Македонија
Измамена Македонка: уплатила пари за одмор во Грција на лажен профил од ФБ
Македонка била измамена откако на ФБ договорила и платила сместување во Грција. Парите ги испратила на сметката што и ја пратила извесна „Милена Миленија“ која лажно се претставила дека обезбедува смештај. Таа нема ниту своја фотографија на социјалните мрежи.
Измамената Македонка во ФБ групата „На одмор во Грција“ го сподели своето искуство и сподели скриншоти од разговорот со измамничката за која вели дека е пријавена во српското министерство за внатрешни работи.
На членовите во ФБ групата им порача да бидат внимателни.
„Бидете претпазливи за да не бидете изиграни како нас. Се работи за Милена Миленија која лаже дека соработува со апартмани Олимпик хаусм во Неи Пори. Се јавив во хотелот, оттаму ми велат дека воопшто не постои таква соработничка. Ниту Миленија, ниту Бризела. Бара пари да и се пратат по Вестерн Унион или по Свифт. А вистинското име и е Бризела Павловиќ.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Топло со умерена облачност, температурата до 25 степени
Времето денеска ќе биде сончево и топло со мала до умерена локална облачност. На североистокот ќе има услови за појава на краткотраен дожд.
Ќе дува слаб до умерен, а долж Повардарието краткотрајно засилен ветер од југоисточен правец. Минималната температура ќе биде во интервал од 6 до 12, а максималната ќе достигне од 20 до 25 степен.
Во Скопје сончево и топло со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 11, а максималната ќе достигне до 23 степени.
Ќе настапи преодно стабилизирање на времето со позначителен пораст на дневната температура. Од сабота кон крајот на денот повторно се очекува нестабилно време со локален пороен дожд и грмежи, локално во форма на невреме. Повремена претежно попладневна нестабилност со пороен дожд и грмежи, со променлив интензитет, ќе има се до средината на следната недела.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење на мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.
Македонија
Нема подолги задржувања за влез и излез од државата
Сообраќајот на државните патишта се одвива непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.