Македонија
Зечевиќ во Ѓорче Петров: Вредностите на НОБ се темелот, македонската европеизација е иднината
На денот на ослободувањето на Ѓорче Петров, населба која го носи името на нашиот великан и револуционер, уште еднаш да се потсетиме на вредностите на НОБ кои го поставија темелот на македонската држава и да се обединиме околу македонската европеизација како клучен национален идел на современиот македонски патриотизам, порача денеска од скопската општина Ѓорче Петров, генералниот секретар на СДСМ, Миле Зечевиќ.
-Делото на револуционерите, илинденците, партизаните, анти-фашистите, е огромен аманет. Сега е време на нов чекор за иднината на земјата, време е за македонска ервопеизација. Современиот македонизам и патриотизам се евро-интеграциите. Да бидеме дел ЕУ, со сета своја посебност, економски посилни, побогати и рамноправни со сите нации во Европа. Горди и достоинствени, рамо до рамо, признаени и потврдени во ЕУ, е идеал кој имаме одговорност целосно да го оствариме. На тој европски пат, мора да се обединиме, општествено и национално, да постигнеме консензус за врвните прашања за иднината на Републиката и новите македонски генерации, рече Зечевиќ.
На работна средба со членови и симпатизери на СДСМ во Ѓорче Петров, Зечевиќ додаде СДСМ 31 година е на вистинската страна на македонската историја и со своите државнички одлуки дала придонес во сите државнички процеси за развојот на современото македонско општество.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Чаир, Бутел и Шуто Оризари
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 11.00 часот корисниците од дел од улицата Бајрам Шабани и дел од улицата Чаирска, општина Чаир;
· во периодот од 09.00 до 10.00 часот корисниците од објектите околу Фитофарм-Визбегово, општина Бутел;
· во периодот од 09.00 до 12.00 часот корисниците позади бензинската ОКТА во Шуто Оризари, општина Шуто Оризари.
Македонија
Делови од Карпош и Шуто Оризари денеска без вода
Од ЈП Водовод и Канализација известуваат дека денеска поради уличен дефект на улицата Демирхисарска бр 13 прекинато водоснабдување ќе имаат корисниците од улицата Демирхисарска, од 17:30 часот до завршување на дефектот, општина Шуто Оризари.
Од ЈП Водовод и Канализација исто така известуваат дека денеска поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхломска, општина Карпош.
Водоснабдувањето ќе биде прекинато од 09:00 часот до завршување со работните активности.
Македонија
Утрото постудено и магливо, преку денот сончево со мала до умерена облачност
Утрото постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Времето во наредните денови
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла.

