„Со месеци сведочиме на невиден хаос во македонското јавно здравство, предизвикан од неспособноста на Арбен Таравари и Владата на ДПМНЕ. Меѓу најпогодените од овој катастрофален менаџмент се онколошките пациенти, чии животи се директно загрозени“, велат од СДСМ.

„Неодостаток на лекови, катастрофалните услови, долгите чекања, недостатокот на медицински кадар – голготата на онколошките пациенти не запира!

Немаше лекови за биолошка терапија на Клиниката за онкологија, а сега цели еден месец не функционира ниту единствениот државен ПЕТ-скенер.

Пациенти од целата земја, чие лекување зависи од оваа дијагностичка процедура, власта ги остави без неопходната медицинска услуга.

Министерот Таравари и Владата на ДПМНЕ покажуваат целосна неспособност да управуваат со здравствениот систем, но цената за нивната неспособност ја плаќаат граѓаните и пациентите.

Ова мора да запре! СДСМ бара одговорност од директорката, Невена Маневска, и од министерот за здравство, Арбен Таравари.

Министерството за здравство мора веднаш да ја стави во функција дијагностичката апаратура. Граѓаните не смеат да бидат жртви на неспособноста и негрижата на оваа власт!“, соопшти СДСМ.

„Срамно е СДС да зборува за пациентите за кои не само што ништо не презема, туку ги лечеше со вода и остави листи на пациенти кои со години чекаат токму за ПЕТ скен. За разлика од нивното невнимание и негрижа денес овие листи се двојно намалени од раководството на ПЕТ центарот“, велат од ВМРО-ДПМНЕ.

„Сакајќи да направат хистерија и недоверба во јавното здравство, зачудува фактот што СДС не знае основни процедури поврзани со овој апарат.

Станува збор за редовен сервис за промена на хепа филтри кои покажале заситеност и без кои процесот не може да тече, а за секоја промена законски мора да се направи реквалификација на чистите соби во одделеот за производство на радиоизотопи и синтеза на радиофармацевтици, а истовремено оваа процедура е неопходна за воведување нова метода во интерес на пациентите со цел зајакнување на дејноста.

Истовремено оваа процедура е неопходна за воведување нова метода во интерес на пациентите со цел зајакнување на дејноста.

Од страна на новото раководство на ПЕТ центарот, веднаш беше направен нов динамичен план за надминување на затекнатиот проблем со листи на чекање во оваа установа.

Сега листите на чекање се двојно намелени за разлика од претходно“, соопшти ВМРО-ДПМНЕ.

„Демократската унија за интеграција (ДУИ) изразува загриженост за тешката економска и социјална состојба со која се соочуваат граѓаните, кои не можат да ги подмират неподносливите сметки за електрична енергија, високите цени на основните производи и целосното отсуство на владини мерки за ублажување на последиците од кризата“, велат од ДУИ.

„Семејствата веќе не можат да ги покријат трошоците за живот, додека владата продолжува да се занимава со безвредни теми и намерни дебати како што е онаа за државниот грб, само за да го одвлече вниманието од своите неуспеси.

Неконтролираната инфлација ја уништи куповната моќ, граѓаните плаќаат сè повеќе за да ги задоволат основните потреби, но не добиваат никаква помош од државните институции за да ја ублажат оваа ситуација, во која денес се наоѓаат на работ на преживување.

Наместо да се фокусира на вистинските политики за подобрување на животот на луѓето, владата сè подлабоко ја турка земјата во изолација.

Интеграцијата во Европската Унија е блокирана, а владата нема никаква стратегија за да го деблокира овој процес.

Додека земјите од регионот напредуваат, нашите граѓани се принудени да се соочуваат со економска неизвесност и недостаток на перспектива.

Во владините канцеларии продолжуваат луксузот и незаинтересираноста, додека граѓаните веќе не можат да ги платат ни сметките за следниот месец.

Оваа влада одбра да владее со пропаганда, а не со дела, оставајќи ја земјата во длабока криза и манипулирајќи го јавното мислење со неважни теми.

ДУИ нема да остане со скрстени раце пред оваа социјална и економска катастрофа.

Правата и благосостојбата на граѓаните не смеат повеќе да бидат жртва на неодговорноста на владата.

Соочени со оваа наметната сиромаштија, оваа опасна изолација и оваа глува политика, гласот на граѓаните мора да се слушне погласно од кога било“, соопшти ДУИ.