Македонија
Зошто Таче не побара оставка од Мерко, кој е еден од најкорумпираните луѓе во државата, прашува пратеникот Јаулески
Рамиз Мерко, еден од најкорумпираните луѓе во држава кој од македонски бисер ја унакази Струга, се најде на црната листа на САД, пишува на социјалните мрежи Јован Јаулески, пратеник на ВМРО-ДПМНЕ.
Пратеникот кој по потекло е од Струга, во напишаното додава дека сосема е очекувано за човек од таков калибар и сите камо што вели во објавата, се сложуваат со наведеното од страна на Амбасадата на САД дека присвоил средства и се меша во правосудниот систем.
„Но, прашањето е, зошто органите на прогонот не покренат постапка? Зошто од 14 кривични пријави до 2021 година 9 се отфрелни од струшкпто ОЈО, 1 од ОЈО ГООК , а за другите нема никаков епилог? Зошто нема ниту еден предмет против него? Зошто Таче, кој наместо да ја поздравува одлуката не побара оставка од Мерко? Или го штити како коалиционен партнер па врши притисок преку судиите, а ваму глуми добар пријател на Америка?“, прашува Јаулески.
Според него, многу одговори треба да се дадат на македонската јавност, но и на надлежните институции.
„Многу работи треба да се променат во оваа држава, чиј темел на сите проблеми се ДУИ и СДС, кои се изворот на криминалот во Македонија. За потсетување, Рамиз Мерко не беше кандидат за градоначалник од ДУИ во 2013 година токму на силното противење на ВМРО- ДПМНЕ како владеачка партија. После изборите, кога власта ќе ја преземе ВМРО-ДПМНЕ, работите ќе си дојдат на свое место.
Ќе има одговоност за секој кој крадел и се богател со народни пари, без разлика за која вера, нација или припадност се работи“, подвлекува пратеникот од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На гласачките ливчиња ќе останат имињата на кандидатите од Могила и Македонски Брод кои се повлекоа пред вториот круг
Независните кандидати од Могила и Македонски Брод, Сашо Пивковски и Милосим Војнески се повлекоа од изборната трка, но нивните имиња ќе останат на гласачките ливчиња во вториот изборен круг на 2 ноември.
ДИК појаснува дека законот не препознава откажување на кандидатурата, откако таа е веќе потврдена од изборните органи, што нема да го сопре гласањето.
Пивковски вчера ја образложи одлуката на социјалните мрежи, кадешто напиша дека ја донел по внимателно размислување и бројни разговори во интерес на заедништвото, наместо поделбите.
„ВМРО-ДПМНЕ е мојата партија, мојот политички дом. Како нејзин член, секогаш сум се водел од идејата за чест, за работа и за почит кон луѓето. Така било и ќе остане“, напиша тој.
Од лојалност кон ВМРО-ДПМНЕ, како негова матична партија, еден ден претходно и Војнески се откажа од кандидатирата во Македонски Брод.
„По бројните разговори со вас, мои сограѓани, одлучив да ја повлечам својата кандидатура. Ги разбирам сите оние кои, поради различни причини, ги поделија своите гласови дури и во рамките на семејствата, и не би сакал дополнително да ги продлабочувам тие теми. ВМРО-ДПМНЕ е мојата матична партија — партија на која и го посветив поголемиот дел од својот живот, уште од времето на осамостојувањето па се до денес. Сметам дека најдобрата одлука, во интерес на моите сограѓани, е да се повлечам од оваа изборна трка.“ напиша Војнески.
Пивковски во вториот круг требаше да се соочи со Драганчо Саботковски од ВМРО-ДПМНЕ. Разликата меѓу нив во првиот круг од локалните избори беше 409 гласа во корист на Саботковски. Во Македонски брод, кандидатот на ВМРО-ДПМНЕ, Жарко Ристески водеше за 834 гласа пред независниот Војнески кој ја напушти изборната трка.
Македонија
Ивановска не повика за кого да се гласа во вториот круг во Центар: „Секој гласач има здрав разум и одговорност“
Кандидатката за градоначалничка на Општина Центар, Билјана Ивановска, која ја заврши трката во првиот изборен круг третопласирана, со освоени 4.465 гласа, не ги упати нејзините поддржувачи кого да поддржат во вториот изборен круг, бидејќи, како што рече, секој гласач си е здраворазумен, има право да гласа и има одговорност кому ќе го даде својот глас.
„Кој и да победи, важно е да носи одлуки во полза на сите и да го заштитува јавниот интерес и правото на здрава животна средина,“ рече Ивановска на прес-конференција со советниците од платформата „Независни заедно“.
Таа истакна дека охрабрува фактот што во Центар постои критична маса граѓани кои не размислуваат партиски, туку преземаат одговорност за промени. Ивановска побара ревизија на деталните урбанистички планови кои не се во согласност со Генералниот урбанистички план и јавна достапност на сите издадени дозволи за градба преку мапа што доброволно ја изработила граѓанската иницијатива „Шанса за Центар“.
Рече и дека нивните советници ќе делуваат конструктивно и ќе соработуваат на сите проекти од интерес на граѓаните, но ќе бидат и гласни критичари за сите сомнителни одлуки.
Носителката на советничката листа на Град Скопје од „Независни заедно“, Јана Белчева – Андреевска, најави дека платформата ќе продолжи да собира потписи за регистрација како граѓанско-политичко здружение.
На локалните избори за Центар на 2 ноември ќе се соочат актуелниот градоначалник од СДСМ, Горан Герасимовски кој освои 8.535 гласа, и Мирослав Лабудовиќ од ЗНАМ, поддржан од ВМРО-ДПМНЕ, кој првиот изборен круг го заврши со 5.707 гласови.
Македонија
Мојсоска: ВЛЕН и ДУИ отворено соработуваат во три општини – Брвеница, Кичево и Чашка
Пратеничката и генерален секретар на Левица, Јована Мојсоска, во објава на „Фејсбук“ оцени дека „ВЛЕН“ отворено соработува со ДУИ на локалните избори.
„Едно резиме за колегијалноста во владината коалиција: ВМРО-ДПМНЕ вади кандидат за градоначалник во Брвеница. ВЛЕН исто така вади кандидат, а во вториот круг се обединија со ДУИ против кандидатот на Мицкоски,“ напиша Мојсоска.
Таа додава дека и во Кичево ВЛЕН настапил со свој кандидат, а лидерот на Беса, Билал Касами, јавно ја дал поддршката за ДУИ: „Кичевско ВЛЕН срамежливо вели ‘по сопствено убедување да се гласа’. Соодветен реципроцитет на јавната поддршка од Мицкоски која ја добија кандидатите на ВЛЕН, нели?“
Мојсоска наведува дека единствената општина каде ВЛЕН немал кандидат е Чашка, каде со поддршка на ВЛЕН и ДУИ уште во прв круг победил кандидатот на ДУИ.
„Значи, ВЛЕН и ДУИ отворено соработуваат во три општини – Чашка, Брвеница и Кичево,“ пишува Мојсоска, додавајќи дека тоа најверојатно е „како благодарност што Мицкоски ги остави Гостивар, Тетово и Струга без свои кандидати“.

