Македонија
„Зелен хуман град“ : Пропаднаа мерките за спречување на аерозагадувањето во Град Скопје

Денес советот на Град Скопје, поттикнат од градоначалничката, успеа сам себе да си даде автогол, и скопјани да ги осуди на уште една година загаден воздух. Очигледно не беше доволно што Горјан носеше маска на вчерашната седница и посочи дека 5600 луѓе умираат во Македонија од аерозагадувањето. Како си даде советот автогол, прашуваат од граѓанската иницијатива „Зелен хуман град“.
Потсетуваат дека уште од јануари 2023 година, оваа граѓанска иницијатива поднесе бројни мерки што градот треба да ги преземе за намалување на аерозагадувањето, мерки кои, како што велат, беа игнорирани.
„Во ноември 2023, поднесовме предлог-одлука на дневен ред за советот да ги излгаса истите мерки, и во тоа успеавме!
Само месец дена подоцна, градоначалничката на денешната седница се обиде преку Решение за запирање на мерките, да ги спречи истите. Советот не го изгласа решението на градоначалничката, и тука мислевме дека таа борба заврши и конечно ќе се пристапи кон имплементација на овие мерки.
Но, во ироничен пресврт на настаните, 30 секунди потоа, советот не собра доволно број на гласови да ги потврди мерките кои пред месец дена ги изгласа. Со тој чекор, практично сега мерките на ЗХГ како да никогаш не постоеле“, појаснуваат од „Зелен Хуман Град“.
Порачуваат „Среќна загадена 2024 година скопјани, подарок од градоначалничката и мнозинство членови на советот на Град Скопје, кои повторно не успеаа да го зачуваат јавниот интерес. ЗХГ ја продолжува борбата, и нема да дозволиме да ни го одземат здравјето“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Јавен обвинител бил во „Макпрогрес“ ама увидот не е почнат, пожарот уште тлее

Јавен обвинител од Основното јавно обвинителство од Кочани бил во фабриката „Макпрогрес“ но, како што информира Државното јавно обвинителство, увидот се уште не е почнат бидејќи пожарот не е во целост изгаснат и се уште траат активностите за обезбедување на локацијата.
– Во меѓувреме, јавниот обвинител издава наредби и насоки за други дејствија за целосно испитување на настанот, информираат од Јавното обвинителство.
Пожарот во фабриката за кондиторски производи и вафли избувна вчеравечер околу 18 часот при што беа опожарени магацински и производствени погони. Покрај пожарникарите од Виница, во гаснењето беа вклучени и пожарникари од неколку соседни општини.
Сите се во стабилан здравствена состојба. На осум лица, вработени во фабриката, им била укажана лекарска помош во Клиниката за токсикологија во Скопје. Четворица од пожарникарите кои учествуваа во гаснењето на пожарот, биле примени во Општата болница во Кочани, а една пожарникарка била хоспитализирана во Клиничката болница во Штип.
Македонија
Полициски хеликоптер и два ер трактори се борат со пожарот кај Раштак

Пожар попладнево изби над скопското село Раштак на Скопска Црна Гора. Чадот од пожарот се гледа од поголем дел од Скопје.
Дирекцијата за заштита и спасување информира дека пожарот се гасне и од воздух и дека се вклучени два „ер трактора“ и еден полициски хеликоптер.
– Во гаснењето учествуваат повеќе екипи на БППЗ Скопје, тим на ДЗС, два ер трактора на ДЗС и еден полициски хеликоптер, информира директорот на ДЗС Стојанче Ангелов.
Македонија
Сите хоспитализирани од пожарот во Виница се во стабилна здравствена состојба, соопшти МЗ

Тринаесет лица се хоспитализирани по пожарот што вчера доцна попладне избувна во фабриката за кандирани производи и вафли „Макпрогрес“ во Виница. Сите хоспитализирани се во стабилна здравствена состојба, соопштија попладнево од Министерството за здравство.
Осум лица, вработени во фабриката, биле на Клиниката за токсикологија во Скопје, една пожарникарка била хоспитализирана во Клиничката болница во Штип, а четворица пожарникари во Општата болница во Кочани.
Во гаснење на пожарот во Виница, покрај пожарникари од виничката Територијална противпожарна единица, вчера биле вклучени и пожарни единици од соседните општини.
Според последните информации од Центарот за управување со кризи, до 12 часот денеска, пожарот во фабриката е ставен под контрола.