Македонија
За да се спречи насилството врз децата, поддршка за родителите што се под притисок поради пандемијата
Може да се очекува зголемен број пријави за насилство врз децата и семејно насилство како последица на состојбата што ја имаме, посочи дополнителната заменик-министерка за труд и социјална политика, Санела Шкријељ.
Таа вели дека претпоставуваат оти во вакви периоди жртвите на насилство не се сигурни дали институциите ќе постапат и затоа не пријавуваат. Шкријељ убедува дека жртвите треба да пријават бидејќи системот е функционален и ќе се направи сè што треба за тие да бидат заштитени.
„Во центрите за социјална работа не можеме да кажеме дека имаме зголемен тренд на пријави. Бројот не значи дека нема зголемување. Она со што се соочуваме кога е во прашање семејното насилство и во редовни услови, а особено во ваква состојба, е дека бројката на случи на насилство што не се пријавува е секогаш многу поголема од таа што се пријавува. Темната бројка е многу поголема. За очекување е да претпоставиме дека во вакви периоди сите што се соочуваат со насилство не се сигурни дали институциите ќе постапат, па затоа постојано ги охрабруваме и повикуваме да постапат со цел да знаат дека институциите функционираат и ќе направат сè што треба да ги заштитат. Кај нас во центрите за социјална работа немаме зголемен тренд на пријави на семејно насилство“, вели Шкријељ.
Таа повикува родителите и децата да се јавуваат на линиите за поддршка со цел да им се помогне за справување со предизвиците со кои се соочуваат поради вонредната ситуација и коронавирусот.
„Децата се ранлива категорија. Може се очекува да има и појави на насилство врз децата, и тоа зголемени. Токму затоа со УНИЦЕФ ги воспоставивме платформите и линиите за поддршка на родителите и децата. Треба да сме свесни дека сите ние се соочуваме со предизвици при справувањето со оваа состојба, дека родителите исто така се под притисок, така што преку т.н. линија за позитивно родителство им нудиме онлајн-поддршка како да се справат со предизвиците со кои се соочуваат“, додава Шкријељ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.