Македонија
Зеленски со писмо до Пендаровски: Верувам дека еден ден нашите земји ќе бидат членки на ЕУ

Претседателот на Украина, Володомир Зеленски, упатил писмо до претседателот Стево Пендаровски, информираат од претседателскиот Кабинет.
Како што се наведува во соопштението, Зеленски во писмото најпрво се заблагодарил за поддршката за суверенитетот и територијалниот интегритет на Украина и нејзината европска интеграција, која Пендаровски ја изразил во писмо упатено во текот на мај годинава.
„Ја цениме цврстата и бескомпромисна позиција изразена од Скопје за поддршка на сувереноста и територијалниот интегритет на Украина. Благодарни сме што Република Северна Македонија целосно се приклучи кон санкциите воведени од страна на Европската Унија кон Русија како земја-агресор“, пишува Зеленски во писмото.
Понатаму, украинскиот претседател истакнува дека поддршката за кандидатски статус на Украина за пристапување во ЕУ е од особено значење кога доаѓа од Северна Македонија, која веќе е земја-кандидат за членство во Унијата.
„Се надевам дека Северна Македонија ќе започне со пристапните преговори кон Европската Унија во најбрз можен рок. Време е Европската Унија да донесе важни политички одлуки. Верувам дека Република Северна Македонија исто така ќе може успешно да напредува кон членството во ЕУ и еден ден нашите пријателски држави ќе се приклучат кон заедничкото европско семејство како полноправни членки на ЕУ“, посочува Зеленски во писмото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се огласи девојката која беше пријавена за исчезната: Објавата е лажна

Симона Стојкова, која вчера беше пријавена за исчезната, објави на „Фејсбук“ дека веста за нејзиното исчезнување е лажна.
„Драги пријатели, сите што ме познавате лично и оние што не ме познавате – објавата што денес се прошири дека сум исчезната е ЛАЖНА!!! Се кренала лажна тревога!!! Ви благодарам за трудот и загриженоста да ме најдете, но навистина се работи за лажна тревога. Поздрав!“, напиша Стојкова.
Вчера на интернет страницата „najdime.org.mk“ беше објавено дека Стојкова (35) е исчезната. Објавата беше споделувана од корисниците на социјалната мрежа. Според тоа што беше објавено на интернет-страницата, наводно таа се јавила со врискање на денот на исчезнувањето (23.04.2025).
Подоцна од МВР информираа дека кај нив нема пријава за таков случај.
Македонија
Зошто Битиќи чувал класифицирани документи дома во сеф и за што му биле потребни, ЈО да поведе постапка, бара ВМРО-ДПМНЕ

Филипче е континуитет во начинот на практикување на политиката на Заев, а екс вицепремиерот Фатмир Битиќи олицетворение на таа пракса.
Дали во СДС е пракса или насока и стил на функционирање изнесувањето на класифицирани документи од институциите и дали подоцна истите тие документи им служат за уцени и злоупотреби, прашуваат од ВМРО-ДПМНЕ.
Самиот Фатмир Битиќи, во изјава за медиуми, како што истакнуваат, во врска со грабежот во неговиот дом кажа дека му е одземена папка со класифицирани документи.
Битиќи, бараат од владејачката партија, да одговори на јавноста за какви класифицирани документи станува збор, како се нашле во неговиот домашен сеф, поради кои причини ги поседува и за што би му послужиле истите.
„Дали поседува сертификат, бидејќи класифицирани документи добиени од кој и да е орган не можат да поседуваат лица без безбедносен сертификат.
Битиќи да одговори дали станува збор за содржина од највисока државна тајна? Дали евентуалното изнесување на тие информации би ја загрозиле безбедноста на државата и институциите на системот?“
Со оглед на тоа дека државните функционери немаат право да ги изнесуваат државните тајни и класифицирани документи од институциите во кои тие се наоѓаат и каде се заштитени, од ВМРО-ДПМНЕ, ги повикуваат СДС и Битиќи веднаш да ги известат органите за каков вид на информации станува збор.
Битиќи, потенцираат од партијата на Мицкоски, не смеел такви документи да поседува во својот домашен сеф.
„Колку закони прекршил Битиќи? Го повикуваме ЈО да поведе постапка и да го истражи случајот со украдените документи. Одговорност мора да има“.
Македонија
„Вреди“: Формирана заедничка работна група меѓу Македонија и Косово за изградба на патот Тетово-Призрен

Формирана е заедничка работна група меѓу Северна Македонија и Косово за стратешкиот проект за изградба на патот Тетово-Призрен, информираат од „Вреди“.
Ова, како што велат е проект кој со години, според нив, бил сон за граѓаните, а сега со конкретни чекори го претвораат во реалност.
„Со формирањето на оваа група започнуваме нова фаза на дејствување и посветеност. Преку овој проект ќе поврземе два историски града и ќе го олесниме движењето на граѓаните. Дел од оваа работна група од коалицијата „Вреди“ е и заменик-министерката за Транспорт, Калтрина Зеколи Шаќири, која ќе ги надгледува сите потребни процедури, со цел овој проект да започне што поскоро и да оди напред со незапирливо темпо. Ние сме за промени, не за ветувања, туку за конкретни резултати. Затоа што граѓаните заслужуваат проекти кои директно влијаат на нивните животи, а овој пат е еден од најважните“.
Имињата на членовите на групата, според соопштеното, се веќе избрани од двете страни. Во иднина се очекуваат блиска координација и брзи чекори кон фазата на дизајнирање и потоа имплементација на терен.
Буџетот, соопшти „Вреди“ за фазата на проектирање на тунелот е веќе распределен во годишниот буџет на нашата држава, што, како што оценуваат, гарантира финансиска стабилност и волја овој проект да се заврши до крај.
Патот Тетово-Призрен ќе стане реалност, прецизираат од коалицијата.