Македонија
За расипништвото и аматеризмот на СДС и ДУИ мора да има одговорност, велат од ВМРО-ДПМНЕ

Kриминалниот и неодговорен однос на СДС и ДУИ во изминатите седум години, нивното расипништво и аматеризам, ја имаат својата цена, оценуваат од ВМРО-ДПМНЕ. Според нив, секое неодговорно трошење и секој пропуст да се заштитат националните и економските интереси од СДС оставија длабоки траги врз стандардот и секојдневието на луѓето.
„Но, добро е што тоа време е зад нас. Сега Македонија има влада која работи за граѓаните, со јасна цел да ја врати стабилноста и довербата во институциите.
Оттаму, денешната изјава на неврохирургот на Заеви, Венко Филипче, е уште еден обид да се прикрие историската неспособност на СДС во управувањето со економијата и последиците кои ги оставија зад себе. Она што денес го сведочиме не е резултат на осум месеци одговорно владеење, туку на години хаос, нестручност и игнорирање на потребите на граѓаните од страна на владата на СДС“, велат од владејачката партија.
Како што додаваат реалноста е јасна: „инфлацијата, која го погоди секој дом и секој граѓанин, е директен производ на нивното владеење. Венко Филипче заборава дека токму тие наместо да ја стабилизираат состојбата на економски план, драматично ја влошија. Заборава и дека СДСМ го остави државниот буџет на колена, без визија и план за справување со економските предизвици“.
ВМРО-ДПМНЕ, додаавт од партијата на Мицкоски, се бори за интересите на граѓаните и ги повикува сите да испратат јасна порака дека економските политики мора да бидат ориентирани кон нив, а не кон лични или партиски интереси.
Филипче, како што истакнуваат, да не се прави дека е од вчера дојден.
„И да не мисли дека народот заборавил што се се случуваше кога тој и Заев беа на власт и кога СДС и ДУИ дивееја по државава забегани во корупција и во држава со галопирачка инфлација и рекордна сиромаштија. Филипче, не си од вчера. Те знае народот. И не заборава кој си и што злодела имаш направено“, подвлекуваат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муртезани – Телатин: потврдена долгогодишната успешна соработка

Министерот за европски прашања Орхан Муртезани, денеска имаше средба со Микела Телатин, директорка на Канцеларијата на Обединетите нации за проектни услуги – УНОПС во Србија, на која што беше потврдена долгогодишната успешна соработка во рамките на проектите поддржани од Шведска преку Шведската агенција за меѓународен развој (SIDA) и Швајцарија преку Швајцарската агенција за развојна соработка (SDC).
Муртезани изрази задоволство од долгогодишната соработка со УНОПС, особено со канцеларијата во Скопје, со која што веќе шест години заеднички работат на унапредување на европскиот реформски процес на Северна Македонија.
Тој нагласи дека успешното завршување на првата фаза од проектот „Поддршката на Северна Македонија за пристапувањето во ЕУ“, претставува силна основа за натамошни активности, а МЕП останува посветен на неговата доследна имплементација.
Муртезани и Телатин истакнаа дека во изминатиот период беше обезбеден континуитет на проектните активности, дека успешно се адресираа предизвиците и дека беше дадена потребната стручна насока за процесот. Дополнително, беше нагласена поддршката во повеќе клучни области, како што се подготовката на Националната верзија на ЕУ acquis преку превод и правна ревизија, подготовка на Насоки за интегрирање на антикорупциските стандарди во различни поглавја од acquis-то, зајакнување на капацитетите на медиумите, организација на настани за подигнување на јавната свест за процесот на ЕУ интеграција и Реформската агенда 2024 – 2027, експертска поддршка и јакнење на административните капацитети.
————————————————————————————————
Македонија
„Вреди“: Ахмети е очаен за политичко внимание, зад сценариото за бојкот на локалните избори се крие стравот од пораз

Тоа што ДУИ не се снаоѓаат во опозиција не може да го претворат во државен проблем. Али Ахмети е очаен за политичко внимание, оценуваат од коалицијата „Вреди“
„Прво, крајно лицемерно и неодговорно е ДУИ да не обвинува нас за иницијативата пред Уставниот суд, кога истата е свесно држена во фиока од нивните кадри во овој суд, со план денес да се злоупотребува за критика. Не може „Вреди“ да биде одговорен за одредени недоречености во законот кои самите ДУИ свесно ги дозволиле. Второ, текстот на Законот за употреба на Албанскиот јазик е доставен до Венецијанската Комисија токму од Бујар Османи.
Нема никаква дилема дека зад сценариото за бојкот на локалните избори се крие стравот на ДУИ од пораз, па затоа измислуваат алиби во лажните обвинувања за наводна деалбанизација која симптоматично, според нив се случува само затоа што тие не се дел од Владата“, истакнуваат од коалицијата.
ДУИ, според нив, се преценува во моќта било што да организира на терен. Прочитани се, додаваат од „Вреди“.
„Да имаа поддршка од Албанскиот народ одамна ќе излезеа со протести, впрочем како што претходно најавуваа“.
Апелираат до како што го нарекуваат, здраворазумното членство на ДУИ да не влетува во егзибиционизмот на нивното корумпирано раководство. Без програмска и кадровска реформа, плус со бојкот и нереди на добар пат се цела партија да биде ставена на црна листа, нагласуваат од коалицијата.
Македонија
Сиљановска ја штити и релативизира Кочоска, таа е нем набљудувач на дискриминацијата, велат од СДСМ

Претседателката Гордана Сиљановска-Давкова која во кампањата се претставуваше како борец за правата на жените, денес молчи пред отворена дискриминација кон една жена, пратеничка во Собранието, истакнуваат од СДСМ.
Според нив, наместо јасно и недвосмислено да ја осуди навредата на министерката Кочоска кон пратеничката Петровска, Сиљановска се задоволи со блага и беспомошна констатација дека „не е лошо човек понекогаш и да се извини“.
Оваа изјава, како што оценуваат, не е ниту осуда, ниту порака за заштита на жените од дискриминација. Напротив, додаваат, тоа е релативизирање на проблемот и обид да се заташка скандалот.
„Од Сиљановска очекувавме да покаже истата жестина во одбрана на женските права каква што покажуваше пред изборите, но очигледно дека тогашната борба била само празна реторика за политички поени.
Фактот што министерката Кочоска не само што не се извини, туку во интервју дополнително ги продлабочи навредите, е доволен показател дека оваа Влада нема ниту основна политичка култура, ниту чувствителност кон дискриминацијата врз жените“.
СДСМ прашува – каде е сега борецот за женски права Гордана Сиљановска? Како што истакнуваат од партијата, ако дури и претседателката не смета дека една ваква навреда заслужува јасна и силна осуда, тогаш таа го губи секој кредибилитет да зборува за родова еднаквост и заштита на жените.