Македонија
Здружение на судиите: Нема потреба за широка проверка на работата на судиите

Управниот одбор на Здружението на судиите заклучи дека правосудниот систем не е во состојба за да се спроведе проверка на судиите, односно т.н. ветинг.
„Управниот одбор на Здружението на судиите, по дебатата за поимот ветинг и неговата условеност со поголеми општествено-политички промени и други општествени аномалии (аномалии како замена за зборовите: постоење висок степен на корупција), целите и резултатите што треба да се постигнат, заклучи дека нашиот правосуден систем не е во состојба која импонира потреба од една таква широка проверка на работата на судиите надвор од постојните институции утврдени со актуелната законска регулатива“, пишува во заклучокот.
Здружението на судиите ги поддржува активностите на Државната комисија за спречување на корупцијата и Судскиот совет на РСМ и смета дека проверката на работата на судиите и нивното однесување е континуирана работа во надлежност на овие две институции.
Управниот одбор ги охрабрува судиите да покажат професионалност и интегритет во своето постапување и соодветно поставување кон новонастанатите состојби и апелира на воздржаност и негенерализирање при изнесувањето на јавните квалификации за состојбата во правосудниот систем.
Управниот одбор заклучи дека треба да ги усогласи ставовите со Врховниот суд и Судскиот совет за ова прашање.
Амбасадорот на Европската Унија пред неколку дена рече дека правосудството и не е толку лошо во контекст на најавите за ветинг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).