетничкото одлучување на Уставниот суд, но и отстранувањето на Албанците од голем број високи позиции во државната управа.
Треба да се напомене дека реализацијата на овој план е невозможна без да се пронајдат „чесните Албанци“ кои треба да обезбедат лажна легитимација за мултиетнички консензус на ова политичко преструктуирање.
Го повикуваме целит политички и неполитички спектар на албанците во државава, вклучително и лидерите на коалицијата ВРЕДИ, заедно или секој посебно, да изразат јасен и гласен револт против овој обид за реструктуирање на државата и да не дозволат да бидат вовлечени во планот за целосна дисквалификација на Албанците од општествените текови“, соопштуваат од ДУИ.
Македонија
„Платите на полицијата растат за 10%, се работи на враќање на достоинството на полицајците“, велат од ВМРО-ДПМНЕ

„Платите на полицијата со априлската исплата пораснаа за 10 проценти. Тоа е покачување на примањата на над 12000 граѓани. Ова е реализација на уште едно ветување на Владата со кое се работи на создавање на промени и враќање на достоинството на гаранторите на безбедноста“, велат од ВМРО-ДПМНЕ.
„Со години полицијата беше омаловажувана и беше рушено нивното достоинство. Единица мерка за криминал и заштита на криминалците беше поранешниот министер за внатрешни работи Оливер Спасовски. Од ортак на криминалните кланови Грчец и Арачиново кои останаа нечепнати поради услугите за избори кои ги овозможуваа на СДС, до некадарни и криминогени началници на Спасовски кои го рушеа угледот на полицијата.
Оваа Влада денес работи на враќање на довербата во полицијата и мотивирање да го спроведуваат законот и чуваат редот.
Покачeните плати се уште еден показател на борбата на Владата за секој еден човек и неговата иднина. Разликата е видлива, промените се случуваат“, соопшти ВМРО-ДПМНЕ.