Македонија
За вештачењата за Ласкарци скопското Обвинителство досега должи 1,5 милион денари

Скопското Обвинителство само за досегашните вештачења за несреќата кај Ласкарци потрошило 1,5 милион денари, во кои влегуваат трошоците за обдукција, вештачењата и прегледите, потврди за „Макфакс“ првиот човек на оваа институција, Сашо Рајчев.
„Не се стасани сите фактури, а ќе доаѓаат и нови, за медицинските вештачења од Судска медицина кои што се во тек, за преживеаните жртви…“, вели Рајчев. Шефот на скопското Обвинителство потенцира дека мора да земе предвид фактот дека ова основно јавно обвинителство е најоптоварено со предмети и со работа. „Во реформите за правосудството мора да се спомене и Основното јавно обвинителство Скопје кое покрива 90% од криминалот во државата“, вели Рајчев.
За вештачења, преводи и други обврски според Законот за кривичната постапка, ова јавно обвинителство заклучно со 31 декември 2018 должи над 9 милиони денари или приближно 150 илјади евра. Ако на ова се додадат и трошоците направени по 1 јануари 2019 година, сумата за трошоци е многу повисока.
Првиот човек на скопското Обвинителство за „Макфакс“ вели дека се обидуваат навремено да ги подмируваат обврските, но дека обемот на работа, а со тоа и трошоците континуирано се зголемуваат.
Рајчев потсети дека според постојните одлуки за систематизација што ги донел Советот на јавните обвинители, во Основното јавно обвинителство Скопје се предвидени 61 јавен обвинител. Од тие места пополнети се 46 позиции, од причина што 8 јавни обвинители се избрани во Обвинителството за гонење организиран криминал и корупција, 5 јавни обвинители се избрани во СЈО, што значи на 13 јавни обвинители им мирува функцијата во ОЈО Скопје, а две места се непополнети.
Скопското Обвинителство лани постапувало по кривични пријави со кои се опфатени нас 13 илјади полнолетни лица. Алармантна е ситуацијата и со записничарите и со немањето истражен центар. Поканети да сведочат во Обвинителството биле враќани поради недостиг на записничари. За ситуацијата, Рајчев ги известил државниот јавен обвинител, Советот на јавните обвинители и министерката за правда.
Обвинителката Вилма Русковска пак, за „Макфакс“ рече дека заклучно со 28 февруари годинава Обвинителството за гонење организиран криминал и корупција за услуги должи 608.814 денари или приближно 9.900 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Се виде кој вистински управува со СДС, тоа е Зоран Заев, а Венко Филипче е само нем послушник“, велат од ВМРО-ДПМНЕ

„Се докажа дека Заев ја води СДС, додека Филипче е само статист во целата приказна. Иако формално Филипче има водечка улога, реалноста покажува дека сите клучни одлуки и насоки доаѓаат од Заев. Со јавувањето на Заев се гледа кој е вистинскиот лидер на СДС и кој ја има контролата врз партијата и кој ги влече конците во партијата“, велат од ВМРО-ДПМНЕ.
„Филипче и СДС, по наредба на Заев, направија резолуција со која промовираат некакви црвени линии, кои тие веќе ги имаа прегазено и поминато изминативе години, на штета на македонскиот народ.
Како што Заев земаше куферчиња од Бугарија, Филипче да одговори какви куферчиња зема тој сега за да им удоволи на Бугарите, со што ќе си направи уште еден бонбона бизнис.
А, тоа што Заев вели дека не земал куферче пари од Бугарија не значи дека таа изјава е вистинита. Самиот негов обид да се оправда пред јавноста создава сомнеж и отвора прашања за вистинитоста на неговите тврдења.
Неговата акција за потпишување на бугарскиот договор, не е резултат на политичка волја, туку на финансиски интерес.
За сопствени интереси, како што Заев ја продаде државата, така и Филипче е спремен да ги продаде македонските интереси и идентитет за едно полно куферче.
Затоа, Филипче молчи за Заев, за неговите криминали, бидејќи и тој е поврзан со истите.
ВМРО-ДПМНЕ заедно со граѓаните, нема да дозволи уште еден бонбона бизнис, со цел богатење на Заев и Филипче, а распродажба на македонскиот народ“, се додава во соопштението на ВМРО-ДПМНЕ.
Македонија
Без струја денеска делови од Бутел и Аеродром

Од ЕВН Македонија АД известуваат дека денеска без електрична енергија ќе останат:
– во периодот од 08.20 до 12.30 часот, дел од корисниците од ул. 1 во населба Радишани. (општина Бутел)
– во периодот од 09.00 до 12.00 часот, корисниците од ул. Горно Лисиче лоцирани на потегот од Маг Комерц, А-М Стил, Феромонт Инжинеринг кон село Долно Лисиче. (општина Аеродром)
Македонија
Дел од Аеродром денеска без вода

Од ЈП Водовод и Канализација известуваат дека денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, општина Аеродром.
Водоснабдувањето ќе биде прекинато од 08:00 часот до завршување со санација на дефектот.